لا أعرف ماذا أفعل ..... أريد مساعدتكم !!!
السلام عليكم و رحمة الله
اعرف ان كثير منكم راح يهاجموني بعد مايقروا الكلام اللي راح اكتبه.....
لكن هذي الحقيقه .... و المشكله اني عارفه اني غلطانه و بنفس الوقت ماني قادره امنع نفسي ...
طبعا انا قربت الثلاثين و لسا ماتزوجت .... و ماتخيلت في يوم من الايام اني انطق هالكلمه لكن الشكوى لله وحده...
المهم ..... انا اعمل في مستشفى و الحمد لله سمعتي بين الزملاء و الزميلات ممتازة و محافظه على احتشامي و علاقتي المحترمه مع الجميع... لكن....
اللي حصل....... انه بالفتره الأخيره صار لي تعامل مع زميل محترم (هذا كان رايي فيه)و متزوج و اصغر مني ... اضطريت اعطيه الايميل عشان يرسل لي اوراق بخصوص إكمال دراستي... المهم ان الشخص هذا اضافني على الماسنجر......و انا من فضولي قبلت و اقول بنفس ابغى اشوف وش يبي و ليش اضافني....... و مع الأيام صرنا نتبادل الحديث شوي شوي حتى تعلقت فيه و انا عارفه انه متزوج و لاهو ناوي يتزوجني أصلا و علاقته مع زوجته ممتازه (حسب كلامه)..... لكن يقول لي انه يحبني و مايستغني عني ..... !!
طبعا انا مو مصدقته و عارفه انه يتسلى ...... و هذي هي المشكله.... اني اعرف انه يتسلى و مع كذا مو قادره اتركه .... و حاسه ان الله يعاقبني على هالشي و مايستجيب لدعائي بسبب علاقتي فيه و ابي اتركه و اعزم على هالموضوع لكن اول مايصير لي شي يضايقني القى نفسي رجعت له....
ارجوكم لاتكونوا قاسيين بكلامكم ترى اللي فيني كافيني و ضميري معذبني ليل نهار و اتمنى اني اتخلص من هالبلوى...... ابي رايكم اذا فيه شي اقدر اسويه ... حاولت اتركه مرتين و ماقدرت ......... ابيكم تساعدوني الله يخليكم ... و ادعو لي بالهدايه ....
اللهم اكفني بحلالك عن حرامك و بطاعتك عن معصيتك و اغنني بفضلك عمن سواك....
*************
تم تعديل العنوان
الإشراف
15-04-2008, 06:36 AM
ضوابط المشاركة
العرض الشجري