كلامكِ جميل جداً .. ولكنه يا عزيزتي يندرج تحت بند المبادرة والعطاء بطيب خاطر .. والحديث هنا لا يدور حول هذه النقطة .. ولم أتحدث حتى عن انتظار مقابل أو الحصول على شكر .. ويا ستي والله لا أريد هذا ولا أريد ذاك . . ولكنني أتحدث عن احترام وجودي .. وعندما يتخطاني شخص ما وكأنني ((عدم)) دون أن يستأذن أو يطلب أو حتى ينظر لي .. فإنني شخصياً أعتبر هذا شكلاً من أشكال الإيذاء .. وطبعاً لن أحترم تصرفه ولن أقبله منه.

معكِ أن كبار السن لهم وضع خاص ورد فعلنا يفترض أن يكون مختلفاً .. وأنا قلت إنني لن أجادل هنا ولن أمنعهم أبداً من تخطي دوري (لأن أخلاقي تمنعني من ذلك) .. ولكن أن أنظر لتصرفهم على أنه تصرف عادي ومقبول .. لا طبعاً .. وكأننا نقول إن كبير السن مب مهم يحترم الناس أو يقدرهم!!!

وافرضي يا عزيزتي أنني لم أنتبه لهذه العجوز لأي سبب من الأسباب .. فهل يضرها أن تطلب مني أن أعطيها دوري لأنها متعبة أو مستعجلة أو .. أو .. أو؟!!

ولعلكِ تعرفين قصة الغلام الذي كان يجلس في مجلس رسول الله صلى الله عليه وسلم .. فجاء بشراب وشرب منه ثم نظر للغلام الجالس على يمينه و((استأذنه)) أن يعطي الشيوخ الجالسين على يساره أولاً .. فرفض الغلام ولم ينكر عليه رسولنا الكريم ذلك.


الإيثار قيمة إسلامية عظيمة ولا جدال في ذلك .. ولكن احترام الآخرين واستئذانهم فيما يخصهم أيضاً قيمة إسلامية لا يجب أن نقلل من أهميتها.


على كل حال .. اختلاف الرأي لا يفسد للود قضية

__________________


اللهم طِيبَ الأثر .. وحُسْنَ الرحيل.

صدقتي يا أختي إنسانه طموحه وبصراحه أنا أشوف إللي يتعدى على دور غيره في الصف بدون إذن إللي قبله هاذي أنا أسميها قلة أدب وذوق وأنا عن نفسي ما أسمح لأي أحد ياخذ دوري إلا إذا كنا في مستشفى وأشوف حالة هالإنسان تعبان مره أو حرمه كبيره بالسن طبعا أقدمها وأذكر مرة رحنا مستشفى الأطفال كان واحد من عيالي مريض وكان الرجال كلن ماسك طفله وصاف طابور على غرفة الفحص وحنا يالحريم واقفين مجموعه تفصلنا عنهم مسافه بسيطه طبعا كان في طابور الرجال فيه رجل دوره تقريبا الخامس
وكان شايل طفله عمره حول سنتين لافه في بطانية وشايله وكان مسكين مرة يجلس ومرة يوقف فيه ويرفع عنه البطانية وزوجي شافه وكان سرتنا بعد إللي داخل غرفة الفحص مباشرة نادى عليه زوجي وقال لي إيش رأيك نخلي الرجل هاذا ياخذ رقمنا ويدخل شكل ولده تعبان مره طبعا أنا أيدته وقلت له أيوه الله يجزاك خير هاذي مايبغى لها مشاوره ولو كان زوجي ماقال لي كان سبقته وشاورت عليه بس جت منه هو خير وبركه وراح و أخذ رقم الرجل وهو أخذ رقمنا ودخل قبلنا على الدكتور وحنا أنتظرنا حتى جت سرتنا ودخلنا فطبعا حنا كمسلمين لابد أن نرحم بعضنا البعض في بعض المواقف لاكن إذا وقفت عند مكينة الصراف بالسياره ماسك سره حتى قرب دورك ويجيك واحد على رجوله يركض وقف سيارته بعيد ويقوم يوقف على رجلينه جنب مكينة الصراف يبغى يسحب فلوس وشفته تجاوزك ودخل بطاقته بالجهاز يسحب مبلغ وأحيانا أ كثر من واحد لا وبعد إللي صاف وراك بسيارته يزعجك بالبواري بيب بييييب طاط طاااط وحينها وش تسوي بالذات لو عندك فواتير تبي تسددها وتبي تسحب يعني أنت ضغطك مرتفع من إللي تجاوز حدوده وسحب من الصراف قدامك وإللي وراك زاد الطين بله وضغطك يرتفع وبصراحه تحصل معانا كثير وزوجي مايمر الصرافه يسحب منها بالذات مع الرواتب إلا وعقاله على راسه علشان الطوارئ بس الحمدالله الأمور تعدي على خير أحيانا أ كون معاه و يعصب بس أنا أقوله ماعليه خله يسحب قبلنا علشان مانجلس نسحب وهو واقف يناظر لنا وحنا بالسياره بعدين أنت عاقل وفاهم و مايصلح تجلس تتناجر مع هالأشكال قدام الناس وتفضحنا والحمدالله تمشي الأمور لاكن فيه مرة رحنا عندنا مراجعة في المستشفى ومعانا العيال كلهم والمواقف القر يبه زحمه وحنا وصلنا بدري قبل موعدنا وجلسنا ندور على موقف لسيارتنا وسبحان الله جاء واحد من المراجعين و طلع سيارته وحنا كنا واقفين ننتظره يطلع ونوقف محله الرجل طلع ويجي واحد داخل عكس بيوقف بالموقف قدامنا وزوجي شافه قام زوجي دخل نصف السياره بالموقف قدامه وهاذاك مثله صار شكل السيارت من قدام مسوية مثلث والرجل يقول لزوجي إرجع وزوجي يقول له إرجع أنت أنا منتظر هنا من قبلك رفض الرجل يطلع سيارته وإن زوجي طفى السياره وشال عقاله ونزل وسلطان شال مفتاح الكفر وإبني الثاني
شال قطعة حديد حصلها بالسياره ونزل ورى أبوه والرجل قفل على نفسه السياره والناس تجمعوا وجت الشرطه وعقبها نزل الرجل من سيارته وأجبروه الشرطه يطلع سيارته وحنا وقفنا في الموقف وبصراحه إللي حصل ما أنساه أبد وجلست خايفه على زوجي وحتى عيالي ناديتهم ماسمعوا كلامي قالوا بنساعد أبوي بالرجل نخاف يذبح أبونا والبنات يصيحون بعد بينزلون يساعدون أبوهم وياذي الفشيله أنا كنت أقول ياربي الحمدالله إنا جنب المستشفى علشان لوفيه أحد تعور منهم ينقلونه بسرعه للمستشفى بالرغم من هدوء زوجي وطيبته إلى إنه أحيانا تقفل معاه في بعض المواقف
وماعاد يفيد معاه النصح أبد
والله المستعان بس بالنسبه للبنك أنا أرو ح أراجع البنك أحيانا تجديد بطاقه أو إيداع أو تجديد بيانات بصراحه عقدوني بسالفة النظام عطلان وإلا جيبي معرف ورقه من زوجك لأن ما عندي بطاقة أحوال عندي بس كرت العائله وشفتهم ما يتمشون فيه لازم البطاقة الشخصيه أو جواز سفر فضطريت أطلع البطاقه الوطنيه وأرتحت بس لفت نظري في بعض الموظفات إن المراجعه إللي تعرفها الموظفه تقوم تشيلها شيل ماباقي إلا تحطها على راسها تشيل أوراقها وتمشيها وتدخلها في غرفه خاصه بالموظفات تجلس فيها وتقول لها إرتاحي حتى أخلص أوراقك وحنا نجلس ملطوعين في الإنتظار وكل ماجاءت مراجعه قالت لها إسحبي رقم وإنتظري طيب وهاذيك الحرمه داخله ورانا وأوراقها تمشي قبلنا ليه وين الحق و العدل والأوليه بلا محسوبيات بصراحه والله لو أنا مكانها لوكان ولدي أو بنتي لأخليه يمسك الصف ويلتزم بدوره ليش التعدي على حقوق الآخرين وهاذا شئ ستسأل عنه عند الله وأنا أحسه ظلم وإجحاف بحق الناس الباقين ومعليش يا أختي أسترسلت بالكلام كثير وأطلت عليك وموضوعك بصراحه شيق ورائع وخلاني أنثر ما بجعبتي من مواقف بارك الله فيك وجزاك الله خير على كتابته و أسأل الله عز وجل بأن لايجعلنا نظلم أحد ولا نتعدى على حقوق أحد ولا نحمل ذممنا بظلم أي إنسان في الدنيا اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يسعدك يااختي بنت الحكمي

