الله يجزاكم الف خير كلن باسمه واحب اقولكم اني فكرت بكل كلمه كتبتوها واقسم اني قريت ردودكم اكثر من مره وعرفت اني فعلا سلبيه وضعيفه مع ان الظاهر اني قويه ومثل الجبل الي مايهزه الريح بسبب صبري على هالبلاوي والمصايب بس الحقيقه انتم وضحتوها لي فعلاانا اكتب عشان بس افضفض لاني اضعف من اني اتحرك واسوي اي شي مدري ليه يمكن لاني تعودت وتربيت على الطاعه وبس وتعودت اني اكون مغلوبه على امري ولا يحق لي اطالب باي شي فيه راحه لي وتعودت اني احل مشاكل غيري وبس اما مشاكلي لاا نااملك الااني ارضى بقدري بس وربي اني حاولت في بداية زواجي بس مالقيت غير زيادة المشاكل وسلبية اهلي معي لانهم في بداية المشاكل كانوا معي ولما شافوا ان المسئله بتوصل للطلاق غيروا رايهم وشالوا يديهم من كل شي وذا اللي زاد الطين بله وخلاني اكثر استسلام للمشاكل حسيت من كلامكم اني مذنبه في حق عيالي وفي حق نفسي وانا اللي كنت اظن اني الام المثاليه الصابره والمحتسبه عند ربها عشان الاجر وعشان عيالها في النهايه اكتشفت العكس انا سلبيه وضعيفه او مثل ما يقولون شخصيتي ضعيفه لاني بشهادة الكل طيبه لابعد الحدود وكل من حولي يحبني وربي انا ماابي امدح نفسي لكن ذي الحقيقه لكن انتوا صحيتوني من الي انا فيه انا اوعدكم اني احاول اقوي نفسي واني اصير قوية الشخصيه وان اتعلم اقول كلمة لاااااااااااااااااااااااااااااااا عشان املك الجرءه اللي تخليني اتصرف وانفذ اللي نصحتوني فيه بس رجيتكم ادعوا لي اني اقدر اغير من نفسي عشان احمي عيالي من الي اسمه ابوهم واشكركم جزيل الشكر لانكم فتحتوا عيني على شي انا ماكنت شايفته رجيتكم ادعوا لي من قلبكم لان دعوة المؤمن لاخوه المؤمن بظهر غيب مجابه ماقلت لكم اني منبع الاحزان لاني كل مااخلص من هم يطلع لي هم جديدواخر همومي هي انا نفسي لاتنسوني من دعائكم