من ناحية أن زوجتك تذهب مع زوجة أخيها للمساعدة فلا بأس ويُفضل أن توافق .
ولكن الأهم في الموضوع هو إسلوب الطلب
أخوها طلب من زوجته أن تتصل بزوجتك وتقول :
خلي زوجتي تقول لي كذا وكذا ......
وكأنه إسلوب أمر وليس طلب , وإذا كنت سترفض
فمن حقك الرفض بسبب الإسلوب .

أنتم لستم عائلة غريبة وتفكيركم ليس متحجر , ولا تهتم لهذا الكلام
فهناك نساء يرددن مثله على مسامع أزواجهن , وعائلتنا كذا وكذا ....
من أجل الإستجابة لطلباتهن .

فعلاً الأسلوب كأنه أمر !
طبعاً التصرف رآجع لك بالموآفقه أو الرفضَ ..

بس إللي كيذآ قآعد يدور برآسيَ
ليه طلب أخوهآ من زوجته تقول لزوجتكَ ؟
زوجته مآ عندهآ خوآت !!

وش ه الترتيبآت إللي تصير بين الرجآل وحرمته ومآهيب مفآجئه
طيب هو يسآعدهآ لأن الوضع أيزي وكيذآ

وفعلاً لو كآن علآقتكمِ مثل مآ قلت أخوهآ أكيد بيستحي ع وجهه
مستحيل يطلب أخته !

أحس في السآلفه " أنّ"

اقولك رأيي وبصراحه الموضوع ما اقنعني
ومن اول ما قريته حسيت انها تألف عليك يعني السالفه كلها مو صحيحه
وزاد تاكيدي لما قلت ان اخوها عمره فوق الــ 50
يعني شايب كبييييير وفاهم
مو صغير عشان يرسل اصغر خواته ترتب له ليله بالفندق مع زوجته!!!!!!!!!!
ولو تكلمنا بواااقعيه شوي مو معقول ان اخوها
هو الي يطلب منها طلب فيه خصوصيه كبيره زي هذا!!
وزوجته بتكون واعيه وفاهمه وماراح تدخل اخت زوجها بمناسبه خاااصه جداً بها هي و زوجها
ولو افترضنا انها محتاجه مساعده اكيد بتطلبها من خواتها او وحده من اهلها
وبتبعد كل البعد عن خوات زوجها
عشان ما تصير حديث الساعه والكل يعرف تفاصيل ليلتها مع اخوهم!!!!!!
يعني السالفه كلها مو معقوله وما تدخل العقل
فيه احتمال واحد طرحه احد الاعضاء وحسيت انه معقول
وممكن يكون سبب السالفه كلها
وهو ان زوجتك بتفاجئك بليله وبتسوي كل الترتيبات بسريه
قامت اخترعت الموضوع هذا كله
وجابت سيرة اخوها وقالت ان هو الي طلب عشان توافق لها
هذا مجرد احتمال
وانت الي تقدر تتأكد من صحته حسب علاقتكم ببعض

واعذرني على صراحتي لكن حبيت افيدك برأيي

والله من حقك ترفض اذا هم مايقومون بالواجب
وانا اكره ماعندي اللي يشوف نفسه وزياده على كذا يتامر

انت خلك على موقفك وبعدين ابي افهم وش بتسوي هي بالفندق
اللي اعرفه ان الوحده تاخذ اختها موب اخت زوجها
وسالفتك هذي ذكرتني بموقف

كنت مسافره لجده وكان جمبي حرمه جالسه بصاله الانتضار من الرياض لجده
فجاه لقيت الحرمه منزله راسها بين الكراسي ومادريت الا بحرمه
ثانيه جت تصير صديقت اللي جمبي وجلست قالت خلاص ارفعي راسك راح زوجي
ردت الاولى قالت خفت يشوفني ويعلم زوجي

تخيل وين وصلت وقحاه بعض الحريم بتسافر لوحدها وزوجها مايدري


اناماقلت القصه عشان اشكك لا وربي
بس الحريم كيدهن عضيم
واذا زوجتك اصرررت خل امها تستاذن منك

لاحد يجي يتفلسف فوق راسي
ترا هو قد قال عنها عوووووووبا

__________________
ياقبر وش ضميت من ذيك الاجســاد
الله ياضمـٓـه أبوي الحنونه

انا احس عيب يدق عشان سوالف حريم (خلي زوجتك تروح تعاون زوجتي)ابددد ماتصلح-وانت مكبر السااالفه مررره دايم تصير اني اقول لزوجي اختي تبيني اروح معها للسوق او ازور وحده معاها اواو -الوضع جداً طبيعي والخق معاها-

