الله يحفظلك الغالي يارب
والله كلامك كان في بالي من اول محتاره بين الضرب واسلوب الحوار بس احس مايفهمون غير بالضرب انا بنتي هاديه وتسمع كلامي ماشاء الله بس لما تختلط مع الاطفال تجي متغيره تعاند وتسوي حركات مالها داعي واعصب عليها واضربها ضرب بس والله اندم والوم نفسي اقول هذي طفله وهي ع طول المسكينه تعذر مني واطنشها اقول لا تكلميني وتزعل وتصرخ قلتلك اسفه واحيانا احسها تقول اسفه وهي مو عارفه وش السبب بس اتعودت ع اسفه بس صار لي فتره امسك نفسي ما اضربها واحاول استخدم معاها اسلوب الحرمان من الشي اللي تحبه واحاول احاورها وابين لها انتِ سويتي كذا وهذا غلط علشان كذا انا ما اعطيك هذا ولا اخليك تتفرجين فصارت نوعا ما تستجيب
احس الضرب مع كثرته ع الطالعه والنازله ما يجيب نتيجه وراح يتعود عليه وع قولتك بيخليه ضعيف شخصيه ويكسر نفسه فالإعتدال مطلوب
الله يعينا على تربيتهم التربيه الصحيحه

الله يحفظلك ولدك ويسخره لك يارب..
ماشاء الله سواليفكم ممتعة ومفيدة ...
من المهم ذكره :
* إني أشوف أغلب الأمهات إذا ضربوا ما يكون ضربهم (تأديبا ) في الحقيقة بل لأنها حضرتها مضغوطة ونفسيتها تعبانة وتجي على راس هالضعيف مسيكين .. والدليل على ذلك إنها تصدر من الطفل أخطاء أكبر من ذلك ولا تكترث ويمكن حتى ما توجهه !!
يعني من الضروري ياغاليات إنا نهتم من الإستقرار النفسي لنا ... عشان ما يأثر على تربيتنا لأولادنا .. وإنا نكون صبورات وما ننسى سيد الأخلاق الحلم ..
** بعض الردود ذكرت إنها (تصرخ )>>> وهذا في نظري يدل على الضعف ( ويعلم الطفل خُلقا سيئا) فنحن لا نحتاج لرفع أصواتنا عشان نحصل على ما نريد ..
** حقيقة التربية هي أصعب مهمة في الحياة ما هي سهلة هي رسالة تأدينها طول ما إنت عايشة مع هالطفل ..
**أكثر شئ يخلي الطفل ما يتجاوب للأمر والنهي أو العقاب أيا كان هو (( التدليع)) ولا أقصد به هنا الحنان لااا..
التدليع يعني الطفل يحصل على كل ما يريد !!
نعم كل ما يريد تقريبا ! ما في نظام يحكمه ولا قانون ! وهذا ما يحصل في بيوتنا مع التفاوت.. لتوفر المادة + عدم الاهتمام بعنصر النظام ..
** أؤكد على ما ذكره الأخوات الحنان ثم الحنان ثم الحنان ..
ضميه كثيرا ... احكي له مشاعرك ... اثني عليه ... أشعريه بأنك فخورة به ... اضغطي على يديه .. حركي شعر رأس حينا ... عطيه من وقتك ... ولا تنسي نفسك، إذا نسيتي نفسك بترجع على راسك

بالنسبة لي أمي ما تضرب وأبوي مرة أو مرتين ضربني .. وحدة منهم محفورة في قلبي قبل ذاكرتي ..لأنها كانت كف على وجهي محترم وما كنت أستاهل في نظري.. والسبب :
مرة كنا في عزيمة في بيت عمتي فأشارت بنت عمي إنا نروح للسوبرماركت الذي يبعد قليلا عن بيت عمتي... ابنة عمي كانت مغامرة أما أنا فهادئة ولا أغامر أبدا كنت أعيش سن قبل سني >> عاقلة بزود ..
المهم سمعت كلامها ورحت معها وكانت عزيمة عشاء يعني بالليل ..
ولما رجعنا من العزيمة بالليل غطاني ابوي (الله يحفظه ويسلمه من كل شر) كف بيده الغليظة على وجهي المسكين ..
بس أنا كنت مرة حسااااسة وما ينفع معي الضرب عشان كذا تأثرت ... وبعد حسيت بالخيانة لأن أخوي هو الي علم علي ..
وبرضوا كنت مؤدبة وحليوة ليه ما عداها لي >>> شفتوا التظلم الي جاي متأخر : )

