لا حول ولا قوة إلا بالله

الله يهديك بس كبورة

غبت عن المنتدى بعد ما قرأت موضوعك وحكاية العريس وقلت الحمد لله جاها نصيبها الله يوفقها ويسعدها ويهنيها

وانصدمت اليوم لما دخلت المنتدى .. وقرأت موضوعك اللي قبل هذا .. وموضوعك هذا كمان

الله يهديك بس كبورة

ماراح ألومك على حكاية عانس هذي .. وبصراحة .. ألوم اللي يلومك

العنوسة مو بالعمر .. العنوسة بالمجتمع اللي حولنا

يعني لما يكونوا البنات زي في مصر مثلاً .. الوحدة تتخرج من الجامعة ويدوووبك يبدأوا أهلها يفكروا في تزويجها

واذا اتخرجت من الثانوي قالوا عنها كتكوتة

أما احنا الوحدة اذا اتخرجت من الثانوي وما اتزوجت مصيبة

واذا دخلت الجامعة وعدت السنين وما اتخطبت كارثة

أما اذا اتخرجت من الجامعة وما اتزوجت الطامة الكبرى

هذا مجتمعنا .. صاروا بنات 23 عوانس مع سبق الاصرار والترصد

واذا وحدة عمرها 18 .. وبنت عمها في سنها واتزوجت .. حطوا العين على فلانة .. وقالوا البنت حتنعنس

بنت عمها اتزوجت المفروض هي كمان تتزوج !!

أعترف

عندنا ضغط اجتماعي ماله مثيل .. وبيأثر على نفسياتنا زي ما اتأثرت نفسية كبريائي .. ونفسيتي قبلها

الحل ... ؟؟

كيف نواجه مجتمعنا ؟

أنا أقولك

شوفي عندك وحدة من بنات العيلة .. ماهي صغيرة في سنها .. لكن حركاتها كلها تدل على إنها طفلة

ليش ؟ أنا أقولك

البنت كل كلامها تريقة .. يعني ما تاخذ سيرة الزواج بحساسية زينا

مرة من المرات قالت لها وحدة فلانة .. أمك مسوية لك مفاجأة

الا قالت لها ايش ؟؟ عريس ؟؟

الكل ضحك ..

كلامها كله عن العرسان والزواج و ... الخ بس بأسلوب فكاهي

كذا ما تخلي لأحد فرصة إنه يأثر على مشاعرها

لازم نكون أقوياء حبيبتي كبورة

ونواجه مجتمعنا

الشاهد من القصة .. لا تسكتي على نقاط ضعفك وتخلي الناس يستغلوها

شوفي

أقلك بصراحة والله ومن غير كذب

وحدة طولها 150 وزنها 65

زوجها طوله 185 وزنه 90

اتخيلي المنظر !!

اتخيلتي ؟

يلا أزيدك من الشعر بيت

البنت نفس تكوينها وتكوين عظامها عريضة

الرجال نفس تكوينه وبنيته ضعيف

تعالي شوفيهم

وربي عصافير .. شكهم تحفة .. سعادتهم يوم ملكتهم ما خلت لاحد مجال انه يتكلم فيهم

لما شفنا صور الملكة وقعدوا الناس يتكلموا ويلقحوا عليها بالكلام ما سكتت ولا استحت

ردت عليهم

وحدة قالت لها وحدة قزمة تاخذ لها واحد طويل .. هذي من عجائب الدنيا السبعة !!

الا ردت عليها البنت انتي ايش فهمك اصلاً .. الرجال طايح فيا دلع .. وما يناديني الا عصفورتي الصغيرة .. وحأفضل طول

عمري في نظره كتكوتة !!

كبريائي حبيبتي

للأسف الفرصة ما سمحت لي أرد على موضوعك الأولاني

بس السمنة اذا ما كانت تأثر على صحة الانسان ما هي عيب

وصدقيني اذا كانت تأثر على صحته تلاقيه هو بيدور لها حل ما اعتقد انه بيسكت على نفسه كذا

