حياك الله هلال ..

قلت اللي كان ودي فيه: مشكلة نفسية مالها علاقة بالايمان والقضاء والقدر ..

ودي أفهم أهلي هالنقطة زين لأنهم من أركب الطيارة يعطوني محاضرات بهالشي !!

يالله الله يشفيني ويشفيك !! وشاكرة لك ردّك الكريم ..

حياك الله عزوبي ..

أفهم من ردّك إن اجبار نفسي على السفر خطوة ايجابية وفيها تخلص من المشاعر السلبية ؟!

الله يقدرني ،، وشاكرة لك ردّك ..

حياك الله أختي الكريمة

لعلي ما استطعت أن أوضح تقنية الحرية النفسية

هي تقوم على الربت باليد على أماكن محددة بالجسم - بالتسلسل-
لحظة الشعور بالمشاعر السلبية أو استدعائها بالتذكر، و تساعد على التخلص منها،
ومنها الخوف من ركوب الطائرات،،


على العموم فقد وضعت رسالة في عالم الرسائل الخاصة بإسمك
ممكن تسألي المراقبين بالمنتدى عن الرسالة،،،

ستجدين - إن شاء الله - ما ينفعك لمشكلتك الحالية



حفظك الله في حلك وترحاك

دعواتك الكريمة



عزوبي بس رجل





دمتم بحفظ الرحمن

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

حياك الله أخي الكريم مرة أخرى ..

أشكر لك تواصلك، وقد بحثت ووجدت واستفدت جدا جدا جدا
لدرجة إني تحمست للسفر عشان أطبق التقنية الرائعة
أشكرك مرة أخرى على ماأفدتني به، وفقك الله ويسر أمرك ..

السلام عليكم ورحمة الله وبركاته
أنا داخله في الأساس عشان أسلم وأقول اشتقنا لمواضيعك الإبداعيه.

أنا كنت زيك أتوتر مررررره وأي صوت غريب أو مطب هوائي اتشهدت.
لا والأحلى قبل ماأسافر لازم أكون قاريه خبر عن طياره طايحه ولا أشوف بالصدفه برنامج عن هذا الموضوع..

المهم بعدها فكرت وقلت اللي بيصير لي بأشوفه وين ماكنت.
والآن أعشق السفر بالطائره وأستمتع فيه لدرجة إني حتى في الرحلات الطويله ماأنام إلا وقت قصير وأقضي وقتي الآخر بالقراءه أو الاستماع لقنوات القرآن.

انتي لاتهربي واجهي الأمر وخليك هاداااائه وبالتوفيق.

__________________
.. ربي لك الحمد والشكر ..

حياك الله يالغالية ..
الله يسلم عمرك ويخليك ،، وبإذن الله عمّا قريب نتواصل مع اللقاءات ..
فرحت جدّا بردّك وصار عندي أمل إن وضعي يتحسن وأرجع مثل ماكنت .. دعواتك ..

سبحان الله وبحمده سبحان الله العظيم
مرحبا بك أختنا الكريمة بعد طول غياب وأسأل الله ان يجعلك ومن تحبين من أهل جنة الاخرة
بصراحة وبصفتي كثير السفر في الطائرة يعني بالكثير كل ثلاث شهور تقريبا وزرت قارات العالم أجمع
أستغرب من خوف البعض من الطيارة
أنت لو تعرفي عملية الطيران كيف تصير يمكن ترتاحي
الموضوع ببساطة أن الطيارة تزيد سرعتها وكلما زادت السرعة قل الوزن فتزيد السرعة حتى يكون الوزن صفر فيحملها الهواء تخيلي الطائرة الهوائية عندما تطير فيالهواء ثم تسقط على الارض بسبب تغير سرعة الهواء نفس الوضع
فوزن الطائرة وكل ما فيها يحمله الهواء فأي خلخلة في الهواء تسبب ارتجاف للطائرة ومتى ما لم تستطع الطائرة المحافظة على سرعتها سقطت مثل الطائرة الورقية تماما الا أن الاولى تتفتت بمن فيها عند سقوطها
شفت العملية سهلة الزاي ومريحة ؟ اذن لماذا الخوف؟
ان شاء الله أكون خففت عنك
وتوحي وترجعي بالسلامة وفقك الله وحفظك

__________________

ما حرّك داواك

حياك الله أخي أبو عزيز ..

أول ماقريت كلامك مافهمت شي إلا جملة وحدة: الا أن الاولى تتفتت بمن فيها عند سقوطها !!!
خفت صدق !! وسكرت الصفحة ..
واليو رجعت أقراه وأعجبني جدّا .. حسّيت إني مكبرة السالفة شويتين ..
شاكرة لك ردك والله ينفع به ..

حبيبتي لا تدخلين نفسك في متاهات الطب النفسي!!!
عادي خير إن شاء الله الخوف طبيعي كلنا نخاف,,
لكن عندي شغلة ودي أقول لك إياها أستخدمي هذا الخوف للأحسن,,,
حقيقة إحنا نخاف من الطيارة حبا في الدنيا لأننا نخاف من الموت,
فشوفي أنت شقدمتي لنفسك,, شوفي شلون صلاتك ,, شلون محافظتك على السنن ,, صدقيني راح تلاقين نتيجة,,
خاصة إذا كنت من النوع إللي لازم كل بين فترة وفترة مضطرة تركبين الطيارة..
يعني بالمقابل راح تكونين على طول راح تراقبين نفسك..

هلا بالحلوة

ليش متاهات ؟!
أشوف إنه عادي جدا إني أروح لطبيبة أقولها أنا عندي فوبيا طيارات
على الطاري ذكرتيني ! كنت ومازلت أخاف مووووووووت من عيادات الأسنان ! فأول ماعرفت وشي الفوبيا وأنا صغيرة كنت رايحة لطبيبة أسنان بسوي تنظيف، أول مادخلت قلت شوي شوي علي يادكتورة ترى أنا مصابة بفوبيا مستوصفات الأسنان << ياشيييييييين البزارة ! الله يفشل العدو
أما عن كلامك الي تفضلتِ فيه فصدقيني ماأكره الموت أبداً ..
والي أحسّ فيه مالة علاقة بهالشي نهائياً ..
شاكرة لك ردّك الحلو مثلك ..