شكرا يا اخت فاتن على مرورك...........

والله اني مدري وش اسوي هل انا على حق ولا على خطأ....تكفون ابي مزيد من التوضيح ..ز

اخي الكريم ، هناك فرق بين الحب وحب التملك ، الأول يجعلك سعيدا ويسعد زوجتك معك ، والثاني يتعسك ويتعسها ، اتمنى ان تكون فهمتني ، مع تمنياتي لكما بالسعادة .

ذكرتني بحد!!!
بصراحه الشي ليزاد عن حده ينقلب ضده!!
حلو انك تغار على حبيبتك بس ترى انت هالشكل تضيق عليها و انا انحطيت بهالموقف من قبل صدقني انت بهالطريقه تخليها تكرهك.

طيب وش الي علي اسويه حتى اتخلص من هالغيره ومن هالاهتمام الزايد عن حده فيها ..بشرط ان هالاشياء الي اسويها متخليني احس اني مقصر معها بشي ...هل فهمتوني......

المشكله اني مع اخواتي واهلي طبيعي وماني بهالشكل فمدري وين المشكله واعتقد انه بالحب المفرط صح ولا لا واذا كان صح فماهو العلاج....
وشكرا .....حاولو معي الله يخليكم

السلام عليكم ورحمة الله

أخوي

أنا كنت مثلك زمان في بدايتي قبل الزواج ( قصة حبي استمرت تسع سنوات) ، وكنت أغير عليها بشكل فضيع .
وفيه أخوان لها ما كنت أطيقهم وما أهضمهم

بس قلت في نفسي : لأجل الورد ينسقى العليق .
وحاولت أدور أحسن شيء في اللي أكرههم وأحاول أكون رسمي معهم في الكلام حتى ما يستضرفوا حالهم مما يزيد من كرهي لهم .

مع الأيام عرفت أني كنت مخطي في كرهي لهم - وأصبحت علاقتي بهم عادية

والمثل يقول لأجل عين تكرم مدينة

اخوى..كبر قلبك وعقلك..هو الان واحد مهم..مثل ما انت واحد منهم...ويمكن هم مضطرين.. ومافيها شيئ لو استلفو سيارته..والاخو لاخوه عند الضيق..بس انت حاول حتى لو كنت تكرهه..حاول تبين له غير ذلك..حتى من معاملتك له
بيتغير..ولا تحاول تستخدم اسلوب العتاب.. حتى تكبر في عين خطيبتك.. وحاول تسألهم اذا بغو شى .. او اسألها
والله يوفقك ..وييسر دربك..

__________________

والله مدري انا وش اسوي وكيف اضبط هالحب ....تصدقون اني يوم زعلت انها راحت مع اخوها بسيارته اضلمت الدنيا بوجهي وانهارت نفسي ولو بلحظتها اتصلت والله اني كنت بخيرها بين امرين يا انا ياروحتها هذي مع اخوها بالسياره ...وسبحان الله ما اتصلت الا بعد ثلاث ايام تقريباً ويوم كلمتها اول ماسالتها عنه هو كيف حالك وش اخبارك وحشتيني ياحياتي والله اني كاره المكان الي انا فيه وانتي بعيده ...ونسيت شي اسمه ليه تروحين بالسياره ومن الكلام هذا....فما ادري انا ليش اسوي كيذا...

تكفون ابي تحليل .........تكفون......وهل الغيره هي اسباب الشي هذا واذا كانت الغيره ليش ما اواجها بالمشكله الي مضايقتني وليش اتراجع عن الي زعلان منه ومن دون انا مدري ....

النجده

اخي الكريم ، اكرر لك ان ما تشعر به ليس غيرة وانما (حب تملك ) ، وما دام هذا الاحساس يزعجك ويتعبك ، فلتسارع الى مساعدة نفسك بالتخلص منه ، إما بطلب مساعدة طبيب نفسي ، او ابدأ يوميا بترديد فكرة في ذهنك انك ستتغلب على هذا الشعور ، وافضل شيء وقت النوم ردد هذه الفكرة حوالي عشرين لثلاثين مرة ، واستمر لمدة شهر ، وسوف تشعر بإذن الله بأن تلك المشاعر السلبية قد قلت لديك . وكلما جاءت لبالك فكرة ( انا اغار عليها ) اطرد تلك الفكرة واستبدلها بفكرة ( انا احبها ولن اخنقها بغيرتي ) وهكذا الى ان تتخلص من تلك الاحاسيس .