روح الطير:
لا عاد تضربين ولدك على كتفه >> لا هو الضرب الي يوجع وينذكر.. ولا انت الا الي ما ضربتيه .. أحس إنها (بربسه ) >>> تعرفين معنى بربسة يعني ما لها سالفة الحركة ..
استخدمي النظرة الحازمة والحرمان ..
الأهم ياروح الدعاء.. الله هو الي يحفظ أولادنا ويهدي بالهم .. ويصلحهم ..
وما لونته لك بالأزرق أرى أنها من المهمات في أن يسمع ولدك كلامك.. أعطي حنان ولا تدلعين ..

والله يحفظك إنت ومن تحبين ..

__________________
{ اللهم صلي وسلم على محمد وآله وصحبه تسليما كثيرا }

أنضربنا كثير ااااااااااااه مازالت الذكرى ترجع بين الحين والآخر أبوي الله يرحمه كان مريض طول عمره منذ صغري وأنا أذكر معاناته مع مرض السرطان الله يرحمه ويغفر له
كان حنون كثير خصوصا وهو يشوف ان المرض حرمنا منه كان يحاول يدلعنا كثير مع حزم في بعض الاحيان وأمي الله يحفظها أبدا ما ضربتنا
ولكن أخواني الله يذكرهم بالخير ما قصروا معنا خصوصا بعد وفاة أبي كان خوفهم علينا كثير
الضرب الشديد له أثاره بصراحه خوفنا الكثير من أخواني أثر على حياتنا وعلى أبداء الرأي تقريبا من سنتين أستطعت فقط أن أناقش وأبدي رأي وانا عمري حاليا في الثلاثين

العقاب مطلوب ولكن العقاب الغير مبالغ وحاليا كسب الطفل هو الأهم ولكن أيضا يجب المراعاة بأن هناك حدود يجب ان لا تعدى كل شيء بالوسط

بالنسبة لولدك الله يحفظه يحتاج شوية حزم والمشكله انه في مرحله يحب أنه يفرض رأيه
تعاملي مع عيال خواني علمني الكثير أحيانا الشد واحيانا اللين حسب الموقف
خليك ما بين التهديد والحرمان وخبريه وإذا سمع كلامك على طول أمدحيه وكافئية وأخبريه لانك سمعت كلامي اليوم راح أطلعك مشوار مثلا أو اعملك أكله والعكس إذا عاند

الله يحفظلك أولادك ويقر عينك فيهم

اسفة لإني تأخرت ، ما كان عندي ( نت ) ..
و انشغلت كثير يوم الخميس و الجمعة ،.

هذا اخر اللي حصل هاليومين :

يوم الخميس أعطيت لولدي بطاطس برينجلز ، لإني متعودة اشتري له و ياكلها ماشاء الله ..
بس يوم دخلت لغرفته ، لقيته برضو .. بعد ما شبع ، قام كسر البطاطس كلهاااااااااااااا و فتفتها

ربي رحمه لإنه كان نايم أول شئ ، و كنت مروقة ..

بس الحلو ، إني شفته جمع كل القطع اللي كسرها قبل لا ينام و رجعهم للعلبة ..
و بقيت فتافيت صغيرة مرة و قليلة .. و ما رجعت كلمته ..

.
.

أمس أعطيته قلم و دفتر و جلست أعلمه كيف يرسم و بعد شوي انشغلنا ..
بعد ساعة سألني : ماما فين القلم و الدفتر ؟ أبغى أرسم ..

أخذ القلم و بعد ما رسم في الدفتر و طفش و كنت مشغولة شوي عنه ..
لقيت الأستاذ ولدي ، راسم حدود ( كفه ) على مفرش سريري السكري و راسم شخابيط

إيش أعمل له ؟؟؟

أبلة جرين حبيبتي

ليه التشاؤم و الإحباط ..؟؟؟
إنت أكثر وحدة لازم نتعلم منها

و ولدك حسن ، بس فترة إن شاء الله و بيرجع لك أحسن من قبل ^_^

...................................

