امين وجزيتي خيرا لمتابعتك الموضوع وتعقيبك..
هم اقارب لي من امي والقلب وغفلته وما كان يهوى ...
انا اابنائي الان لا اريد ان اصطحبهم لها لا لأجل قهرها وظلمها لا والله بس لأجل اني ابغاهم معي بالعيد ولو وديتهم حترفض تنزلهم وانا سبق وانا موصل احد ابنائي لبيتهم أن اتى ابوهاواخوها كما ذكرت سابقا وصارت بيننا مضاربه حاولو يعتدو علي وابوها يمسكني لجل ولده الفرخ اللي اصغر مني ب15 سنه يطخني لكن الحمدلله فكيته واني كنت باصقعه بوجه لكن قلت برضو انا اكبر واحترم الشيبة اللي بوجه لأجل ربي ثم تقدير لزوجتي ووصلتهم لحد بابهم دف...ثم اخوها صار يترجاني امشئ خايفين من الفضايح لان الناس بدأت تخرج من بيوتها وتتلم وهذا ابوها ماعنده لا عيب ولا شئ على عرضه قاعد يتكلم عليهم بالشارع !!

وانا ارسلت لها رسائل كثير بعد ما قفلت جوالها ونفس ماذكرت نفس الاسلوب لكن هي عقلها على قولت امها مثل ابوها نفس اسلوب ابوها ... وقلتها لها واقولها لها وحتى لو تمر على الموضوع وتعرف خلها تعرف قلت لها خلي تصرفك كأمراة ادلعي ...العصبية والشدة ماهي لك كانثى ..!
ما ابغى اظلمها ..هي اكيد حتطلب الابناء لكن انا ما ابغى اعطيهم ابناااائي.....

الله يفرج همك ويصلح حالك
كم أعمار أبنائك؟
يا أخي أنت حجتك قوية في عدم اعطائها اﻷبناء لما يلاقونه من معاملة سيئة
إنت كانت زوجتك تربد أبنائها فلتعد لعشها وتحتضنهم،،

أخي الكريم أرجوا أن تفتح زوجتك جوالها قريبا وآمل منك
أن تتكلم مع زوجتك وتركز على محاور مشكلتك معها،، واترك النقاش عن أي طرف خارج اطار مشكلتكما،،
وتودد إليها وأمل قلبها إليك وذكرها باﻷبناء فما أجمل أن يعيشوا بين أبويهما
ذكرها بأركان المنزل وألعاب اﻷطفال فكم هم محرومين من البيت الذي يجمعهم بكما،،
حنن قلبها لبيتها والعودة ﻷبنائها،،فاﻷنثى تحن وترق لبيت الزوجية واﻷبناء
إن كان لها طلب لبه لها
وإن كان لك طلب فخذه منها
رغبها وشجعها للعودة،،لشرط أن تتركا الحوا في اﻷمور اﻷخرى واﻷطراف اﻵخرين
لا تتطرق في حديثك عن المحكمة والطلاق واﻷبناء
اجعل كل حديثك عنها وافتقادك وافتقاد البيت واﻷبناء لها
قل لها كلاما جميلا يذيبها،،ويجعلها تحن وتشتاق للعودة ﻷحضانك،،،

جرب يا أخي لن تخسر شيئا فمازال هناك أمل.

مكلومه امين والله يسمع منك وجزيتي خيرا
ابنائي صغار اصغر من سبع سنوات واحدهما 3 سنوات ..
هي كلها انها تبي يعني ترد كرامتها رغم لم اهينها واوصلتها لحد باب بيت اهلها ما مشيت إلا بعد ما دخلت ...ولا تقلي اصلا من اول مخطط لهالشئ إنها تتركني !وتبقى عند اهلها
احاول ننتناقش فينا احنا ..وانها ترجع لكن تقول لا تقول ترجع ولا تطلب شئ إذا ماجيت انت وابوك وكانه زواج جديد.. او خطوبه !!... ويعني عندهم شروط ..واني اوقع على ورقه وهم يتحلمو بهالشئ..
وقلت لها والله البي كل طلباتها لكن ترجع وبدون هالحركات كلها مثل ما وديتك بيت اهلك اخذك ..لكن واضح كمان ابوها حسبي الله عليه مكبر راسها ومعاند ويبغانا نجي يبغى يسووي فيها ... وانا قلت محستقبل منه أي شئ ولو حصل واتقابلنا واتفلسف ممكن وقتها يجي شئ مني عليه يخليه يتأدب..
وهي بعد ابوها ما قال محكمه وغيره تقله ترضى اني زوجتك تدخل محمكه ...قلت لا ما ارضى لكن ابوك يرضى ..ولأجل كذا اقلك ارجعي مثل ما وديتك..

