اسمعي اختي انتي لم تتزوجي ملاك لانك لستي ملاك
كل منا له اخطاؤه هو اخطا مفيش شك
بس انا لاحظت في كلامك حاجة خطيره انك مصارحتهوش وهو ميعرفش انك عارفة
دي اظنها غلطة كبيرة لازم تعملي حاجة من اتنين
اما انك تصارحيه وتعاتبيه وتعرفيه انك كان ممكن تسلمي مشاعرك لغيره زي ما عمل بس انتي اطهر من هذا بكثير وعشان بتحبيه متقدريش تحسي بانسان غيره وتحاولي متكونش نهاية النقاش زعلة حاولي تحركي الحوار في اتجاه انه يصالحك ويسترضيكي
او انك تكوني انسانة ذكية وشخصية قوية وتعتبريها معركة بينك وبينها ولازم تفوزي انتي لانك لو خسرتي هيكون معناه ان انوثتك خسرت وشخصيتك خسرت وقدرت واحدة تاخد حبك وزوجك وهدمت بيتك وبالتالي هتكوني ضعيفة جدا
حاولي تخفي تماما معرفتك باللي حصل وقربي منه بطريقة تلفت انتباهه وبدون مقدمات خليه يشعر في كل لحظة انك انتي الاحسن وانتي التي تستحقي الحب والاهتمام