عطر الحياة

عملت نفس الطريقة اللي قلتي عنها ،.
حتى إني أعارض الضرب و أدور عن أي عقاب يناسب ( الفعل )
بشرط إنه يكون فاهم ( إيش الغلط اللي غلطه ؟ )

أول مرة أفهمه و أشرح له .. لا تعمل كذا ، عشان كذا و كذا و أشرح له حبة حبة على قد سنه ..

ثاني مرة ، أناديه و أخليه يشوف إيش عمل ..
و أقول له ( شوف إيش عملت ؟؟؟ عشانك ماسمعت كلامي و أنا مو قلت لك قبل شوي ... إلخ )
فينزل راسه و يبتسم ابتسامة خبيثة ( يعني عارف نفسه غلطان )

ثالث مرة ، أعطيه ضربة على يده أو كتفه أو أقرصه بشوييييش ( بس تراه مو ضرب و لا قرص )
مو عشان كذا زوجي يقول ( ما بيسمع كلامك لإنك ما تضربيه ضرب حقيقي )

.
.

و هذاك اليوم خليته يجمع القطع الكبيرة للخبز - زي ما قلتي - بس قمت و عملت نفسي أساعده
لإنها كانت مرة كثيرة ، و ما عطيته العصير إلا بعد ما خلصنا

بس شفتي كيف ؟ بعد ما جبت المكنسة و كنست الفتافيت الباقية و اللي صعب تتجمع ..
رجع فتفت العيش فوق سريره
عشان كذا أكل ( ضربة ) من جدددددد ..


و ترى كنت مثلك قبل ، ضد الضرب و حتى أولاد أخواتي و أخواني يحبوني مرة و بزورة أهل زوجي
بس كانت أختي تقول : يوم ولدك يكبر .. بيتغير الشئ هذا

عشان كذا أمسك نفسي دايما و أعد مليون مرة قبل لا أعاقبه ..

وحدة من أخواتي انفجعت يوم شفتها كيف تعاقب أولادها ؟؟؟
تضربهم بالسلك و لا كف من قلب قلبها و من غير ما تتفاهم معهم ، مين الغلطان أو أي شئ

و الثانية من أخواتي ، تدلعهم دلعععععععععععععع مو طبيعي و ببس يقولوا ( اه ) على طوووول تجري
و تعمل لهم اللي يبغوه و دحين ولدها الكبير صار يرد عليها و تسكت له

.
.

هذا اللي مزعلني في ولدي .. مو عارف قيمة اللي أعمله عشانه
و قلت استفيد منكم .. و أخاف عليه من نفسي ، إني أبدأ أقسى عليه و أتغير معاه من غير ما أحس

كل شئئئئئئئ تتخيليه ، عملت له و إذا من دحين بدأ يعاند ، كيف إذا كبر شوي
سجلته في حضانة و أبوه كان رافض ، و بأدفع له مبالغ عشان بس يستفيد و يتعلم و تتطور مواهبه
و أسجله في أنشطة كل شوي عشان يعتمد على نفسه من صغره ..
جهزت له غرفته من كل شئ و أبوه يقول لي ( ما كان لازم ) ..

أفضي حالي مرات عشانه و أحضنه و أكلمه و أجلسه على حضني ..
و وحدة من أخوات زوجي تقول ( عمري ما حضنت بنتي و لا بستها ) ..

لاحول ولاقوة الا بالله في أمهات كذا وكمان بنت عزائي لأولادها الله معهم

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

لو كانت أول مرة يسوي فيها جذي باكلمه واشرح له انه اللي سواه غلط .. وانه ولد نظيف وشاطر والمفروض الكتابة تكون على الورقة بس .. واذا كانت المرة الثانية باذكره باللي قلته قبل واحرمه من الورقة والقلم لفترة (نص يوم مثلاً أو حتى لليوم التالي) .. ولو بكى واستعطفني باطنشه واقول له: انا قلت لك الكتابة على الورقة بس وانت ما سمعت الكلام عشان جذي ما في قلم وورقة اليوم .. وطبعا ما بارجع اعطيه الورقة والقلم في اليوم التالي إلا اذا هو طلبهم بنفسه .. يعني ما اتبرع من نفسي ووقتها باذكره انه يكتب على الورقة بس.

