السلام عليكم ..
أخي الفاضل .. كلامك هذا المفروض كل أب وأم يسمعونه وغير تكلم كثيييير .. بس , لا حياة لمن تنادي .. والله من جد مصارييييف بالهبل , أنا مافي الا شي واحد قاهرررني ( الحين الزوج يحط كل هالفلوس بس علشان يونس العالم , بقاعة مدري بكم وعشاء على طاولة نص كيلو طولها , وكروت منقوشه بمدري ايش والطقاقة لازم تكون برتني سبيرز والا شاكيرا , مدري بكم ألف .. يعني كأنهم يدفعون مهر للطقاقة بعد .. , ووو الخ ) فلوسك هذي خلها لك ولزوجتك وبيتكم .... اما بالنسبة للمهر آآآخ , من جد شي يقهر , يعني الواحد بعد ما يدفع اللي عنده ويتنتف , يجي بعد الزواج هو وزوجته ( يناظرون بعض ) فلوسهم راحت .. وتبدأ مرحلة الديون عاد الله لا يبلانا بس ..
وهذا من اسباب عدم زواج البنت هنا بالسعودية ( ماخذين ان المهر شي يكشخون فيه قدام العالم , أووه هذي بنت فلان مهرها بكذا وكذا ) ليييييش ؟ بضاعة هي ؟؟ والا سلعة ؟؟ .. لو تتعدل مشكلة المهور كان كل واحد تزوج .. وكل وحده تزوجت .. وكل اثنين متزوجين يصير عندهم فلوس بعد الزواج ( يلعبون فيها لعب ) ..
يووووه .. بهالموقف اذكر حال صديقي .. راح خطب وحده , ام البنت وابو البنت قالوا له .. خذها بملابسها والمهر اللي تبيه .. والشخص هذا تزوج أمس ( أمسسسس ) تصدقون ؟؟ وفلوسه رح يدلع بها زوجته سفريات وطلعات وهدايا وشقة وسيارة ... ووو الخ ..
الله الهادي بس ..
أخوك More Than a MAN