اخي اعرف احد الاخوان مر بعدت تجارب عاطفيه فاشله وفي كل مره ينوي يخطب وحده تطلع تخونه او
يخطبها واحد احسن وتتركه عشانها وتعرض لهذا الموقف يمكن 3 او 4 مرات على مدى سنوات

فراح لعب بكل النقود الي جمعها للمهر والشقر وغيرها ولعب فيها (تزوج سياره مثل ماقلت) وسفرات ووناسه
واظرب عن الزواج

وبعد فتره حب وحده وكانت بنت ناس وكان يبي يخطبها وماعنده ولا فلس وتسلف مبلغ يقارب 75 الف دولار
عشان المهر والشقه وشهر العسل واقساطه مقسمه على عشرين سنه

شسوت عليه ؟؟ تشاءم وكره الحريم ولما حب وحده ظل يعاني من الديون عشرين سنه

اصبر نصيبك لن يخطئك بكره لي حبيت وحده واردت الزواح منها راح تنسى كل القبلها ويبقى تفكيرك حسره
على النقود الي اضعتها

اخوي

لا تتشائم .............ما تستاهلك هذي ولا اللي قبلها

هون عليك اخوي ..............لا انت أول ولا أخر واحد يصير له اللي صار

سبحان الله قسمة ونصيب

ولا تحزن

وانظر الى مستقبلك وحياتك

اخي انت توك صغير 21 سنة ...........أنا لو ولدي يطلب مني يتزوج بهالعمر ما أزوجه

أخي اذا الله ما كتب لك الزواج الحين ...............الحياة قدامك طويلة ان شاء الله

ولا تفكر فقط بالزواج التفت لأشياء ثانية بحياتك

طور مهاراتك ..........البدنية ...........والعلمية ............والعملية

خذ دورات ............ترفع من مستواك العلمي

اشترك بنادي لياقة بدنية وحمل أثقال ............

اذا تحب الدراسة واصل دراستك ................

سافر للعمرة ...............وصل ارحامك ...........وتعرف على أصدقاء جدد

غيرت روتين حياتك الى الأفضل

اللي صار .............مو أخر الدنيا ولا نهاية الحياة

ربما ذلك خيرا لك ..............لأنك بصراحة توك صغير على تحمل مسؤلية الزواج والحياة الزوجية موسهلة

ارجو ان تفهمني انت كبير في عقلك وجسمك ................لكن الزواج يبي له مسؤليات وتعب

صدقني ............احمد ربك على ما قدر لك

وان شاء الله هاللي صار لك فيه خير

وانصحك لا تخطب الحين ...............انتظر الى بعد اربع سنوات كذا او على الأقل سنتين

اخوي الحياة قدامك طويلة بأذن الله ............وستملأها نجاحات وتحقق بها كل أمانيك

فتفائل .................تفائل

وغير اسمك لو سمحت من انتهت حياتي الى ..........ابتدت حياتي

فالمستقبل أمامك بأذن الله مشرق .

وفقك الله وأعانك وهداك لكل خير .

العمر مو كل شيء يا اختي

و حديث الرسول: ( يا معشر الشباب من استطاع منكم الباءة فليتزوج....)الحديث


ما اعتقد لي مستقبل بعد كل اللي صار


ما اعرف..والله احس اني ميت قريب


يا اختاه كنت اعتبر الزواج مشروعي الأول بعد ما توظفت و صار عندي ارض ابني فيها بيتي بالمستقبل
لكن كله طار بلحظه بسبب زواج مافي
وبالنسبة للروتين..عملي باليوم 12 ساعة يعني عمل و نوم


صغير صغير صغير والله انتي كذا تحطميني زيادة و زيادة
عمري صغير لكن قد المسؤولية
لو انا شراب خمر و مفحط وصاحب شاليهات و طلعات بالأيام ما احد يعرف عني حاجة و سفريات للخارج يكون وقتها لازم اتزوج علشان احس بالمسؤولية...هذا كلامك صح؟
والعاقل اللي ماله في الخرابيط هذي كلها لازم ما يتزوج لأنه صغير او مو قد المسؤولية

والله بإمكاني في 30دقيقة احجز شاليه و شراب وشباب و.... و الخ
لكن ابوي ما علمني الاشياء هذي و عندي اخوات اخاف عليهم فكما تدين تدان

الحلال صار جداً صعب

لكن الحرام سهل جداً بس إشارة وكل شيء جاهز

استغفر الله العظيم

لا حول ولا قوة الا بالله

يا اخي لا تيأس من الحياة ولا تكن ضعيفا
فيه بنات تطلقوا مرة ومرتين وثلاث وبعد الدخول والحب
والعشرة ومع ذلك هم مقبلون على الحياة ولم ييأسوا من رحمة لله
وبالعكس متفائلون ويعلمون ان كل شئ نصيب مقدر قبل ان يخلقوا وراضين بقسمة الله
سبحانه

__________________

إنت يا ساري تحب تقلب في المواجع

الأولى كان عمرها 19

الثانية كان عمرها 20

يا اخي خاطب الي باعمار هذه وزعلان
تصدق يا اخي البنات الي بهل عمر ماهم قد المسؤلية وفيهم دلع بالشيء الكثير خذلك وحده فوق ال 25 ان كنت كبير وفوق الخمسة والعشرين
ولا تتشائم يا اخي وتفائلوا بالخير تجدوه
بحفظ الله

عليكم السلام ورحمة الله وبركاته


إذا إني بمشي على حسب قرارك ونظرتك

صدقنـــــــي كان مات الإحساس فيني وصرت متشائمـة وأكره كل الناس

مريت بأكثر من خطوبة وكلها فشلـــــــت

والأخيرة قبل حتى مايشوفني رفــض

بعد ماجت أمه ونقلت له الصوره على قولتها !!!!

إذا إنت رجل والفرص بيدك إنت

إنت اللي تقرر وتختار وتروح بتقول كذا ؟

أجل أنا وش أقول ؟!!!

اللي كل وقتي إنتظـــــار وقلق وخوف

وفي الأخير يجي من يرفضك

ماألومك أبدا ً بضيقتـــــــــك

لكن حاول إنك ماتتخذ أي قرار ولا تفكر في حالك كثيــر بناحية سلبية خاااصة في هالوقت

فكر بأن هذا الأمر كله من رب العالمين هو اللي يعطينا وهو اللي ياخذ منا

لاتحط في بالك إنه البنت رفضتك لشخصك

قل في نفسك إنه ربي ماكتبها لي وإنه بيعطيني أفضل منها

إطلع من دائرة تأنيب الضمير والقلق وإسقاط كل خطأ بحياتك على الناس !

ماراح ينفعك هالشي ، بالعكس راح يزيد نظرتك سوداوية وتفكيرك بيقتل الراحة فيك

دائما ً إنظـــر للي أقل منك بكل شي بحياتك علشان ترتاح

الحيـاة قدامك وإنت توك صغير بالعمر الفرص بإذن الله كثيرة

لاتتخذ قرارات وتندم عليها بعديــــــن

والحياة بتمشـــــي ....

الله يصّبر قلبك ويهدّي بالك وييسر لك أمرك

ويكتب لك مافيه خيــــر لك

لا تيأس من الحياة ولا تكن ضعيفا

الله يعوضك خيرا منهن..