ايه اختي !!

ملاحظ ي جماعه الخير .. اني كل ماادخل عالواتساب واطول فيه (( افتح القروبات - اشوف المقاطع والخ )) زوجتي تقعد داخله خارجه بالواتس وتبداء ترسل BC برودكاست اقلها واحد (( مره دعاء - مره عتاب - مره اخبار )) المهم خليط من الرسايل ... هالشي ادري انه راح يدفع فضولها ويشعل غيرتها شوي ..

طبعا افك رسايلها قبل ماانام واقراها واطلع وماادخل الا ثاني يوم ..

هل تشوفون ان هالشي صحي (( اقصد مفيد )) لوضعي وحل مشكلتي معاها !!!

توها مرسله صوره (( رحل بأختياره ثم عاد وخسر تحديه ورهانه .. يقول لها اليوم : سامحيني مااستطعت ان انساك .. وتقول : انت سامحني .. فأنا نسيتك وعشت بعدك في هناء ))

وش الحل برايكم معها .. لسى تعتقد الدعوه فيها تحدي وخساره وربح !!! غرور وكبريا بكل ماتعنيه الكلمه

عقلهاااااا صغير زوجتك

و اذا رجعتها بتمدي اكثر

خليك ساحب عليها فتره يمكن ترجع ل عقلها

بنسحب الى ان ربك يحلها ..

ترى شخصيه المرأه بعد الولاده تتغير
انا تغيرت 180 درجه لماصرت ام
خف الغرور والعناد وصار همي الاستقرار
ومتأكده زوجتك بتتغير مع الامومه
لكن انت الحين حارق اعصابك على كل حرف
لا تدقق بالرسايل
وان قدرت خذ اجازه وسافر لك يومين
ونزل صور سفرتك
صدقني كذا هي بتنقهر بس ماتقدر تلومك
بس لازم تحس انك تقدر تعيش بدونها
وانك مستانس ومرتاح.. حتى تعيد حساباتها

هذا جزء بسيط من حركاتها ورسايلها .. السفره جايه ان شاءالله .. وخلها هي ورسايلها .. بصراحه مليت وطفشت .. الحياه مره وحده اقعد اضيع وقتي في سخفات مثل كذا ..

معها 100٪ والسفرة أكبر دليل لها إنك مو جايب خبرها ورايح توسع صدرك ..
وأنت تحتاج تغير جو بعد هالمشاكل ..

لذالك سوف اترك الآيام لها .. هي اللي طلعت من البيت وهي اللي ترجع !!!!! حتى شرعيا تعتبر ناشز ...

الله يكون بعونك ويفرجها عليك يا رب

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