لكن عسى الله يكتب خير ويجعل بعد الهم فرجا وبعد العسر يسرا...
وإن كانت فعلا تبغاني ...ترجع معي ... اما تعقيد الامور فقلت لها حتى لو اتيت حتلقي معامله غير عن الاول...انسي فلان الاول ...حقك تاخذيه لكن الطيبه انسيها ..والسكوت على كل شئ ..

وما ننحرم من دعواتكم وشكرا مره اخرى

.......
بصراحه احيانا اتمنى اختهم تنفضح ويعرفو قد ايه كانت تهرج فيهم ماخلت وحده من اخواتها إلا قالت فيها كلام وكلام اعوذبالله !!
لكن تلقى عقابها ببناتها..

1) أسأل الله أن يصلح أختها.. ويكفيك شرها.
2) أختها تمارس معك دور الانتقام الأنثوي المتمثل في تخريب بيتك وتطليق زوجتك؛ والسبب يكمن في معرفتك لحقيقتها كاملة على أكمل وجه؛ لذا فهي تشبعت بحقد أنثوي عليك خصوصاً إن كانت بها رغبة بك.. ومن الطبيعي أن تظهر بمظهر البريئة المسكينة.
3) دع موضوع أختها جانباً إلا إذا اضطررت اضطراراً أن تضع النقاط على الحروف كاملة لكنَّ هذا الخيار يستخدم عند خراب كل شيء لا قدر إلا الله.. وفي المقابل سأسألك سؤالاً صريحاً لكن أرجو منك العذر:
هل تمسك أخت زوجتك عليك شيئاً قد يضرك؟ أو هل سمحت لنفسك بالتمادي معها؟
4) دع أبناءك عندك.
5) تواصل مع زوجتك بالرسائل اللينة العاطفية.. واحذر التطرق لمسألة الانفصال أو الطلاق أو المحاكم أو وما شابه ذلك.
6) غير لهجتك مع زوجتك من ناحية تغيير شخصيتك وما شابه ذلك.. لكن اجعل حديثك معها هادئاً لطيفاً.. فنحن نريدها تعود لبيتها وليس نريد تصعيد الأمر.
7) طبق هذا 3 أيام ثم أخبرنا.

شكرا لردك اخي البليغ ومشاركتك بالموضوع ومحاولة الوصول لحل المشكلة ...
مستجدات
اخي فتحت جوالها امس الصباح ..[COLOR="rgb(160, 82, 45)"].وردت علي إنها ماكانت تقصدن تضايقني او تحرمني من ابنائي بس اسلوبي وسؤالي لها متى أخذهم ؟ نرفزها وخلاها تعصب و...إلخ [/COLOR]
وحاولت إتسمالتي لها بكلامها وانها تحاول تحسسني إني ظالمها ...(وسبحان الله تبغاني احس فيها وهي ولاهي حاس في .. رغم إني ما ابغى اظلمها وتعرف قلبي طيب وودها تاخذه بكم كلمة مثل دائم )
[COLOR="rgb(160, 82, 45)"]وتقولت علي كلام ما قلته ...مثل روحي اتوحمي عند اهلك واحملي عندهم [/COLOR]........؛رغم كنت راضي اكثر منها على الحمل وقلتلها الحمدلله وانا اقف معك لكن هي تبي تحسسني وتبغى تجبرني دائم إني اقول لا مو راضي وتنرفزني بكلامها ...
[COLOR="rgb(160, 82, 45)"]وتقولي انت مو فلان اللي اعرفه متغير مره وخفت على نفسي منك ...وكانك بغيبوبه و...[/COLOR] ( تبي تحسسني إني مريض او انها معي بس شافت شئ غير واثر فيها )
ويعلم الله ما تغيرت واصبحت للأسوء إلا من تصرفاتها وحقدها الدائم .....وعمائلها اللي تدل إنها تكرهني لكن احاول ما اصدق اللي اشوفه واداري بيننا
واحاديث اخرى ...
فقمت بالرد عليها برسائل عدة ومنها واللي تحب زوجها صدق وتحترمه تعيشه براحه وحب بدون مشاكل كثير وكمان بدون شروط وكلام وهي اللي مهاجره بيتها ..
وسألتها يعني جيت وقلتي شروطك وماوفقت عليها او على بعضها شو ردك بيكون ؟!

