فهمت عليك تعرف ليه
من كلامك ذكرتني بأخوي الكبير حتى نخاف منه ونتكلم معه برسميه حتى المزح مانمزح معه
عكس اخونا الصغير تماماً
يمكن لانو اخوي البكر تربى على البعد عن خواته كان من صغره طالع برى البيت مانشوفه لانه ماعنده اخوان بعمره فيقضي وقته برى البيت
واذا جاء للبيت اسلوبه معنا مو حلو دائماً زعلان ويهاوش
_ وعقب الزواج تغير تعامله معنا
وانا بنفسي الي كنت اخاف منه ولا اكلمه الابالقليل
اكتشفته انه انسان قلبه طيب بس مايعرف يعبر عن هذا الشيء
فيفضل ساكت او يعلق تعالو خلونا نتكلم مع بعض
_ اذا على خطيبتك فأسئل وحده من خواتك الي بتشوفها جريئه وكلامه صحيح وفاهمه
اسئلها عن خطيبتك بالاسئله الي انتي تحتاج منها جواب

شف ونا خوك الناس سوا اهلك او غيرهم
يحبون الانسان المزوح والمبتسم
انت حاول تسوالف وتجيب سوالف
وتوسع صدورهم وضغط علي عمرك شوي
وجامل تحصل نفسك مع الوقت تعودت
وعسي الله يوفقك

اخي ابدا بتصرفات بسيطة مثل المدح اذا طبخن
اعمل لهن مفاجاة و خذهن يتفسحن

دام الرغبة موجودة صدقني رح تتسهل عليك
بالنسبة لخطيبتك اذا فيك تزورها بالعيد و خذ لك هدية لها
و شوفها بالعيد و تكلم معها
اجل وش الهدف من الملكة دام ما فيها كلام و لا زيارة

تقدر تتغير أحتسب الاجر اول شي اذا استمريت على هالطبع بكره بتعاني مع زوجتك أكثر وأكثر
ترا حسن الخلق والرقة واللطف مع خواتك وامك وزوجتك من أفضل الاعمال الي ممكن تتقرب فيها الى الله

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

اسال اخواتك عنها وعن شكلها ...
حاول مره اخرى مع امك لانه خلاص هي زوجتك وتم كتبت الكتاب على الاقل تراها مره واحده وتلكمها ..
واذا ما قدرت روح عند بيتهم ومحد عارف فيك ،من اهلك وانتبه ايضا احد من اهلها يعرف وشوف البنت ...
متاكده ان امك اختارت لك الافضل ..لكن من حقك ان تراها ...
عموما اطمئن دائم ان من نفس عاداتكم وتقاليدكم ان البنت ما تشوف الزوج حتى بعد كتب الكتاب ،،، ان شاء الله البنت راح تكون واضعه هذا الشي في بالها ..وعارفه ان ممكن ما يكون مثل ما تتخيل ربما تكون واضعه اسوا الاحتمالات ...وتكون خائفه اكثر منك ..

.........

وما شاء الله تزوجت وانجبت وكان باين انها مرتاحه ..

مملك و لم تراها بعد! و تنتظر من امك وصف الفتاة! ايش توصلفلك منها سيارة هي!

لاحظت انت ان اول خسارة في عدم قربك من اخواتك هي انك ما تحصلت ع وصف خطيبتك ؟

لو كنت قريب منهم كانوا حتى دبروا لك خطط عشان تشوفها ^^

الحياة تحتاج مشاركة حتى نحس بحلاوتها .. المشاركة فيها مشاكسة .. و المشاكسة تقرب الناس لبعض
زي ما قالو لك ابدا بالمدح معاهم .. طبخهم .. العيد جاي امدح لبسهم و اشكالهم

اذا طالبات اسألهم عن دراستهم اختبرهم في بعض المعلومات ، اذا موظفات خلهم يهذرون لك عن مشاكل الموظفات
اذا متزوجات اسال عن اطفالهم

امور بسيطة ما يحتاج تكبرها لمشكلة .. و بنفس الوقت لا تتعايش معاها حاول تغيررههاا

..
اخوي كان زيك بالضبط بس مو طبع مثلك لا ؛ اول ما استقر بوظيفته تغير مع الكل
ف ما انساه لما اخذ من كل و حدة فينا صفة حلوة و طلب ان زوجته تكون كذا

ف اذا وحدة شعرها جميل او بشرتها او سنعها بالبيت او اناقتها قول من باب المزح و الدعابة ان شاء الله زوجتي زي فلانة في اناقتها او جمالها او قول اتمنى انها زيك في هالشيء

مثل هالكلمات لها وقع عجيب و تفتح ابواب مغلقة



و لا تنسانا بالمستجدات


..

للتو جاء ع بالي سؤال ..

كيف قضيت طفولتك معاهم ؟ و عندك اخوات بنفس عمرك او اكبر ؟

أشكر الجميع على حسن أرآئهم

طفولتي بصراحه من الأرض للسماء
أنا الاخ الكبير وكانت حالتنا الماديه (ممتازه) وكنت اذكر اني عايش بترف
اراد الله سبحانه وارتدت تجارة الوالد وبعنا الممتلكات كلها

اضطريت للعمل وانا بمطلع العشرينات وتعاوننا انا واخوتي

جتني وظيفه برا المدينه بالاف الكيلومترات وزادت الطين بله

والحمدلله على كل حال

بصراحة الظروف (تعاند) واسأل الله ان يدبرنا بحسن تدبيرة