تصرفات زوجك تدل على أنه يحتاج للعلاج النفسي والسلوكي فربما تعرض لطفولة قاسية جدا أثرت في شخصيته وربما يتعاطى المخدرات وربما يكون لديه القولون أيضا أو أي مرض يزيد من عصبيته على كل حال لا فائدة من التفاهم مع شخص غير سوي فقد يتحسن أيام ثم يعود لحالته يجب اقناعه بالعلاج .

ينقل الى قسم المشاكل المحلولة

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

بدوامي لي صديقه حبيبة كما عهدتها
دخلت وسولفت معاي تعرف اني زعلانه من زوجي وقالت لي عندي لك رساله من فلان
يقول لك تطلقي من هذا وطبعا نعته بااسم سيء
وبيتزوجك وبيحطك بفله انتي اميرتها وخدامتين وسايق وولدك له مربيه وبيخليك اميرته
طبعا انا توقعتها تمززح وبعد الحديث ثار غضبي وكدنا نتشابك بالايدي
قلت هذا الي مو عاجبكم يسواكم كلكم وكل العالم تصير مشاكل بينهم
طلعت ابكي ابكي حسيت برحمة لزوجي
رجعت البيت وجلست ابكي لما راسلني زوجي راسلته وسهلت امور العوده
عدت له وانا كل مااتذكر كلامهم احترررق قلبي
ورجعت الدوام وهي تتحاشاني وانا احاول استفزها ابي اخذ حقي منهم
مالقيت نفسي الا بمكتبه
ورميت عليه الي عالطاولة قلت اذا رجال الحين تكلم قدام الناس انه تعرض الزواج ع متزوجة وام ولد
الي سمعني حاول يهديني
قلت شوف يارجال الي مو عاجبك مايلف على حريم الناس واعراضهم ويسعى بطلاقهم
طلعت الي بقلبي كلللله
مقهوووره كيف الناس تستغل اي وضع
وش صاير بالدنيا
صديقتي حذفتها من برامج التواصل وحظرتها وماارد سلامها ولا اسلم عليها
قلت لزوجي وخبرته وانا ابكي قلت ماادري ليش صار كذا معاي
قلت اذا انت سبق وخنت رجال بااعراضهم الله جالس ينتقم لهم بس انا فاهمه ومااحد يضحك علي

الى الان وهالموضوع متعبني نفسيا

وايش كان رد فعل زوجك لما قلتيله قصة زميلتك..؟

زوجي اذا حس بالقهر او الاهانه وتانيب ضمير يترك المكان
انا قلت صديقتي حاولت انه اتطلق منك واتزوج واحد من قرايبها ماقلت بالدوام
خفت يبتلش فيه
ابيه يخاف ان له عرض وزوجه واذا هو يسوي غلط يتركه
بعدين قال امانه انتي صادقه ولا تبين تلفتين نظري
ووريته ان رقم فلانه بالحظر وهو يعرف انها صديقة لي

عزالله انك بنت رجال
واللي رباك عرف يربي الله يستر عليك

الحمدلله
الله يجزاك خير

ماشاء الله عليك ياملكه
كبرتي في عيني
والله انك أصيله
كيف عاد في عين زوجك
ان شاء الله تكبرين اكثر واكثر
ع فكره صار معي قريب من هالموقف
ومن بعدها قطعت الكلام عن اي خلاف يصير بيني وبين زوجي
ماعاد اخبرها
بس صراحه ماقطعتها ولكن اصبحت جدا حذره وسطحيه معها..
ىب يوفقك لاتتضايقين ولاشي
بالعكس ادعي ربي يسخركم لبعض
ويصرف عنك كل من اراد بك سوء

حبيبتي ابتسامه الله يرفع قدرك

بس قلبي متعبني ليش الناس تستغل اوضاع زي كذا عشان تصطاد
شوفي موضوع الاخت صديقتها تعرض عليها زواج وهي متزوجة
ماهي من الرجوله انه يفكر بزوجة اخيه المسلم
وربي من الكبائر معقوله فيه ناس انسلخت من الدين بحياتهم وصارت تتعامل بالعلمانيه
حتى العلمانيه عندهم رجوله وغيره

احنا في الدنيا ياملكة .. وماحنا ملائكة .. وزي مافي الخير والحمدلله .. في الشر والعياذ بالله .. الله يهدي بالك ويمتعك بالصحة والعافية يارب

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..