والله لو حدث هذا معي لاعتبرتها خادمه في البيت و ليست زوجه .. لن يكون لها مكان في قلبي و لن اضحي من اجلها باي شيء و سابخل عليها بكل شيء الا في ما فرضه الله لها دون زيادة و اعترف انني سامنع نفسي من كراهيتها و سابذل مجهودا لتلافي ذلك و هذا ليس الا لان الكراهية ان تمكنت مني فستمنعني من جماعها تماما ..

لاحول ولاقوة الابالله...ليش كل هذا..طيب يمكن الحرمه على نياتها اهلهامايجوا عندها كل يوم وضيوف لازم تهتم فيهم...وانت عندهاطول الوقت تخدمك...ليش تمسك عليها شي اتفه من التافه وتكرهالهذي الدرجه...حرام عليك يااخي

والله لوكان الزوج يحب زوجته مايدقق في هذي الامورالتافهه لكن الي مايحبهامن الاساس اكيد بيقعد يدقق في تصرفاتها ويمسك عليها الزله..هذاشي معروف عندكم ياالرجال...حرام عليكم..راجع نفسك يااخي

اخوي فهد ..
انت في البيت امامها دائما و اهلها مايجون عندها الا في السنه حسنه
يعني طبيعي راح تبدي اهتمامها لاهلها

انا زوجتي لا قابلت امها اولي امها اهتمام اكثر من زوجتي ..
لان زوجتي اعطيها اهتماماتي كلها في كل اوقاتي بس حينما اقابل امها اكرم امها من المزيد و المزيد

اكرام الزوجه من اكرام اهلها
واكرام اهل الزوجه من اكرام الزوجه


يعني العمليه مرتبطه ببعضها البعض



بعدين ياخوي فهد ..
المفروض انك تشاركها في مساعدة اهلها يوم وصلوا البيت و تخدمهم
عشان تكسب ودهم و راضاهم اكثر و اكثر

__________________

	من الصعب ان نتحدث عن الاولويات في الامر المفروض ان الزوجة تنتبه لهكذا معاملات واحاديث وعليك التغاضي بعض الشيء عن بعض الهفوات المسالة تحتاج تعاونا من الطرفين فالاولوية هنا في المحافظة على استقرار البيت خاصة وان بينكم ابناء سفير القرويين

__________________
ما تخطه هنا ستجده هناك "فاحذر ان تكون هناك من النادمين

اخ فهد .. رغم اني ما اختلف عن غيري من البنات .. اهلي فوق كل اعتبار
ولكن شخصيا تعلمت ما اسمح لهالشي يكون على حساب حق زوجي علي

كلامك في معظمه مقنع .. افهم شعورك لما تكون مكرم اهل زوجتك وفاتح
بيتك لهم وتجي زوجتك تسفهك ولا كنك موجود قدامهم .. رايي انك ما تكتم هالشي
وتصارحها باسلوب مزح ..

ومشكلة جمودها العاطفي ناحية البنات .. مشكلة ما ينسكت عليها
حاول تشوف هل المشكلة تعب وارهاق نفسي (سببه ادوية او روتين او شقاوة البنات
او شغل البيت ) او هي جزء من طبيعتها .. اذا جزء من طبيعة زوجتك
فسبحان الله الشغلات هذي ما تتغير بسهولة الا بارادة ربي

ولكن ان كانت تعب وارهاق فاتصور لو خففت الضغط عليها شوي
حاولت كل فترة وفترة تكسر روتين حياتكم .. ان شاء الله يجيب هالشي
نتيجة مع زوجتك وتحس ببناتها اكثر ..

حاول ما تخلي مشكلة عاطفتها القليلة مع بناتك تتداخل مع مسالة
اهتمامها باهلها ..

__________________
شتان .. بين من تسيره مبادئه ، ومن تسيره مصالحه

الحساسية والغيرة زايدة عندك حبتين

زوجتك تعامل اهلك مثل الضيوف وتبي تبيض وجهها ووجهك جدامهم

لذلك اهملتك من غير قصد

المفروض ان تقول لها وقت الاكل من باب الدعابة

اي من لقى احبابه نسى اصحابه

او من هذا القبيل


يعني تذكرها باسلوب مرح وفرفوشي

الصراحة انا ما الومك ولا الومها

وبالنسبة لولائها من رايي مثل ما قالوا اللي ما له اول ما له تالي

واللي ينكر اهله اللي ربوه وكبروه 100% راح ينكر اللي جاي بين يوم وليلة

__________________
لا اله الا انت سبحانك اني كنت من الظالمين

اهتمام المرأه بأهلها وبالحدود المعقوله
يعتبر طبيعي جدا كما تحدثوا الأخوات
ولكن بعض الزوجات تغار من اهتمام زوجها بأهله
حتى لو كان ضمن الحد المعقول

