المشاركة الأصلية كتبت بواسطة ورد 25

السلام عليكم ورحمة الله
اتمنى للجميع الراحه والسعادة ..
وبصراحة يخجلني ماسوف اكتب لكم .. ولاادري هل لشكواي هنا من حل..؟؟ ام تفريغ لمعاناة دامت مكبوته في قلبي فترة طويله.. واتمنى منكم لوتوجيه اوتبصير لما انا عليه ..
مشكلتي تكمن في العلاقة الحميمة او الجنسيه ..
فهي فاااااااااااااشله فاااااااااااشله فاااااااااااااشله ...

انا متزوجه برجل مستقيم يعاملني احلى معامله ولله الحمد,, وبصراحه مكانته في قلبي كبيره وهذا الي جعلني اتجاهل كل عيوبه ولاافكر افتح معاه اي موضوع يزعجه .. في شهر 11 القادم اكمل ثلاث سنوات على زواجي.. عمري 23 وعمر زوجي 27 .. زوجي عنده تجارة صغيره بالاضافة الى دوامه المرهق المتعب ..
ساكنه في الخبر عشت معاه اول سنه بعدها عدت لاهلي بالرياض لاكمل دراستي الجامعية..

بالنسبة لمشكلتي :
في البدايه كنت داخله مندفعه وفي بالي احلااااام ورديه وتخيلات طبعا شي بديهي تفكر فيه اي بنت راح تتزوج , انا اكبر خواتي ومن عائلة متدينه يعني مستحيييييييييييل الوالده حفظها الله تكلمني كلمة وحده عن العلاقه بين الزوجين ومستحيل اتجرأ واخبرها باي شي يعني حتى لو مزح او كلمة او من هذا القبيل مستحيل اسمعه لامن الوالده ولا من قريباتي .. بس كنت اقرا من النت كثير واسمع بين زميلاتي في الجامعه كيف يكون لهفة الرجل على هذه العلاقه وكيف تكون اكبر همه او على الاقل من اهتماماته الاساسيه
لكني انصددددددمت من واقعي .. سأسرد لكم باختصار ماحصل خلال هذه السنوات الثلاث ...

ليلة الدخله لم يحدث فيها اي شى والادهى والامر اني خرجت بعد مابدلت فستان الفرح ولقيته نايم يعني اتوقع حتى مافكر الموهم بشهر العسل كانت فيها محاولات كلها فاااشله وكنت اتألم وهو حنووون لابعد درجه علي ويتحمل كثير عشاني .. عشت للأسف كابوس فض البكارة والايلاج مدة سنة واربع شهور والله اني استحي وانا اكتب لكم في هذه المدة كانت تحصل بيني وبينه علاقه لكن خرااابيط مدري وشلون اوصفها اتمنى انكم فاهمين علي ..في البداية ماناقشته ابدد واخاااف على مشاعره ولااقدر اجرحه باي كلمة, مرررررت الشهور وبديت اتجرأ شوي واتعذر بالحمل واني اتمنى ربي يرزقني بطفل..
بس كنت احس انه متضايق وعارف اني متضايقه من الوضع بس ماادري وشو الي يمنعه من الايلاج وكان يتعذر لي اخاف اعورك اخاف عليك .. ايييييه نسيت اقولكم هو كان حاط في باله انه خلاااص هذاك الشئ تم من احد محاولاته في شهر العسل لكن الايلاج مو ضروري في العلاقة ..
الموهم صرررت اكره هذه العلاقه او بمعنى ادق لاتهمني كنت اتفنن باحلى المفاجات واشتري اغلى الملابس وافخمها ولاتعني له شي يمدح بالكلاااام وبس وهو من النووووع الي لساااااااااااااااااان بس
.. اذا جيته في الويكند ..لااجد منه اي تلهف او احتياج حتى لو غبت شهر ورجعت له احس عااادي عنده الوضع ,
حملت ولله الحمد والشكر بعد محاااااااااااااااولات شاقة , تخيلو كان يقولي تاكدي متى وقت الاباضه كله عشان مايروح مجهوده عبث وكانه مغصوب, والله هذا الي حسيته من تصرفه
حتى اني انحرررجت كثير مع دكتورتي كانت تقولي انتي متأكده انك بتكملين ثلاث سنين متزوجه ..كانها ثلاث شهور هذا اثناء الكشف واكيد اخواتي هنا عارفين هالامور..

اثناء حملي كلمته وعاتبته عتاب خفيف واعترف لي اعتراااااااااااااااااااف خطير ابكاني وقتها لكن مو قدامه قالي انه يمارس العادة السريه وانه تركها من شهرين وانه راح يتغير بعد ولادتي
القهرررر في الموضوع انها كانت ردة فعلي قدامه عادية ولاعاتبته ولاجرحته ولاشي تقبلته بصدر رحب وانا داخلي احترررق من القهر ...
يعني اختصار موضوعي احس علاقتي بزوجي اشبه بعلاقة الاصدقاء هل هذا شي طبيعي ؟؟؟؟؟؟؟؟؟؟
يعني صح يؤلمني وضعي مع زوجي لكن ليس لحاجة او رغبة تنقصني فقط اذا تذكرت انها هذا فطرة من رب العالمين .......
وانا اظن اني صرت كذا لانه كسر شي كبير داخلي وكنت متخيله شي وانصدمت ولاني كنت مندفعه وماقصرت بالمفاجات والتجهيزات والليالي الرومانسيه وكنت اتحطم بردة فعله البارده..
الحين بطلع من النفاس وراح ارجع له قريب باذن الله وهالمرة سكن دااائم ..
وووووش أسوووووووووووووي اسكت عالوضع ؟؟ والا اضيق صدري وابدا افكرررر مليون مرة عشان افاتحه بالموضوع مرة وحده ؟؟ انا انحرررررررررج منه اذا تكلمت بهذا الموضوع لانه هو لايطررريه قدامي الا نادرا

وهل زوجي طبيعي ؟؟؟؟؟؟؟؟؟ وفيه امثاله في البيوت؟؟؟ ام هذا شى مستغرب عليكم ..؟؟

المشاركة الأصلية كتبت بواسطة عآشق الأروى

المشاركة الأصلية كتبت بواسطة ليه الغرور؟