أخوي الحب المستشار ..

قمت بتحميل الكتاب من النت الآن ،، و هي 10 ملفات وورد ..
لكن شكلها مرة كبيرة و فوق الخمسمية صفحة .. اطلعت على بعض الأجزاء بشكل سريع ،،
و أعتقد إني راح أكمل قرائته ..

و لو قدرت أروح المكتبة و اشتريه يكون أفضل ..
لإني أحس تأثير قراءة الكتب من الكتاب نفسه ، أفضل من النسخ الإلكترونية ..

جزاك الله خير ..

امنياتي لك بلحظات ممتعة مع ال(المدارج) ..

الكتاب أفضل من النت ، له مذاق آخر. و أكثر التصاقا بالذهن من شاشة الحاسوب.

أحببتُ أن أذكرك ب ما رواه أبو هُرَيْرَةَ ، أَنَّ رَجُلًا قَالَ : يَا رَسُولَ اللَّهِ ، إِنَّ لِي قَرَابَةً أَصِلُهُمْ وَيَقْطَعُونيَ ، وَأُحْسِنُ إِلَيْهِمْ وَيُسِيئُونَ إِلَيَّ ، وَأَحْلُمُ عَنْهُمْ وَيَجْهَلُونَ عَلَيَّ . قَالَ : " لَئِنْ كُنْتَ كَمَا تَقُولُ ، فَكَأَنَّمَا تُسِفُّهُمْ الْمَلَّ ، وَلَا يَزَالُ مَعَكَ مِنَ اللَّهِ ظَهِيرٌ عَلَيْهِمْ ، مَا دُمْتَ عَلَى ذَلِكَ " .

تُسِفُّهُمْ الْمَلَّ : كأنما تُلْقمهم الرمل الحار.

و معذورة انتِ في تضجرك من ظلم القرابات و قديما قال لمتنبي:


و ظلم ذوي القربى اشد مضاضةً....... على الحُرِّ من وقعِ الحُسام المهندِ

نسيتُ أن أذكِّرَكِ أن الكتاب من العيار الثقيل ..

لذا:

ابحثي في الفهرس عن : (الرضا) (الصبر) و ما شابه ، لاني اخاف أن تقع عينك على موضوع فلسفي فتنفر نفسك من الكتاب.

الكتاب في نظري من أروع ما كُتب في السلوك ، و في مراتب السالكين إلى الله.

لأنه كان ردا على كتاب صوفي في مدارج السالكين إلى الله.

فأتى فيه ابن القيم بالعجب الذي ولد العُجاب.

صدقيني لستِ وحدك من يشتكي من هذا الأمر.... الأغلب.
الواحد يحسن إلى القريب ، و لا يجد منه إلا شر المكافأة.. و لكن كل واحد يعمل بأخلاقه.

اخوي الحب المستشار

اعذروني راح اتعدى الردود شوي ..
لأني قرأت كتاباتك من مدونتك الخاصة

اخوي ممكن نصيحة ؟
انت ذكرت الحديث .. و أنا حاولت اواصلهم لكن غلطوا علي كثير ..

قابلتهم بالاحترام و الحب، لكن رموني بأقبح الكلمات و أسوأ الأخلاق
يحاسبوني عالنظرة، يحللوا نيتي من نفسهم ..

أنا سعيدة بابتعادي، لانه جلساتهم كلها هكذا.. انتقادات و تحليل تصرفات
الاخرين و الدخول بنياتهم ..

كيف اصل شخص يغلط علي و أنا ما غلطت عليه،،
يقولي قسم بالله لو أشوف رسالة و لا اتصال، بالجزمة أوريك ؟؟؟

السبب، انه احد كذب عليه و نقل له كلام أنا ماقلته ..

كم مرة قلت لهم، تسمعوا شي عني او احد يقول روح الطير قالت
تعالوا اسالوني .. و كم مرة اقولهم الآية انه ان جاءكم فاسق بنبأ فتبينوا ...

هما عارفين انه اللي تنقل الكلام، هذا هو غرضها .. شحن النفوس
و مع كذا يصدقوها..

لمتى اجلس اطبطب عليهم ؟ و اجلس اثبت لهم بالبراهين أني ما تكلمت عنهم
و بعدين يعرفوا غلطهم، و يكابروا و مايعتذروا

أنا رديت عليه باحترام عشان اكون أحسن منه و مايجي الغلط مني ..
( سكوتي احترام .. و ليس خوف )

.
.

برضو عندي كرامة و إحساس، و أنا بأنظلم منهم و عارفة نفسي مظلومة

قبل يومين ارتحت معكم

رجعت لي الحالة اليوم، حاسة قلبي مقبوض و رغبة بالبكاء ..
حتى مابغى رمضان ينتهي و مابغى يجي العيد

ماشتريت اي شي للعيد و لا جهزت شي،، و مالي نفس أقابل احد بالعيد
ماعرف السبب ؟؟؟
هل بسبب الاحداث و التغييرات هذه ؟ و لا بسبب حزني على امي ؟
و لا اكتئاب بدأ يصيبني ..؟؟؟؟

.
.

