لو كتب البيت باسمها غالبا ستطلب الطلاق

هي قالت تزوج ذا حقك , معني انه يتزوج هي تظل في البيت مع عيالها

الي عندها تجاوز الشك و عدم الثقة الي النفور و عدم الرغبة بزوجها

ما جاوبت علي سؤال مهرة عشان نفهم اماذا كانت بحاجة لاتثبات انك مو حق خرابيط

__________________




( اخوتي و اخواتي ان لم تجدوني بينكم في الجنة فسألوا عني )

حقيقي انا مرا انصعقت من الطلب يعني لو كان بغير وقت ممكن صح يكون مقبول نوعا ما
.. وماتوقع انها جادة فيه بس يمكن تختبر ردة فعلك
او انها حابه توصلك شعورها معك بعدم الامان !

بس بسألك وين المشكله لو كتبت نص البيت باسمها ماهيا كمان ام عيالك ؟
يعني انا ماشفت انو استغلال قد ماهوا ضمان لها

عموما انتا ما عطيت نفسك وقت لتفهم ايش اللي زوجتك حابه توصل له من طلبها هذا
اتسرعت بخروجك وعصبيتك
مع انو المفروض انك تضبط اعصابك .. وتكون متوقع منها أي شي مدام نويت انك تتناقش وتفهم تفكيرهاا

وكل اللي يقولك الزواج الثاني عطاك اقوى بنج ، بعدين حتى لو اتزوجت ايش اللي يضمن لك ماتطلب منك الزوجه الثانيه انك تسجل لها البيت او نصو باسمها او تشتري لها شقه مثلا ؟؟؟؟

يا اخي لو انتا فعلا حاب تصلح وضعك مع زوجتك انصحك في عدم التسرع باتخاذ اي قرار
ولازم تصبر ..
ولما تحس انك سويت كل شي عليك وخلص ماعاد في حل غير انك تتزوج ف اتزوج وبالتوفيق lk

__________________
-

" وَلسوف يُعطيك ربُّك فترضى "

السؤال ..ليش هاجرها شهرين ؟
وهي عاجبها الوضع ؟ ليش ماستنكرت

الشئ الثاني ... هي حاطه ببالها انك تخونها وعلشان كذا قننت اهتمامها بك واصبحت معك جسد بلا روح ان صح التعبير

أنتظر منك إجابة على سؤال الأخت ريماس .

هجرتها قلت يمكن تتسنع وتراجع نفسها
اما موضوع انه عاجبها الوضع فـ شكله عاجبها
اكله شاربه نايمه مثل ماقالت احد الاخوات
وسواق يوديها لمدرستها ويجيبها وعايشه مع زميلاتها بالواتس والمكالمات
وحتى الاكل ارتاحت من الطبخ وانا بطبعي اقرف من اكل الشغاله فـ اطلب من المطعم وعلى هالحاله

خلها تقول الي تبي خواتك مايبوني والخ يمكن هالشي هو اللي رادها عنك
وانت ماشاء الله عليك تقاطعها وتبيها بس تتكلم عن ماتبي انت وهو ليش ماتتزينين لي
خلها تقول اللي بقلبها حلوه ذي قاطعتها
خواتك ببيوتهم طيب اسمع لها يمكن احد رامي عليها كلمه !

اخوي
ماقريت كلامي زين
انا قلت لما شفتها انها راح تتجاوز قاطعتها
عشان ماتصير مشكله جديده وحنا مو ناقصين مشاكل
اما قولتك خواتي قايلات كلام لها اصلا العلاقه مقطوعه بينهم نهائياً
بس بالاعياد والمناسبات اللي يتجمعون بالديره غصب ومابينهم الا سلام بس

خلهاا تطلع وتتشعب هي داخلها تراكماااات فاهم كيف يعني تراكمات
مافي شيء اسمه خواتي مقطوعه علاقتها فيهم يعني اسكتي !
واذا مقطوعه خلها تتكلم عادي حتي لو قالت شيء كذب عادي سوي نفسك مصدقها وخذ واعطي معها لين يفرغ قلبها
وفعلا انت تسالها ليه متغيره ويوم جت تعدد لك الاسباب قاطعتها
اصبر وخلها لو توصل النقاش لامريكا افرغ اللي بقلبها عادي
قالت اكره خواتك
اساله بلطف قلها ليه ياعمري ومن هالكلام
قالت لك كذا بس ماحبهم عادي قل لها ايه ياقلبي انتي حره وانا احبك ومعك ولاتخافين
حتي لو انت تكذب عليها المهم كلمه تشق خاطرهاا ..
الله يهديك بس ..
هو انت اخذها عن قناعه ؟
اخذتها وتكلمت عندها عن اللي كنت تحبها ؟
ولا نسيتها من اول ماتزوجت ؟
يمكن في شيء مخانقها للتستهين حتي النظره تجرح الانثي

برضو افهمتي كلامي اختي

اعيد انا تركتها تتكلم وتقول اللي تبي ماقاطعتها وتكلمت بخصوص خواتي وانا ساكت وتركتها تفضفض على قولتك الا لما شفت انها بدت تتجاوز بالكلام على خواتي هنا قاطعتها عشان مايتطور الموضوع وينقلب للهواش لاني طبيعي ماراح ارضى باي كلمة ناقصه بحق خواتي وهذا طبيعي
وخصوصاً ان انا ماعندي الا اختين وكلهم اكبر مني وكبار في السن واختي الكبيره كبيره في السن هي اكبر نا وهي اللي ربتني يعني اعتبرها امي مو اخت بس

فـ انا مااجبرها انها تحبهم لاني اعرف ان الحب والكره بيد الله عزوجل وحتى لما نروح لديرتنا مااجبرها تروح وتزورهم اخذ عيالي واروح ازورهم انا
فـ ماني شايف تأثير من اخواتي على حياتنا هم ببيوتهم مستورات والحمدلله وانا ببيتي

اختي انا ماعمري جبت سيرة بنت او مدحت بنت قدامها حتى اللي بالتلفزيون مااعلق هذي حلوه والا هذي شينه


وبعدين بصراحه انتم حسستوني اني اتعامل مع كائن مو من بنات ادم وحواء
الانثى حساسه الانثى والا نثى

الانثى مثل الذكر بالضبط فيه الحساس وفيه اللي بدون احساس وفيه الحنون وفيه الجاف الخ من هالصفات

^
هو ما قال انه كان يحب وحده!!!

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..