وما اظن انه تعليقات الناس عليه وعلى شكله أو شكلكم مع بعض تهمك

قد ما تهمك علاقتكم وراحتكم مع بعض

نصيحتي

اذا عرض الولد بالخطبة مازال قائم

والام اذا انها انسانة طيوبة وحبوبة وارتحتي لها

ارجعي استخيري ثاني

واتذكري

ان التخن والنحف صفة عارضة للانسان ما هي دائمة

اليوم انا نحيفة .. بكرة النهار اتزوج احمل اولد ويمكن ربي ما يقدر لي انزل وزني

وافضل زي كذا دبدوبة على طول

ما يبغى يسوي رجيم ما عنده ارادة بعد الزواج بكيفه

انتي الدور عليكي كله

لا تقدميله الا اصناف صحية

وابعدي عن المأكولات الدسمة

يعني لا تخليه رجيم بمعنى الكلمة

مجرد نظام غذائي بعيد المدى

وحتشوفي انه تأثيره افضل وادوم من الرجيم

اقلها ما فيه حرمان وعناد

ومع الوقت بيتعود عليه

كبريائي

الزواج نص الدين .. وسنة الحياة

يعني طبيعي كل انسان يكون الزواج هو شغله الشاغل

المو طبيعي انه الانسان يعيش حياته من غير ما يشغل نفسه بالزواج

عشان كذا لازم تستغلي الفرص

واذا ما استغليتها الفراغ عمره ما راح يروح

مهما شغلتي نفسك بدراسة بصحبات بـ ... الخ

تظل فكرة الزواج .. والرغبة فيه تلح عليك من وقت للثاني

هذا الشي الطبيعي

وانا ما ابغاكي توصلي لمرحلة اليأس والاحباط

كبورة

لاحظت فيكي حاجة ماهي كويسة

مع الوقت حتدمر نفسيتك

كبريائي حبيبتي انتي انسانة مستقلة بنفسك .. امك هي امك استحالة تكون زي ام فلانة .. وخطيبك هو خطيبك ..

استحالة يشبه خطيب فلانة ..

كبريائي .. مشكلتك تقارني كثير

والمقارنات ماهي كويسة .. كثرة التفكير تدمر الانسان

ومن راقب الناس مات هماً

حبيبتي دعي الخلق للخالق واقنعي باللي رزقك بيه ربنا وباللي كتب لك هوا

وخلي عندك دايماً حسن ظن بالله وانه ماراح يتركك وحيدة وانه دايماً معاكي وحيكتب لك اللي فيه الخير

كبريائي لا تقارني بينك وبين احد .. لانه مهما صار انتي كبريائي وهي فلانة

ذكرتيني ببعض قرايبي .. هلكوني من كثرة المقارنات .. الله لا يعودها من أيام .. اتخطبت انا ووحدة من العيلة في نفس

الوقت .. وهلكونا مقارنات بين هذا وهذا .. وأهل فلان وأهل علان .. وربي نكدوا عليا نكد ما عرفت فيه النوم .. بس

الحمد لله أزمة وعدت .. وعرفت أوقف كل واحد عند حده .. ويلا كلها فترة وألم قشي وأبعد عنهم الى ما لا نهاية باذن

الله تعالى

حبيبتي

فكري بعقل مرة واثنين وثلاثة

ولا تستعجلي بالرفض

والله يكتب لك اللي فيه الخير يارب وسامحيني لو طولت عليكي

***

انتهت حياتي .. فعلا متمسكة مرررة وموافقين على كل شروطي .. بس اللي خلاني اتراجع كلام عماتي وخالاتي
تريقة بشكل فظيييييييييييع كويس مابكيت قدام احد وكمان انا متعودة اطنش وهذا يقهرهم ..

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,

عبير ... احبك ياعبير موووت والله ماتدري قد ايش احبك الله يحفظك ربي ..
اخيرا احد فهمني وماقال انتي لسه صغيرة ادري اني صغيرة بس لاتقولولي انا .. تعالوا فهموهم اني لسه صغيرة ..
ترى كثرة الكلام يذبح ...
ترى ياعبير اللي يخليني اقاررن احيانا هما شوفي فلانه مافيها شئ واتزوجت وشوفي هذي كيف وانتي كيف وتراكي احسن منهم الا انك خائبة في الزواج .. بالله كيف اتحمل
لما اروح معاهم فرح الدموع شوية وبتطلع كلام كلام كلام ..
ترى الام مررة متمسكة بشكل فظيع وولدها كمان وما اخبي عليكي الولد بس شاف صورتي وكنا محددين النظرة الشرعية الاسبوع الجاي .. بس التريقة ما راح تكون سهلة
اقلك شئ ياعبير والله تضحكي .. الولد مافيه ولاشئ غير انه سمين .. بس
وتراه محبوب مررررررة وراضي بكل شروط اهلي التعجيزية .. وبيخليني اكمل دراستي واشتغل ةكل شئ لانه يبغى واحدة انيقة ومتعلمة ويفتخر فيها ومقتدر وكل شئ .. بس اللهم سمين بشكل فظيع
ياليته كان نحيف شوية ...
الولد يبغى الزواج بدري عارفة امي اقترحت بس انا رفضت وكنت لحظتها زعلانه انه يتأجل الزواج سنة وتقول لامه اني راضية لكن زيادة وزنه تخليني ارفضه وعلى اساس هذا الكلام يحاول يخفف وزنه خلال سنة على الاقل للنص ..
فعلا الولد مايتعوض لكن الا السمنة >> تراني مو مدلعه سمين مرة قريب لنبيل شعيل
واحنا في زمن ماتثقي في احد وكلا يقول يالله نفسي ..
ايش رايك ياعبير ؟...
ترى امه لما شافتني تحسبنا نمزح وعمري مو 21 تحسب 17 او 18 لانه فعلا شكلي صغير .. وتحبني واهله طيبين مررررررة واخلاق وخالي يعرفهم ..
ايش رايك في الموضوع ؟ خلاص اليوم في الليل انا راجعه جدة ان شاء الله ..

