الفردوس ..

سلامات يارب ..
بس ما يصير كذا ،، شو 42 ؟؟؟

لازم نتحدى بعض ،، نزيد أقل شي 5 كيلو إيش رايك ؟؟؟ ^_^

راح أوزن نفسي بكرة ،، و نبدأ نوزن نفسنا كل يوم أو كل أسبوع ..
المشكلة ما عندي ميزان ، بس بكرة بأشتريه ^_^

.
.

بعدين من جد حليب أبو قوس يسمن ؟؟؟؟
أنا أحبه مع الشاي و السكر .. شكلي كل يوم بأعمل لنفسي

روح ..

انا المرة هاذي تخنانة تخنانة مافيها كلام

لاني بستخدم علاج .. يسبب سمنة

عشان كذا مرتاحه و متطمنة

تصدقين .. استانسس لما اشوف توفي تسولف الله يحفظها

ودي كذا اهرج زيهم و اقول ريجيم وما ريجيم

نفسي اتشكى زي البنات و اقول ما لقيت مقاسي

بس منجد منجد امنيه حياتي البس دراعه زي الحريم المعبيات

مرة اشتريتها وقصرت فيها عند الخياط .. طلع شكلها مو حلووو

حلاتها أكتاااف .. الله يرزقني قولي آميين

كله كووم ولما تشوفين ناس أول مره .. يقولون لك يععع اشبك كذا عصايه

هذا وانتي مخلفة ... حلو انو مو باين عليك عمرك الحقيقي

بس مو حلو انك نحيييفه هالقد ..







حليب ابو قووس .. لوحده ما يسوي شي

تحطيه مع عصير العرايسي .. واشربيه

طعمه لذيذذذذ مع المكسرات ..

تعالي بسألك ..

ما تجيبين لأطفالك .. حليب الصافي و عصيرات دناو وكذا ..؟

هاذي تراها حلووة وتفتح النفس

النقنقة و الشيبسات و الكاكاوات .. تعودك على الأكل

عشان كذا كوني خليها جنبك بإستمرار قدام عيوونك

جنب التلفزيون .. اللاب ,, فوق دولاب اللمطبخ

والفواكه كمان ..

هالكلام طبعا ... لي ولك

انا بكرة ان شالله بنزل بنده واجيب لي اغراض و بشتري ميزان كمان

اللي عندي خربان ..

وان شالله يزيد وزننا من غير شر

__________________

‏
الوعي هو الملاذ ..

أستغفر الله العظيم ؛
( الفردوس غايتي )

صباح الخير ..

صباح جميل يحمل معه الكثير من الأخبار الجديده والمثيرة

بفضل الله أغتنينا وسمِنّا و إرتوينا

ابشركم , زاد وزني شي كثير بقدرة قادر

زدت خمسة كيلو في الشهر هذا

فرحانة مرة بالزياده , اللهم لك الحمد

ولسه لسه , ابغى اوصل للسبعين عجبني الموضوع

عصامية أخبارك

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ضحكت من جد الفردوس غايت تقول عجبها كلام توفي عن الريجيم
وأنا أقول في نفسي معقولة في ناس ماتحب تاكل
أو تنسى تاكل

أنا نفسي تجيني عدم رغبة في اكل الشيبسات والاشياء
نفسي اروح السوق ادور أصغر مقاس
نفسي اكل واكل ووزني يظل ثابت

قررت استبدل الخبز الأبيض بالبر
وقررت ادور سكر الريجيم
ويارب يارب انحف وأثبت على وزن

علمونا بعد يالنحيفات كيف نظامكم مع الاكل

اجل كلامي يافردوس يونس

اهم شي تستانسين

اجل بكتب لك يومياتي
اليوم احس بلوز وصداع من شرب المويه البارده يقولون انها تنحف
المهم ماوقفت المويه البارده
وشربت شاي بالليمون والزنجبيل مفيد للبرد وينحف <<<< يلله استانسي

وفتحت موقع تسوق الكتروني ادور ملابس مقاسي الي ابي اوصل له ..
مقاسي الان 14
وابي اشتري 12
مالقيت
كلها 10 وتحت

وبعدين الكتوف مالها دخل بالسمنه انا من يومي عصله كتوف
واختي عصله ومكتفه << هههههه تذكرت ايام المدرسه

الكتوف تجيك من رياضه .. بس ماعندي خلفيه ايش هي

فردوس حبيبتي
احنا لو نستنى كلام الناس عمرنا ماراح نرضى عن شكلنا
انا عندي كتوف .. والحمد لله جميله
وكم وحده تقول لي مو حلوه كتوفك
بس انا عندي قناعه انها جميله ..
ولولا ثقتي بنفسي كان علوم .. الي تقول طولك يعطيك عمر زياده
والي تقول كتوفك مكبره عمرك
والي تقول انتي تتصنعين بكلامك

بس الحمد لله .. الي مايعرفوني ويشوفوني بالاماكن العامه يثبتون لي ان الي قالوه معارفي كله غيره ..

اهم شي انت تحبي نفسك ..
ولا لو بنستنى راي الزوج والناس .. مارضينا عن انفسنا ابد

المهم اني امس خذيت كم حبه جالكسي جواهر .. و يوم قست وزني .. حسيت بتانيب الضمير ..
ومقرره اني احط حلويات اليومين الفري حقتي .. باكياس حلوه واعلقها على الثلاجه واكتب مثلا .. الاربعاء و الكيس الثاني الخميس

بنات والله احبكم كلكم ..

ماشاء الله .. اجل تاكلون شيبس ؟؟؟؟؟؟؟؟؟؟؟؟

عادي تاكلونه بلحاله
جيبو معه صوص الشيبس
انا احط زبادي مع ملعقة لبنه وشوي نعناع مجفف او فريش حسب الموجود وشوي فلفل ابيض .. وملعقة شاي من اي صوص بالثلاجه .. اقصد صوصات السلطه الجاهزه

__________________

توفي انا لو اعمل ريجيمك اتخن 05 كيلو بالشهر
ماشاء الله عليك حبيبتي

مجرمه ي توفي
لِــwhayــيُش جذي
صوص وروب ولبنه وفلفل....!!!!!

توفي ماعندج ريجيم ابو خمسه كيلو؟؟

__________________
اللهم احفظ لي زوجي وسخره لي واحفظ لي اولادي

ناني
وشو ابو خمسه كيلو
اسمه تحفه هههههههههه

__________________

هههههه


ابي اضعف خمسه كيلو بَـßÊـسّ
مافي رجيم صارووخ!!
بسرعه


بعدين ي بنات ي حلوات
الفلفل يفتح الشهيه بشكل ماتتخيلووونه ( المعبوج او الاچار) الاسامي تخرع بَـßÊـسّ لذيذه 😂


تاكلونه مع وجبه الغدا العيوش وكذا😭


العيش يعني الرز .... ان شاءالله استفدتوا شي


فردوس كنت اتخيلكً متينه!!😆

__________________
اللهم احفظ لي زوجي وسخره لي واحفظ لي اولادي

لا الصوص مالمسته من زمان
بس مجرد مااقوله لكم احس اني اكتفيت نفسيا

عندي قريباتي مررره نحيفات .. ويقهروني يشربون شاي اخضر .. مع ليمون
واذا قلت لها ماشاء الله كنك زايده كم كيلو <<< اكذب بس ابيها تستانس

تقول لاياشيخه مابي اسمن كذا عاجبني .؟؟؟ مدري تلعب على نفسها ولا يائسه انها تسمن ولا تدري اني العب عليها ؟؟؟؟؟

__________________