حبيبتي بالنسبة لموضوع الصلاة من حقك وحقو عليكي كمان انك تنصحيه و تهديه للطريق الصح
لكن انتبهي جدا جدا جداااااا للاسلوب
فالرجال معظمهم لما يكونو كويسين زي زوجك مثلا قصدي متقبلك وبحبك
بقبلو النصح انما بهمهم الاسلوب
اسلوب النصيحة المباشر او الامر بكرهووووووووووو الرجال جدا جدا جدااااااا
مثال كنت احيانا بس يدخل زوجي الحمام الاقي تارك المنشفة على الغسالة
ادايق لاني اكون لسة مرتبة ومنظفة الحمام
اقلو يالله عليك ليش راميها هيك شيلها مكانها
يزعلللللللل ويقلي ليش بتحكي هيك انا ولد صغير؟؟؟شايفاني ابنك؟ولا اخوكي الصغير
وبعدين لما اراضيه يقلي ماعندي مانع ابدا تحكيلي ملاحظاتك هاي بس باسلوب
فصرت مثلا اقلو يوه حياتي ليش رامي المنشفة هيك الله يسامحك هلأ لسة نظفت الحمام حبيبي ماتعمل هيك رجعها مكانها الله يخليك
عاااادي يرجعها وهوة مبسوط ويقلي اسف خلص ماتزعلي
وقيسي عالشي هادا كلللل شي بحياتنا
ان اجيت اقلو اعمل وليش هيك وسوي
بتصير مشكلة
وان بالاسلوب الحلو والرقيق كل الي بدي اياه بصير
الرجل طفل كبير بدك تداريه و تحني عليه
فزوجك اقعدي مرة معاه في قعدة هادية واختاري المزاج المناسب له وهاي نقطة مهمة
ماتخليه متنكد من الشغل وقرفان وبدو يرتاح وبس تروحي تفتحي معه هيك اشي لا طبعا
مثلا يوم رايق و بمزح او رومانسي او مبسوط
يعني حالة مزاجية انت عارفة انها بتسمح انك تفتحي معاه مواضيع وانت ادرى بزوجك
احكيلو حبيبي ممكن اقلك اشي بس خلينا نحكي زي الكبار ياعمري
(وقتها مستحيل يقلك لا)
احكيلو حياتي انا زعلانة كتير وحازز بنفسي اشوفك هيك ليش صاير تقطع بالصلاة ياعمري
يعني شغلة عارفين انها حرام وبتودي النار وبتخلي النكد في حياتنا وتنزع البركة منها ليش نعملها؟
منت عارفة ياعمري اكتر مني الاحاديث تبعت الصلاة وترك الصلاة
وتارك الصلاة مش بس الي بصليش بالمرة انما حتى الي بقطع يعتبر تارك صلاة
وقولي الو (الذين عن صلاتهم ساهون) يعني جيبي الاية من اولها نسيتها بديش اغلط فيها
واحكيلو يعني معقول ياحبيبي كل الاحاديث هاي والايات وبالاخر نعمل عكسها ليش؟
ان كنت تعلم فتلك مصيبة وان كنت لاتعلم فالمصيبة اكبر
وانت بتعرف يعني فهاي مصيبة الواحد يعرف و مايعمل الشغلة
بعدين الواحد مابعرف اجله امتا الله يعطيك الصحة وطول العمر يارب
بس تخيل الله مقدر اجلك و يجيك وانت مش مصلي الظهر وتارك العصر مثلا
كيف حتقابل الله والناس تبعث على ما ماتو عليه؟
الله يعطيك الصحة ويجعل يومي قبلك(بعيد الشر عنك ياحبيبة محمود انتو الاتنين يخليكو لبعض بس انا بقلك شو تحكي عشان تاثري فيه )
ويعني احكيلو انا بدي زي محنا في الدنيا سوا وهية دنيا فانية بدي نكون بكرة بالجنة سوا وهية حياة ابدية
مابدي تكون بعيد عني
وانا مابرضى الله يكون زعلان او غضبان عليك
الصلاة اشي مهم
والعهد الذي بيننا وبينهم الصلاة
(بيننا وبين الكفار)
واحكيلو كمان هاي ماتنسيها
مـن تـرك صـلاة الصبـح فليـس فـي وجـهـه نــور
مـن تـرك صـلاة الظهـر فليـس فـي رزقـه بـركـه
مـن تـرك صـلاة العصـر فليـس فـي جسمـه قــوة
مـن تـرك صـلاة المغـرب فليـس فـي أولاده ثـمـره
مـن تـرك صـلاة العشـاء فليـس فـي نومـه راحـه
واحكيلو مش معقول بدك يصير فيك هيك مايكون في رزقك بركة ولا في ابنا الله يخليه النا يارب
بدك نكون قدوة كويسة لابننا
ويعني احكي كلللل الي نفسك فيه بس انتبهي للاسلوب
واحكيلو انت ياعمري بتصلي لله بس ومابتصلي الي انا مش حستفيد اشي من صلاتك ابداااااااا
بس بعز علية اشوفك عاصي لربنا لاني بحبك اكتر من روحي وبتمنالك كل خير
وطبعا خلال كلامك كوني ممكن تربتي على شعره
او تحضنيه او .......... االحجات هاي بديش احكي عالمنتدى يعني مافي داعي للتفصيل بس حجات رومانسية
وشوفي اكيد وقتها حستجيب ويقلك انا حاسس بالذنب
يعني اكيد زوجك من كلامك في بذرة خير
وعاد احكيلو بالاخر حياتي طيب ازا انت بتكسل شو رايك انا اصير ازكرك
عادي يعني ياعمري عشان انت بتنسا مش قصدي اني بدي أأمرك يعني
او احكيلو خلينا نصلي جماعة وتجتمعنا الطاعة والعبادة وحب الله
وازا ماقبل اولها خلي الشغلة بالتدريج
وقت الصلاة احكيلو عمري صليت ؟عدو ادن العشا مثلا
او احكيلو حياتي انا بدي اقوم اصلي بدك مني اشي بدي اروح ادعي النا ولابنا
هيك يعني
اكيد حيخجل لما يشوفك بتصلي وهوة قاعد
وانا اسفة طولت عليكي بس حبيت اطرح عليكي كل شي ممكن تعمليه حابة اساعدك والله لانك زي اختي
والله يوفقك وطبقي الي قلته وكل شي بدك اياه بصير خاصة زوجك طيب وبحبك وحنون ومن جوة انسان كويس
فالحجات هاي بقبلها منك يعني عندو قابلية للحكي والنصح
مش في رجال بالمرة مابسمعو لزوجاتهم اشي وبعتبرها جارية ومالها حق تحكي معاه وبنظرلها من فوق
فاحمدي الله والله يوفقكم يااااااارب
22-01-2009, 10:12 AM
ضوابط المشاركة
العرض المتطور