ياالبتول....هذا ليس حب......والله انا مدري هو حب تملك ولا غيره زايده عن حدها.....طيب انا بذكرلكم موقف واحكمو هل هو غيره زايده ولا حب تملك بس اهم شي تعطوني علاج بعد الحكم موتتركوني كيذا....

انا عندي اخوان تقريبا 4 غير متزوجين وانا بالترتيب الثالث...فكنت دايماً اوصيها لما تكلمني بالتلفون على انها تكون على حذر يوم يجونا بالبيت هي واهلها وماتمشي من غرفه الى غرفه ولا للمطبخ الا بعد متتأكد مليون بالميه ان الباب القاطع بين المجلس والمحرم مقفول او مردود عشان يمكن يجي واحد من اخواني فجأه يبي ياخذ الشاهي او القهوه وكنت انا دائما حريص على اني انا الي اجيبها لكن مرات مجيبها ....وفي مره من المرات جيت وهم عندنا وكان الباب فاتح نصه يعني الي جوا واضح فالمهم دخلت فجأه فلقيتها بالنص واقفه تحتريني وتتحرى اي فرص عشان تشوفني ...فبنفس الوقت اشرتلها وقلتلها والله لوريك بعدين وراحت الايام وجت واتصلت علي واول شي قلته لها ...ليش تسوين كيذا انا ماقلت لك انك تكونين على حذر افرضي لو كان الي طلع بوجهك مو انا هاه ....وكانت تقولي والله اني عارفه انه انت ولو ماني عارف كان موقفت ...وقلت لا لا انا مسمحلك تسوين كيذا وعلى فكره ترى اذا كان فيه بس واحد من اخواني بالبيت لاتحاولين انك راح تشوفيني ....

الوقف الثاني:
اكره اللحظه الي تقولي فيها انا رحت مع اهلي ولا مع امي ولا ولا مع ابوي لمكان فيه رجال ...مثل مع اهلها للسوق .

وفيه مره من المرات راحت مع ابوها عشان تصلي وقالها ابوها اذا خرجتي قبلي انتضريني عند الباب الرئيسي هذا قالت له طيب المهم انتضرته اكثر من ربع ساعه..فالمهم يوم قالتلي انها انتضرته هالمده زعلت منها وبذات على عمي كيف يتركي هالمده هذي لو صار كيذا وكيذا والزمن بهالوقت مهو زين...فلما قابلت عمي قعدت اقوله والله الواحد المفروض ميترك وليه ويخليها تنتضر بمكان حتى لو كان فيه حركه...تعرف هالزمن يخوف....

انا لو واحد قالي مثل هالمواقف لاي وحده اشوفها شي تافه ان الواحد يتكلم واقول على الي يقول الشي هذا مريض نفسي...بس انا مع هالبنت هذي اشوف الحبه قبه...مدري هو حب ولا غيره مذمومه...

يا اخوان ويا اخوات تكفون بررو هالمواقف من صحتها وخطأها ...

وفيه اشياء لو بقولها تضحكون علي بس خلوها على الله....انا مدري والله اني خايف ان هالتصرفات تكرهني بحياتي وتكره الي تحبني وتموت فيني فيني...

اخي الكريم ، لن اضحك عليك مما ذكرت من المواقف بل انصحك بما نصحتك به سابقا ، غيرتك بهذا الشكل الخانق سيحول حياتكما الى مشاكل ولن تستطيع زوجتك ان تحتمل ذلك مهما كانت تحبك ، واخشى إن لم تتدارك نفسك ان تتحول تلك الغيرة الى شك وبالتالي خراب بيوت ( لا سمح الله )
وأزيدك نصحا ، داوم على قراءة سورة البقرة ، فمؤكد سترتاح نفسيا وينشرح بالك .
ارجو في ردك القادم ان تبشرنا بأنك قررت اتخاذ موقف وحل لتلك المسألة ايجابيا ، لا ان تستمر بالشكوى لأن الشكوى المستمرة بدون اتخاذ موقف لن تفيدك بشيء وستبقى في نفس الدوامة ، استمع لكل من نصحوك وابدأ بالعمل .