اثريتي موضوعي ،ووقعتي على الجروح ،فعلا للأسف تحصل معانا كثيرهذه المواقف خصوصا اذا جينا نطلع السوق وعند الصراف ،أما حكاية جيبي معرف هذي هي اللي قاهرتني :
بارك الله فيك

هذه المشكلة تحصل في مواقف كثيرة عندنا
يفترض بعض الأشخاص ان لهم الحق في كل شيء قبل الغير
بغض النظر عن مين جاء قبل
وانت كأنك مو موجود

سواء كنت في بنك في محل أي مكان
حتى السيارات ما تسلم من الأنيميا الأخلاقية هذه

المشكلة ربما في قيمهم لكن كيف ممكن نحد من تصرفات مثل هذه

الله المستعان

معاناة مستحيل تنتهي

اخر مره رحت الحرم اتفاجت انو حتى عند الكعبة عند الحجر الاسود بي التحديد صار في طابورر اتفاجت الصراحة

__________________
ياررب ارح قلبي وعوضني خير

والله هالطابور قصته قصه
في الدول الاجنبيه الكل بيحترم الطابور بغض النظر عن عمره وجنسيته واذاكان في سبب لحتى احد من كبار السن او غيرهم يتخطاني لازم يستاذن اولا زي مثلا اذا كنت في السوبرماركت ومعي اغراض كتير و جا شخص معه غرض او اثنين و طلب انه يحاسب قبلي ما في مشكله بخليه
بس للاسف الشديد العرب اللي هون بينتظموا في الطابور بس هون مجرد ما يوصلوا بلادهم بيصير الطابور والنظام من الماضي و في موقف حصل معي لما كنت مسافره لبلدي وكان وقتها معي طفلين الرحله كانت طويله ومرهقة13 ساعه بالطيارة واولادي وقتها ملوا و زهقوا ولما وصلت على المطار وقفت في الطابور لحتى
يشوفوا الجوازات الا وحده قدامي ما بعرف كيف اجت ومعها بنت صبية وحكت بصوت عالي انا هون مكاني انا اتفاجئت والله اني ما قلت شيء الا في شاب واقف وراي حكالها كيف مكانك والاخت الها اكثرمن 15 دقيقه مع اولادها عم تستنا دورها طبعا هي خجلت من حالها ورجعت على اخر الطابور ومن يومها قررت اني اغير اسلوبي شوي ما اخلي حد يتعداني بدون اذن