طبعا ما ردت علي..
فرجعت قلت لها : وبعدين إذا زوجه ماتحس ولا تشعر بزوجها غير تشوفه خائن كذاب ... وحقود كيف اعيش معها بالله؟!

[COLOR="rgb(160, 82, 45)"]ردت علي قائلة بكل استهتار كالعادة وكلمتها الدائمه..:مايحتاج تعيش معها طلاقها وريح راسك ..
[/COLOR]
تخيلو هالرد !!
فقلت لها ان شاءالله ..
ومع ذلك حاولت تفهيمها وانها تفهم وتتفهم حالاتنا وإن ليس لاهلها دخل وهم سبب مشاكلنا كلها ..

فحاولت [COLOR="rgb(160, 82, 45)"]تداري وتقولي كلامك نفس كل يوم وماراح يفيد ...[/COLOR]
فرديت عليها لامومثل كل يوم وانتي مثل كل ساعة ومشكلة بسيطة تطلبي الطلاق
وقلت لها يعني خليك بنت حرمه وادلعي حتى لو حامل وخلي اسلوبك اسلوب زوجه .


لكن للاسف مافي فائدة ...
وانا قلت لها لا عاد ترسلي إلا إن كنتي تثقي بزوجك ويكون اغلى ماعندك ..
فما ارسلت شئ ومن طبيعتي وطيبتي رحت ارسل لها لأجل اطمن عليها وبرضو قلت لها ريحي نفسك وفكري زين ..
لكن للأسف ردها سلبي كالعادة ... ::[COLOR="rgb(160, 82, 45)"] تقصد مراح ارد لين تعرف قيمة زوجتك حق.. وبيني وبينك مجالس الرجال لا غير ...[/COLOR]
وللأسف ابوها لم يخلي فيها مجالس رجال كما حكيت لكم سابقا ...

طبعا هي تبي الوالد انه يتدخل بيننا واجي معه لبيتهم لكن بعد رد ابوها على ابي والسفاهى التي قام بها ...ويقول البنت ماتبغى ويطلقها وتجيبو العيال اول شئ وبعدين تجون ونشوف ... يعني تخيلو بدل ما يكون محضر خير ولأجل بنت مكبر راسه وراسها حسبي الله عليه وعليها ..
فقلت لها الوالد حفظه الله اخبرك من اول يحل الموضوع وبيوقف معك لكن انتي رفضتي وابوك يقله ما تكلمها ولا اخليك تكلمها !!

وطبعا تتذكرون تبريرها وانها هي تبغاني بس ابوها من عنده يقول طلق وكمان إنها يم تبرر تقول انا ما كنت بحرمك ولا اضحك عليك بالرجعه لأجل بس اخذ عيالي وبا ابقى معك بنفس الاسلوب الحلو ...

لكن الان ترد علي :ابوي ماهرج إلا اللي طلبته منه وخليته يقوله لأني ماشفتك مهتم لرجعتي كل همك كرامتك.. فعشان كذا خليته يقول طلقها لأنك ماتستحقني ابد


يعني فعلا مدري ظني واحساسي بمكانه يبغو ياخذو العيال وتجلس وطز في بعدين!!.
ولا امها لحد الان تتضحك على امي وتقول هي تبغاه وتبغى ترجع بس تجوو ...والله زوجتي واعرفها من النوع الحقود وابوها اخذه الطبع منه واخس منها
ويبغو يأثرو في باللي ببطنها الجنين... و[COLOR="rgb(160, 82, 45)"]تقول لو صار شئ محسامحك[/COLOR] قلت لها لو صار شئ انا اللي محاسامحكم وحرفع عليكم قضية انتي اللي رضيتي بالبعد انا ما اجبرتك اذهبت بك لأهلك معززه مكرمة ...