تركتوا الموضوع وعاتبتوه لإنه طلب رأي رجل ؟؟
مع إنه الموضوع ماخش مخي بس الواحد يحسن الظن ورح نقول المفروض يستأذن أخاها منك
وإنت تسمح أو ماتسمح لها شي راجع لك

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

اولاً اقدم اعتذاري لعدم سردي التفاصيل بعد تلك الحادثة لكن على مااعتقد والله العالم اني في احد الردود شرحت ان الوضع صار تمام بعد تلك الحادثة واعتذاري مقدم لكم جميعاً وخصوصاً اخوي البليغ


ثانياً بالنسبة

هل يوجد مواقف او لا بيني وبين اخوانها لا اعتقد ذلك لاني ماشوف شي بس الي استغربه تصير عندهم مناسبات ولا احد يعزمني كم مره اجي واحصل مناسبات وناس متجمعة ولا فيه اي دعوه لي وغير كذا احس انهم يتجنبون يعزموني مادري ليه هل فيه خصوصيه او فيه شي ثاني مادري وش السبب بس الي اشوفه ان العزايم تتم لزوجتي وانا لا حسيت نفسي سواق لها فقط اوديها للعزايم الي في بيتهم وامشي والشي هذا على مدى سنتين مافيهم احد رفع السماعة قال تعال ولا سير علينا

انا ولدي الاسبوع الماضي كان منوم في المستشفى ولا فيهم احد رفع السماعة كل جماعتي واصدقائي كل شوي يتصلون يتطمنون عليه وهم ولا فيهم احد رفع السماعة ولا اشوف فيه اي موقف بس مادري ليه هالتصرف

حتى العزا اخوها وامها عندهم خبر ولا حتى احد رفع السماعة علي موقفي قدام ابوي بصراحه تفشلت تفشلت تفشلت سئلني انسابك ماعزوك قلت لا قال حتى انا ماتصلو علي وسكت وعرفت انه ماهو عاجبه وضعهم لانه يشوف الفرق بينهم وبين انساب اخوي الي لو واحد طاح جو يتراكضون يسلمون ويعزمون بعد بس الناس هاذي مادري وش قصتهم هم انطوائيين ولا منعزلين ولا وش قصتهم لو انهم صغار كان بقول صغار بس كلهم كبار اصغر واحد عمره 26 واكبر واحد متعدي الخمسين

بالنسبة للموضوع الي طرحته اخوها اصلاً وهو عمره 50 سنة اقولها قدامكم مايستحي شلون يخلي اخته ترتب هي وزوجته الغرفة عشان يعيش ليلة رومانسية بصراحه قلة ادب ولا فيها حيا ابد

ورغم كل هذا اختذتها وقلت يالله امشي بوديك لها عشان تقهوينها ورحت وشرينا حلا لها وعطيتها 500 ريال قلت عطيها اياها حقت المولوده الجديدة وكنت ناوي ماتروح

بس رضخ واتصل يستأذن وقلت خذها بس ابي ابين له انه ماهو على كيفك كل ماطقت في راسك ترتب انت وزوجتك وتتفق معها ومع اختك وانا مهمش قدامكم

بصراحه عائلة مادري وش تربيتهم مايتصلون الا على اختهم ويعزمونها ومادري ايش كأني سواق لهم بصراحه في البداية كنت معطيهم اكبر من حجمهم بس الحين بحط حد لتعاملهم هذا

الى الان واحد من اخوانها ادق عليه ابي منه شغله مايرد علي ويدق على اخته ويشوف اتصالاتي ومسجاتي له كأني اطلبه من حلاله شي مادري ليه خايفين مايتصلون

وانتظر ارائكم بعد الي صار هذا كله وكيفية التعامل معهم

أبو خمسين ومعيش مرته صـــح .. ماشاء الله تبارك الله .. دله ع المنتدى يعطيكم دروس =)



أحس الوضع عادي وهم كذا طبعهم يعني مو سهل تغيرهم أنت .. لو أنك أخوهم ممكن نقول تقدر تغيرهم بس مالك حل إلا تتعامل معهم بأسلوبك وتتواصل معهم وخلك راضي عن نفسسك لكن لاتجبرهم يرضونك ..