بمعنى ان اهتمام الزوجه بأهلها يجب ألا يزعج الزوج
ويجب ان يتفهم ويراعي مشاعرها
بينما اهتمام زوجها بأهله يزعجها
الى جانب غيرتها - بالطبع - من امه واخواته

الاخ الكريم الظاهر انك دورت و مالقيت عيب في زوجتك...وكلامك الي ذكرته مجرد حجج لك عشان تتزوج الثانيه

الان بديت تدقق في الامورالبسيطه وتنتظرمنهاالزله..اعتقدليس باالضروره ان تناولك كاس الماء في اي وقت حتى وقت انشغالها

اخي الكريم لاتنسى ان طوال ال10سنوات وزوجتك تخدمك وتخدم ابنائك وانت تمثل عليهاالحب..

المصيبه انك تهتمهاباالجفاء وغيرحنونه على بناتها..ياشيييخ اتقي الله مافي ام ماتحن على اولادهاواعتقد عدم تقبيلهم وضمهم لايدل على انعدام الحنان..واتمنى تجاوب على سؤالي بامانه...متى اخرمره قمت بااحتضان وتقبيل بناتك؟؟هل احتضنتهم اليوم؟؟

صدقني كل انتقاداتك تهون امام تمثيلك عليهابمشاعرك الزائفه..هذا ماصرحت به انت في موضوع سابق يخصك

اخي الكريم فهد كيف تبي زوجتك تحس فيك وفي اولادك اذالم تحس في اهلهاواخوانها؟؟ولاتنسى ان هذول اهلهاقبل لاتكون انت زوجها...والي مافيه خيرلاهله مافيه خيرلغيره..

الاخت "ليه الغرور؟"
انا اعني سلوكها العام و ليس في موقف واحد وحيد .. انا اقصد سلوكها بصفة عامة و بشكل مستديم .. اقصد تفضيلها لاهلها باستمرار و بشكل عام و ليس موقف وحيد .. لو موقف وحيد لكان الامر سهلا و لكن انا اتكلم عن سلوك مستمر ..

لم افهم قصدك..كيف يعني تفضيلهالاهلهابااستمرار؟؟

عموماالاهل شي والزوج شي ثاني..كل ناس لهم معامله خاصه يااخي الكريم..

ليس من العقل ان تقارن بين معاملة زوجتك لك ولاهلهافي حال حضوركم في المجلس..اكرامهالاهلهادليل صلاحها...نعم لك الحق تقارن بينك وبين صديقاتها..لان صديقاتهامالهم فضل عليهامثل فضل اهلها..ولك الحق ايضاان تقارن معاملتهابينك وبين شخص آخريعيش معكم في نفس البيت..

لكن من الغريب ان تقارن بينك وبين ضيف اواهلهاالي ماتشوفهم الااوقات محدده

لوكان فيه مناسبه تخص اهلهالابد من مشاركتهم في التحضيرلها

اذامرض والدهااو والدتها اوصارحادث لاحد اخوانها..طبيعي انهابتتضايق وتزعل..وشوف هذي مواقف متنوعه يعني بتسمحلهابس تشاركهم في موقف واحد والباقي لا..

لونظرت للموضوع بشكل واقعي يمكن تغيررايك..لكن انت واخي فهد نظرتوا له من منظارآخر..بصراحه تعجبت منه

اناشخصيا..وقت مااكون مع زوجي في السياره ورايحين مشوارووالدتي رايحه معنا..طبيعي الوالده تركب قدام بجانب زوجي بطلب من زوجي اولا ومني..وهذشي بديهي عندنا..

لكن لوزوجي نظرلهذا التصرف بنفس المنظارالغريب تبعكم..ايش راح يكون ردة فعله..اكيدراح يقول تفضل امهاعلي وماتهتم فيني وماتركب جنبي خلت امهاتركب بدالها..

لكن الحمدلله زوجي يحترم اهلي ويعتبرمشاركتي لهم افراحهم واحزانهم من الاصاله والتربيه الصالحه

ولوصارشي لاسمح الله لزوجي..مردي لهم..

الرسول صلى الله عليه وسلم قال((خيركم خيركم لاهله.))