حتى مع وجود طفلين، حاسة ماني قادرة أخذ فترة استجمام لنفسي ..
و اول مرة أتحمل مسئولية البيت، مسئولية كاملة ..
و الشغالات جننوني و كل وحدة بمصيبة.. كتبت موضوعهم هناك

و ماقدر استقدم شغالة
و حتى سفر للخارج عشان سياحة و تغيير جو.. ماقدر
عشان زوجي عنده مخالفات ساهر و ما يجددوا له جواز سفره

.
.

ما احب اجلس اتشكى و اتظلم وووو الخ
بس احس بيجيني الضغط من كثر ما بأكتم، عشان كذا أنا اليوم سلبية جدااااااااااااا

بأشوف أحلام و تفسيرها إنه هناك ( أعداء ) يحاولوا التغلب علي ،، لكن ما يقدروا ..
و إنه هناك شخص ( نمام يسعى للتفرقة ) ،، بس برضو الحمد لله ما يقدر يقرب مني في نهاية الحلم ..
و شفت كمان مرة حلم و تفسيره إنه ربي راح يظهر ( العدل و الحق ) ..

بس ما عاد يهموني ..

لإنه حتى العدو بنعامله بإحترام ..
و حتى القتال لابد يكون ( بشرف ) ..

.
.

ويُروى أن لقمان قال لابنه : إذا أرَدْت أن تُؤاخِي رجلا فأغْضِبه ، فإن أنْصَفَك وإلا فاحْذَرْه .
فما بالكم بأشقاء ؟؟؟

.
.

بس شي ما عاد غريب أبدا ..

.
.

و الله ولدي أمس بالليل زعلان من أخوه النونو ،، يقول ( ماما أنا خلاص ما أحبه ) ..
سألته ليش ؟؟
قالي ( عشان بياخد لعبتي ) ..
قلت له ( حبيبي ، مو عشان لعبة ممكن تتكسر و ترميها .. ما تحب أخوك .. لازم تحبه و هو يحبك .. و هو صغير ما يفهم )
جلس يفكر مع نفسه ..

اليوم الصبح جا عندي و أعطى لعبته لأخوه و باسه و حضنه ،، قالي ( ماما أنا أحبه ) ..
قلت له ( هو كمان يحبك ،، شوف كيف صغير و يجننن ،، و أنا كمان أحبك و أحبه هو كمان ) ..

.
.

نسيت أقول ..

حتى ولدي ما تركوه بحاله .. بجد شر البلية ما يضحك ؟؟؟

صبا الخير يا حلوة
انا مو معك في انك ما تتجهزي للعيد زي الناس والاوادم
ليه يا روح ..!
تدرين .. ذكرتيني بأول عيد يمر علي بدون أولادي نمت نومة طويلة من كثر الصياح و الزعل
لكني ما استفدت شي
العيد فرحة من ربنا وتضيعيها عليكي و على اولادك و زوجك بالعكس اتونسي واحمدي الله على نعمة الصحة و
العافية روحي اشتري لهم واشتري لك فرحيهم و افرحي معاهم ماباقي على العيد الا شوي
تبغي تحسي بالعيد صح روحي صلي صلاة العيد في المسجد و شوفي كيف العالم هناك
البنات الصغار وفساتينهم و حلوياتهم و اشياء حلوة تعيشك الجو لا تفوتيها على أولادك
مهما كان الحزن و الهم بداخلك , تعالي عليه على الأقل في هاذي المناسبة اللي مفروض كل مسلم يفرح فيها
اساسا يا روح لما تروحي السوق تشوفي كيف البنات يتسوقو وراح تتحمسي والله
انسي الحين كل همومك ولا تفكري الا بالعيد اعطيه حقه و انبسطي فيه
تكفين روح .. وبعدها تعالي هنا واكتبي كيف نفسيتك
متأكده حتتغير وتحسين انك صفيتي شوية
الله يجعلك من كل هم فرج يارب يا قادر على كل شي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الفردوس غايتي ..

كيف أخرج للسوق، و معاي طفل صغير ؟
كيف أمشي معاه و أدف عربيته و اشتري ؟؟؟
حتى المسجد كيف أخده معاي وسط الزحمة ؟؟؟

مرتبطة بهم و ماقدر أخرج من البيت ..

.
.

أنا حأزور أقاربي مثل أعمامي و كذا ..
لكن ما راح أجتمع باللي غلطوا علي، و لحد دحين محترمتهم ..

و أمي توفت من قريب .. أحس مالي نفس ..

