السلام عليكم ورحمته وبركاته

ماادري من وين ابدا

لاكن بقول كل شي عندي

انا متزوجه لي 8سنوات

عمري 23 سنه وعندي طفل

زوجي رائع محبوب رزين متفهم

لي 3شهور احس بفتور بعلاقتنا شديده احس بالملل مافي حوار بينا ابدا صمت وهدوء
علاقتنا الزوجيه بارده عكس اول اهو مشغول دايم يعني يطلع الصبح ويجي الساعه2 الظهر يتغدى يجلس عند النت 10 دقايق ويكون تعبان ينام يصحى من النوم 4العصر يطلع على طول يجي الساعه11 باليل تعبان يجلس على النت نص ساعه ويصلي وينام وهذي حياتنا يوميا الجمعه يحاول يطلعني بس احس ماوده بس عشان واجب رسايل جوال له اشهر ماارسلي رساله حب الا لمى عاتبته ارسل امس رساله حتى حنانه ماله خلق بس بعض الاحيان يضمني يقول لي كلام حب بس مو من قلب كأنه يأدي واجب حتى انا مليت واحس ماقمت احبه مثل اول بس انا احس بفراغ عاطفي كبير وخايفه اضعف

انا ساكنه عند اهل زوجي وفي ضغط كبير علي مو من ناحيه الشغل لاكن الضيوف مايوقفون ينامون عندنا بل اسابيع

احس بتعب واراهاق نفسي اسافر اسبوع ابعد عن الناس حتى عن زوجي نفسي اقعد بروحي من دون ضغوط(طبعا هذى غير ممكن) بس امنيه

ابغى حياتي ترجع لاول نفسي احافظ على زوجي وطفلي ماابي الملل والروتين يدخل حياتنا
انا مستعده اتغير

بس ابغى نصايحكم وارشادكم لاني واثقه فيكم واتمنى تفيدوني

ملاحظه حالتنا الماديه صعبه حاليا

__________________
ربي هب لي من لدنك ذريه طيبه عاجلا غير اجل وكل عاشقات الامومه

آمين