فهذا كل ماصار خلال ال24 ساعة الماضية...

اخي البليغ اختها لا تمسك علي أي شئ كل اللي كنت اريده نصيحتها لوجه الله وهي كانت لها غايات اخرى ومحاولات اخرى ولأنها استغفر الله كانت على علاقة بشباب لا اعلم إلى اي حد وصلت معهم ..!
لكن السالفة مره عليها اكثرمن 3 سنوات لكن هم يحاولون ذكرها كل فتره كذلك أي مشكله تصير او يجيهم رقم غريب يرمونه علي انا وانا لا اعلم شئ وممكن احد من معارفها لكن تضحك على زوجها لأنه ماشي على عماه ولا يدري بها وتقول زوج اختي !!! والمشكله ضحكت عليه وكانت تقله كان يبي يخطبني انا مو اختي !! حسبي الله عليها ..
وعلى قولتك انا احاول الستر والاجر من الله ليس اكثر لذلك لا اريد ذكر شئ من بلاوي اختها امامهم إلا ان تكلم اباها بسفه وجبن..

ولقد رأيت الحديث السابق الذي جرى بيني وبين زوجتي ...لذلك لن استطيع تطبيق أي مماقلته من الخيارات 5.6.7
وابنائي سيبقون عندي بإذن الله..

وبالنسبة لزوجتي ولتعلم ذلك بصراحه خلاص حاولت ما اكرهها ولا اعيفها لكن النفس طابت تبغى اهانتي وإذلالي وتقف بصف اهلها دائما وتجعلني بالصف الاخير وبالهامش ..
وهي كانت تعلم مدى تعلقي بها واني لا استطيع ان انام وهي ليست معي لكن خلاص الحمدلله والله يعوضني خير ....
ولا احد يقول قلها بتزوج ولا شئ ..او لا تقول لها هالشئئ ...او لا تستعجل بإتخاذ هذي الخطوة
لأن بإذن الله لن اطلقها بسهوله مثل ما تريد وهي واهلها وهي عارف عواقب الطلاق وقلت لها
عذبتيني واستمتعتي بعذابي وتريدي الطلاق انتي واهلك بسهولة !! وهذا من زمان من كثر ما تطلب الطلاق

لكن بإذن الله ادعي ربي ييسر لي زوجه صالحه واصهار طبيبن ومحترمين وان لاتكون الخيانة شايعة بينهم مثل ماوجدت هناك.. وأن يكون ابنائي معي وأن يخرج هذي الزوجه من قلبي نهائيا دون حزن ولا هم عليها حتى لو بقيت معها ..قدمت لها كل شئ واحاول إسعادها لكن هذا ما جنيته للأسف ....ثم تقول انا الغلطان !!

اخويه انا ادري اللي فيك مكفيك وموب قصدي ازيدك مغثه بس اللي اعرفه من خلال خبرتي في الحياه مافي اهل يتمنون التعاسه لبنتهم وانت حللت بزعم انه لو توظفت بنتهم بيطمعون بفلوسها يااخوي ترى اللي شالها على جتفه في صغرها ودللها ماييبا منها غير سعادتها ... انت الله يهداك ماطلعت فيهم حسنه وحده وطلعتهم شر وحسودين وانت موب ولد الهوامير او ماسك منصب تنحسد عليه عشان يحسدونك لنفرض انه حاسدينك في احد يحسد بنته .. خلنا واقعين شوي مافي اهل يدورون خراب بيت بنتهم الا اذا بنتهم طلعت عليك كلام موب زين وقالت عنك فيك وفيك ترى البنت موب خاليه .. والاهل طبيعي يدورون راحه بنتهم ويصدقونها ويجذبونك لاتحصر تفكيرك في الاهل وبس ...انت تعرف البنت وتصرفاتها الشينه معاك وتنكر كلامها ووو الخ ... يعني على بالك بتمدحك جدامهم ومن وراك .. زوجتك مستعده ترخص الغالي عشان راحتها .


واتركك من اهلها ماسوو شي من فراغ .

اختي انا نزلت مشكلتي لأجل اقرب الحلول ولا استعجل بإتخاذ امر ..رغم انهم قد حسمو الامر وانهو من بدري ويريدونها عن طريق المحاكم واغلاق جميع الابواب ...
واهلها ماهمني فيهم لكن من الاسباب الرئيسية بالمشكلة وهم الذين تدخلو ويتدخلون دائما بيننا بقصد الافساد والله لا الإصلاح على اتفه مشكله طلقها !!
في احد يريد الخير لبنته ويقول من اول مشكله وهي الغلطانه طلقها !
وبصراحه عائلة لا ادري كيف اقول لك عنها لكن الله لا يبلانا الاب بوادي والام بوادي ...وكل يدعو على الثاني وبعض الاخوات يضمرن الحسدو الحقد على الاخرى !
وانا لا قلت مليونير ولا مدري ايه ...لكن ابوها اول مره يدخل بيتي وهي توريه غرفة النوم وكنت ما ابغى هالشئ ورافض هالشئ ...والله جلس يمدحها ويقول نبغها والله لا يبلانا ما قال ماشاءالله ولا ذكر الله ..حتى امها حست اني تضايقت جلس يمدحها وفعلا عينه عليها يبغاها...مشيت هالامر ولم التفت له او اهتم به لحسن طيبتي ...
اتى ابني الاول لم يقل مبروك وحتى ماشاءالله الله لا يبتلينا !!...
اشتريت سيارة جديدة وكنت موقفه بالقراج جاء مع واحد قاله شوف هذا فلان اللي متوظف ....شوف سيارته كيف !!
وسمعتها بالصدفه سبحان الله وانا نازل...واستغرب بجد في انسان زي كذا ..ودائم لا يذكر الله ولا يقول ماشاءالله
حتى حاسدني على حبي لبنته كان ...وهالشئ شفته منه ومن تصرفاته وكلامه معي ولم ااوله
بل هم استغلو حبي لها وإخلاصي لها ... بأن يريدو إهانتي ويذلوني عشان اطارد واجري وراها..
لكن خلاص والله ادعس على قلبي واخرجه من مكانه إن كان يريد أن يهينني وبما ان لا احساس لها تجاه زوجها فماذا تريديني ان افعل لها؟!
ولاتخافي هي ماقصرت بالكلام وقالت وقالت لي اللي قالته وفي اشياءكثيرة مفتريه فيها علي ...ولا تخيلو هي من اول تأسس لهالشئ حتى اهلي الظاهر كانت تقلهم كلام عني وبدون أن اعلم ..
والله كنت يازيني ..لكن صرت حاد الاعصاب حتى مع اهلي حاولت ان اتغير لكن إن لم تكن مرتاح ببيتك وعلى طول المشاكل فكيف كنت سأتغير .

اريد نصائح وتوجيهات وإن لم يكن فدعوة صادقة من قلوبكم ..وعسى الله يكتب لي مافيه الخير

بصراحه الان لو نرجع لبعض انا ما اامن شرها ولا حكون مثل اول إن عندت ومارجعت مثل ما انا ذهبت بها وبدون فلسفه زيادة لكن منتظر الخير من ربي لي ولأبنائي.....

أين ردودكم؟

حسبك ربي ونعم الوكيل
اتركها هذه الفترة دون رسائل حتى ليلة العيد
ثم أرسل لها تهنئة واسئلها إن كانت تريد صلاح بيتها فلتعد ولتجعل العيد عيدين
إن لم تستجب فاتركها حتى يعتدل عقلها وتعلم مصلحتها أين تكون
ولا تترك الدعاء والإستخارة
واستكفي ربي شر من يريد بك وببيتك شرا

وإن فكرت بالزواج الثاني وقويت رغبتك فيه فانتبه أن يبقى لزوجتك الأولى بيتها لو أرادت الرجوع
ولو كنت لا تريدها , لكن لأجل مصلحة الأولاد