بس اتفقت مع زوجي ، احجز شاليه إن شاء الله .. بس يمكن ثالث يوم العيد ..

.
.

يمكن أنزل بس مرة وحدة للسوق ، اشتري طقم واحد للبزورة .. عندهم ملابس جديدة في الدولاب ..
و بأخذ هدية لزوجي و لنفسي بأخذ عطر و مكياج و جزمة الله يعزك ..

اللبس فيه عندي ، اشتريته من كم شهر و ما عمري لبسته ..

.
.

أغراض البيت حلويات و كذا بأتركها على زوجي ،.
عشان يتعود ، لإنه ما عمره جهز .. و إذا شافني مهتمة بيطنش ..

زي مثلا ثوب العيد لولدي، شافني ماني مهتمة لأول مرة ..
قام نزل بنفسه و راح اشتراه له أول مرة في حياته

روح الطير ,, ربي يفرج همك حبيبتي وان شاء الله اكيد يوجد فجر قريب بس انتي خلي ايمانك بربك قوي وان شاء الله ما راح يخذلك

وتذكري انه ( لا يضر السحاب نبح الكلاب )

موفقه

__________________




سبحان الله وبحمده ♥
سبحان الله العظيم ♡
♥♡♥♡♥

الغاليه روح الطير

انتي قويه ماشاء الله عليك وانا واثقه انها كلها فتره بسيييطه وان شاء الله بتروح حالة الضيق اللي انتي تعيشينها
كلما حسيتي بنفسك متضايقه ومكتومه ادخلي هنا وفضفضي عشان ترتاحين
لكن بنفس الوقت وأهم شي لا تنسين تفضفضين لربنا في صلاتك وسجودك ودعاءك
صدقيني انا مو وضح يسمح لي انصح غيري لكن هذا الشيء انا جربته
وارتحت كثييييييييييييييير .. بشرط اني ما اقوم من مكاني الا وانا طلعت كل اللي بقلبي

والله العظيم اني ما اجاملك ولا احاول اكذب عليك
لكن انتي تعطيني دافع اتطور واشجع نفسي .. وربي
تعجبني فيك قوتك وثباتك ومعرفتك للشي اللي تبينه وتسعين له
وتستمرين فيه برغم كل الصعوبات والظروف اللي تواجهك .. عزيمتك قويه
وشخصييييتك حلوه كثييييير ماشاء الله .. تعرفين اني اتمنى اصير مثلك بدون مبالغه
واعتبرك مثل (قدوه) بطريقة تعاملك مع الظروف وتغلبك عليها وبنفسك الحلوووه
تدرين .. من فتره كنت ابي افتح موضوع خاص معك .. كنت ابيك تساعديني اصير قوية (لاني قريت مشاركاتك)
مع نفسي ومع الناس .. كيف اتعامل .. وكيف اتغلب على تفكيري وسلبيتي .. لكني تراجعت لاني فتحت موضوع ثاني

انا والله ما اقول هالكلام عشان شيء .. لكن يشهد الله اني حبيتك من غير ما اشوفك
وهالمكان صار بيتي .. ارتاح فيه اكثر من أي مكان ثااااني .. تعلمت منك ومن كثير ناس من غير مايدرون اشياء كثيره
غيرت فيني اشياء كثيره
وبكون سعيده لو شفتك مرتاحه ومبسوطه ومحققه كل اللي تطمحين له

بعترف لك بشيء
تدرين انا تعلمت بعض الاشياء منك ومن ردودك
لدرجة مرة مر علي موقف مشابه لاحد المواقف اللي مريتي فيها
وجلست افكر .. وعلى طول تذكرتك .. وقلت روح لما صار لها مثل هالموقف سوت كذا
وسويت مثلك (اقصد بطريقة التعامل) وارتحت
ودعييييييت لك من كل قلبي ولا زلت ادعي لك كلما حسيت اني ابي اصير قوية

طولت عليك صح
اللي حابه اوصله لك .. انك انسانه جميله وشخصيتك اجمل ماشاء الله تبااااارك الله
وانتي اقوى من كل شيء .. وبتتغلبين على كل الظروف بإذن الله
وانا واثقه كل الثقه بالله انك راح تتعدين هالازمه وتطلعين منها اقوى من قبل
لانك تستاهلييين كل خير والله
ويمكن كلامي يساعدك والاغلب لا .. بس هذا الشي واقع
وصدقيني .. الفجر أقرب مما تتوقعين .. بس خلي املك بالله كبييير

الله يوفقك ويسعدك ويريح باااالك ويبعد عنك كل امر يضايقك

__________________
اللهم اكفني بحلالك عن حرامك واغنني بفضلك عمن سواك
اللهم استرني فوق الأرض وتحت الأرض ويوم العرض عليك يا أرحم الراحمين