:



السلام عليكم


اولا / لا تتركى الصلاه مهما كانت الأسباب


ثانيا / اتقى الله فى نفسك ولا تكونى متشائمه لهذه الدرجه ( احمدىربك انك مسلمه وانك بصحه وعافيه )


( الصحه تاج على رؤؤس الأصحاء لا يعرفها الا المرضى )


ثالثا / كل مايحصل لك هو مكتوب من الله عز وجل ولن تستطيعى ان تغيرى شى الا بالدعاء الى الله عز وجل

واكثرى من لدعاء فى الثلث الأخير من اليل وقولى ( اللهم ارحمنى فوق الأرض وارحمنى تحت الأرض وارحمنى يوم العرض)


ثالثا / اشغلى وقت فراغكى بما يرضى الله عز وجل ( فان الفراغ يولد الملل والملل يولد المرض )


رابعا / فضلا وليس امرا اطلب منكى ان تغيرى اسم موقعكى من ( امراء منسيه ) الى ( المتفأله )


خامسا / انصحكى بقراءه كتاب ( لاتحزن ) للدكتور ( عائض القرنى )


سادسا / اياكى ثم ايكى ثم ايكى ان تهتمى بكلام الناس او نظراتهم الحقيره اليكى


واي شخص يسألك عن موضوع الزواج قولى له ببتسامه المتفأله لم يأتى نصيبى الأن


وقولى له ان يدعو لك بالرجل الصالح


سابعا / خذى الحيــــــــــــــاه ببســــــــــــاطه


انــــــــــــــــــــــــــيـــــــــــــــــــــ ـــــــق

اختي كبريائي انتي لسه صغيره واذا ربنا كتب لك هالشاب الدبدووب مافيه شي راح يرد رزقك انتي ماتدري يمكن ربي يسعدك معاهـ
( وعسى ان تكرهوا شيئا وهو خير لكم)

وماعليكي من كلام احد لاتخلين احد يأثر فيك بسبب غرورهم
الله يوفقك ويريح باللك
اختك همووم

عادي حبيبتي كبريائي ,,,,

كبري عقلك ....
احكيلك عن تجربة ايش بيصير معي ؟؟؟؟؟؟؟؟؟؟؟؟؟؟
وانا لساتني 24 !!!!!!!!!!!!!!!!!!!!!! يعني عز الطلب ... جامعية ... وبشتغل الحمدلله في شغل كتير مميز ... وحلوة ... وبنوتة عصرية (بس بحدود) .... وفي احلى عمر للزواج ....
وايش بيشوفوني اهل بلدي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بيشوفوني خلاص ... راحت علي
الله يشفيهم ..... والله اني حزنانة عليهم وشفقانة على اسلوب تفكيرهم ,,,,
في المقابل ... لو تيجي تسمعي راي اي واحد سواء بيشتغلو معي او اللي بقابلهم في ايامي العادية .....
والله بيمدحوني وبيحكو لي ,, نياله اللي راح ياخدك
بحكولي والله انك فهمانة وامورة وعاقلة وانتي لسة الطريق ابتدا معك....

يعني ارتاحي حبيبتي ... النظرة الغلط ما بتيجي الا من اهلك اللي حواليكي ,,,,

الحمدلله على كل حال

شغلة تانية ,,,,
نسيت احكيلك ...
لا تستعجلي ابدا ... خليكي على اقل من راحتك ... بالاخير كلو نصيب وراح يجيكي اللي يهنيكي ان شاء الله

الله يرزقك ويرزقنا الانسان اللي فعلا يستاهلنا ,,,

انتي احكي امين