أما إذا كرر الغلطة أكثر من مرة فاضربه على يده أو على مؤخرته ضربة محترمة .. وباحرمه من الورقة والقلم فترة أطول .. وطبعاً باقول له أنا ليش ضربته وليش حرمته من الورقة والقلم.

__________________


اللهم طِيبَ الأثر .. وحُسْنَ الرحيل.

اسرة ..

معلومة مرررررة مفيدة و أول مرة أعرفها ، كنت أحسب نفسي إذا أطلت فترة العقاب ، فراح
يصير شخص حقود و ما ينسى الإساءة و يشيل في قلبه ..

و باالنسبة لعدم الحديث ، فصح كلامك .. أول مرة أتأثر و بعد كذا ما صار يهتم

...........................................

المسداني ..

المشكلة كمان إنه ولدي ما عنده أخوان و لا أخوات .. فما أحب أزعله و يجلس لوحده يبكي و ماحد
يطبطب عليه .. عكس بزورة أختي ، ما شاء الله يوم تخاصم واحد منهم ، ألاقيه يجلس يفضفض لأخوه

و كمان زوجي إذا شافني زعلت ولدي ، يقوم هو كمان يخاصمه .. فنصير 2 ضد 1 ..
عشان كذا ما كنت أحاول أشد مع ولدي ، أقول كفاية أبوه ..

و أبدا و نادرا ما أضربه ، و دايما عقابي له بالشئ اللي يناسب الغلط ..
عشان كذا حسيت في الأخير إنه طريقتي مامنها فايدة و لا صار يسمع كلامي

بس استفدت من جد من نصايحكم و بأطبقها ..

و أنا مثلك ، ما أكلت أي ضرب من أمي و لا أبوي الله يرحمه ..
الضرب ياكلوه الكبار و نحن اللي نتعلم من أغلاطهم ..

و معاك حق ، الإنتقاد هو اللي يأثر .. و هذه النقطة اللي لخبطت بينها و بين تأثير الضرب ..
لإنه أمي مثل أمك ، تنتقد و ما تمدح .. عكس أبوي الله يرحمه كان دايم يرفع من معنوياتي ^_^

و ولدي دايم أتقصد أمدحه قدام الناس و أخليه يسمعني ،.
و الطريقة نفسها استخدمها مع أي طفل ، و أمدح فيهم دايما ..
و يعجبوني الأطفال يوم تمدحيهم و يبدأوا يخجلوا و يطيروا من الفرح و يعملوا حركات بطولية

...............................................

مهره ..

ولدي مثل ولدك ، حنون مرة علي وحساااااااااااس .. عشان كذا أخاف أضربه و يتأثر ..

تعلمتها منكم ..

................................................

المسداني ..

مثلك ،، أحس نفس الشئ مع ولدي و أبغاه يتذكر طفولة حلوة يوم يكبر ..
و يعاملني مثل ما كنت أعامله بحنان ..

بس أحس من كثر ما أعطيت لولدي كل الحب و الحنان ، إني راح أقصر مع الطفل اللي جاي في
الطريق .. من جد ، ما أحمل له أي مشاعر و أخاف لا شعوريا أفرق ما بينهم ..؟؟؟
: (

الضرب اسلوب غير صحيح للتربية..طبعا اقصد الضرب المؤلم
وحتى الكف الخفيف..له مضار كبيرة في شخصية الطفل قد تظهر في المستقبل
اذا تبين ولدج ينشأ تنشئة سليمة ومهذبة..الجإي لطريقة التربية النبوية
وعلمي الطفل بالتدريج..اذا مثلا ما سمع الكلام لاتعاقبينه على طول
اسإليه ليش سوى جذي..وقولي له هذي المرة بأعطيك فرصة..بس اذا كررتها راح اعاقبك

في عدة انواع للعقاب..تحرمينه من شي يحبه..مثل مايشوف كرتون او ما يلعب جيم مدة معينة تحددينها
الله يصلحه ويرزقكم بره

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين