وعليكم السلام ورحمة الله وبركاته ..
مرحباً بكِ أيتها الحبيبة ..
فليكون من اسمكِ نصيب دوماً يامتفائلة ..
لاتجلدي ذاتكِ على شيء ليس بيدكِ إياكِ ياحبيبتي ..
واعلمي بأنه هو خير لكِ وهذا نصيبكِ معه ورُبما يأتيكِ نصيب أفضل منه بمليون مرة الله لايعجزه شيء أبداً فقط كلمة كن !
حبيبتي عيشي حياتكِ واعلمي واعلمي أن الحياة لاتقف عند أحد حتى ولو كان أقرب الأقربون لنا فقدناهم !!
هكذا الحياة !
واكملي حياتكِ كما ينبغي أن تكون ..فاأنتِ غالية عندالله وإلا لم يخلقكِ على هذه الأرض !
انجزي افعلي كل شيء يجعلكِ سعيدة !
فلا تسمحي لهذه التجربة تفقدكِ الحياة مهما بلغت من مرارتها !
ولا تسألي أسئلة تُنهك عقلكِ بكلمة ليش ولما ولما ! قولي الحمدلله دوماً
وجبر الله قلبكِ بكل ماتُحبين ..

جزاك الله خيراا اختي ..
الحمد لله اشوف نفسي انسانه قويه ومتفائله وطموحه لكن .. احنا بشر لابد تمر علينا أوقات و نضعف ،
الحمد لله على كل حال

لوم الذات مرحله تمر على كل مطلقه خاصه الي ماتطلب الطلاق
زوجك مستهتر باهميه الزواج ولا ليه يفرط بسبع سنوات لسبب تافهه
الله يهديه
والخطا الاكبر توقفي حياتك وتستهلكي مشاعر عشانه غلطانه
الحمدلله عيالك عندك وهذي اكبر نعمه
شوفي الاقل منك على قولة ام خالد
من تطلقت مثل حالتي بدون اطفال والله يعلم ان كنت بتزوج مره ثانيه واشوف ضناي
الله كريم
وكلي امرك لرب العالمين

ليتني مطلقه من غير أطفال كان ارتحت شوي ..
هدي ثالث مره الوم نفسي من يوم تطلقت وعارفه انها مرحله وتعدي لكن اصعب مرحله صعبه صعبه ، يمكن السبب التافه للطلاق وقتها شفناه سبب كبير سواء أنا او هو .

مهما كان السبب المفروض مايستعجل بس يالله اللي صار صار واللي راح راح ، وانا والله العظيم مو عاجبتني الحاله اللي أنا فيها ماكتبت موضوعي الا أبي أطلع منها تعبت وربي

احمدي الله على ان اطفالك معك
واذا ربي رايد لك ترجعين له بترجعين
ويمكن ربي رايدلك تتزوجين احسن منه
او في شر دفعه عنك بالطلاق
واذا ممكن تذكرين الاحداث الي طلقك بسببها
يمكن يفيدونك الاخوه هنا..!!

هلا اختي قانعة ..
بالنسبة لسبب الطلاق طبعا صعب اذكر كل التفاصيل.. بس نفسيتي تعبت وكان عندي بعض الطلبات او الاصح طلبت شئ من حقي بس للأسف ماحاول يحل المشكله او يتفاهم بالعكس جا يهدد وحط قدامي شروط شبه تعجيزيه اذا فكرت بالرجعه طبعا الشئ هذا كان قبل الطلاق وقت المشكله ، عناد من طرفي عناد من طرفه ، وصار اللي صار ..
انا ماكتبت الموضوع لاني بارجع لا ، انا بس كنت باعرف ليش بعض الرجال يتسرعون ، دايم نسمع منهم الحريم ناقصين عقل طيب ليش مايطبقون المثل هذا وقت الجد ؟؟
مااتوقع الرجال يتعب بعد الطلاق مثل الحرمه وخاصة اذا عندها عيال .

أهلا فيك أختنا الفاضلة ..
أختي لو أفترضنا إنه راغب يرجعك كزوجة ثانية وعلى شأن أولاده ايضا ...
هل انت موافقة لو أفترضنا ابوك موافق ...!!!
أختي اعرف إن قضية الطلاق لها تبعاتها وتتداخل المشاكل ولكن في فترة متقاربة ومع مرور الأيام تتلاشى ويبقى الندم ..
كيف هو معاملته مع اولاده وزيارته لهم ...ومصروفهم ..هل يتواصل معاهم ..!!!
أسال الله ان يفرج همك وييسر أمرك ويقدر لك لما فيه الخيــــــــــــــــــــــر

بالنسبة لموضوع رجعتي كزوجه ثانيه وضحته في رد سابق ..
بس نسيت اذكر شئ مهم وهو
بالنسبه له هل هو راغب في ارجاعي كزوجه ثانيه او قادر على الشئ هذا ؟؟؟؟
بالنسبه لمعاملته لاولاده هو في مدينه ثانيه يجي كل كم شهر يشوفهم ويسافر .. المصروف يرسل لهم مصروف ..
انا كنت حاطه العنوان ليش يتسرع الرجل في الطلاق ماادري ليش تغير ؟؟