لو تم الموضوع بإذن الله

برضو ما انسى معروف زوجي انه جلس يبحث لي اكثر من شهرين
و كم مرة يروح و يشوف العقارات و يضورها بالفيديو و يوريها لي ..
* يصورها

و هذه نزل في سعرها قد ما يقدر
و عشانه شاطر بالكلام .. قدر ينزلها

اخواني ماعندهم اسلوب زي كذا ..

.
.

اخوي بيروح يشوفها اليوم و يقرا العقد

طبعا زوجي راح يعتبرها عدم ثقة مني ووو الخ
و لازم اتفنن في كل الكامات الحلوة عشان ما احسسه بالشي هذا
* الكلمات

الله يعينني

لا تدارينه يا روح بزيادة في نقطة عدم ثقتك فيه , وبنفس الوقت لا تعطينها اياه صراحة
أعتقد أن الأصلح له أنه يعرف آثار أخطاءه ويحس فيها...
تصرفي بشكل عادي وأكثر من عادي ..
هذا حقك والدين قال المؤمن كيس فطن ..
.
.
.

موضوع أخوك
مافهمت حقيقة ليش بالبداية هو يشتري البيت وبعدين انت تشترينه منه..
ليش ما تشترينه من البداية انت عن طريق البنك ولكن بمساعدة أخوك ..

__________________
الحمدلله الذي بنعمته تتم الصالحات

لينة العريكة

لا متطمنة من الناحية هذه .. اخواني ماعندهم الاسلوب هذا ..


بس عندهم موضوع الثقة الزايدة بالنفس ..
يعني خلاص انا فاهم كل شي ..

اخوي ما راح يتعب حاله معايا عشان محكمة و بنك و متاابعاات ووو الخ

اخوي مو واثق في المكتب.. فيبغى يشتري عشان اضمن الطرف التاني
و اكون عارفة الطرف التاني مين هو ؟؟؟

مو مجرد معتمدة على كلام زوجي و ماشية مغمضة

اخوي امين الثاني

التوكيل .. زوجي يقصد النوع التاني و اللي انت قلته ..
بس الخوف من العربون ..

مثلا اخوي كلمني و قال ..
فرضا اخد العربون و كتب بالعقد نفس مواصفات البيت الي شفتيه ..

بس رحتي المحكمة وقت دفع المبلغ كامل .. و اعطاك صاحب المكتب
بيت شعبي .. مو نفس الي شفتيه ؟ بس نفس المواصفات و نفس الموقع ..

قال الموضوع فيه نصب بأي شكل من الاشكال ..

و اخوي التاني قال نفس الشي .. فيه نصب ..
ليش 40 الف و ينزل في حسابه او ياخد كاش وووو الخ

.
.

سيدة الموقف ..

ايوة راعيت الامور هذه و الحمد لله .. و حاسبة حسابها من قبل ..
و حتى حاسبة حساب الابتعاث .. يعني لو سافرت ان شاءالله ..
الراتب اللي ينزل لي هنا .. هو نفس المبلغ الي يسحبه البنك كل شهر ..

.
.

و اهلي ماشاءالله من ابويا الله يرحمه لاهل امي ..
تعاملنا كله بالثقة و الامانة ..

ما عرفت النصب و الخيانة و الطمع الا في بيت اهل زوجي ..

حتى واحد من اقاربي تاجر ..

مشهور بلقب ( تاجر ثقة )

تعطيه الفلوس و انت متطمنة انه يرجعه لك بالهللة ..

.
.

اخواني ما راح يعملوا الحركة هذه .. و اصلا اخوي محتاج للمبلغ انه يرجع له ..
لانه كان شايلها عشان شغلة معينة ..

.
.

و زي ما قال البليغ الله يحفظه ..
هذه امور مرهقة للنساء .. و صعب احرج زوجي كمان مع صاحب مكتب العقار ..
لانهم بيتعاملوا مع بعض .. و زوجي مو حاب يخسر العميل هذا

طبعا اخوي لما قلتله كذا .. و بحسن نية
انقهر و قال ما يكسب عميل على حسابك انت .. و يجامل واحد و انت تاكليها على دماغك

اخوي بيروح اليوم و يشوف العقار بنفسه ..
و لو كل شي تمام و تاكد من العقد

يقابله بكرة في المحكمة و ينهي الاجراءات ان شاءالله

.
.

خايفة من شي واحد ..
انه اخوي يفشلنا و زوجي يخسر العميل

لانه اهوي التاني عصبي و ماعنده شي اسمه مجاملة .. و عملي جدا ..
و دقيق في كل شي

زوجي امس قال انه ما راح يستفيد و لا ريال واحد ..

و لنه المكتب تبع العقار .. حياخدوا قيمى الدلالة 13 الف و شريك زوجي بياخد الربع ..
لانه زوجي و صاحبه هما الي بحثوا لي في مكاتب العقار ..

اخويا راح قابل صاحب المكتب .. و طلع هو المالك نفسه ..
ساله اخويا ليش طيب بتاخد قيمة الدلالة ؟

قال انا ما راح اخد شي من فلوس الدلالة .
المكتب تبع زوجي و شريكه هما الي حياخدوا فلوس الدلالة كاملة ..

اخويا قال .. زوجك ما يخجل ؟
مو كفاية بيسكن في بيت ببلاش ؟ كمان يستفيد نتك ؟

بس قام توقف و سكت .. عشان ما يبغى يعمل لي مشاكل مع زوجي
يعني زوجي راح يكسب اقل شي 6 الاف ..

قلت لاخويا خلاص نصيبه من شغله ..
قال لي هبلة انت ؟ مو كفاية الياخده منك و استفاده منك و كمان بيت ملك ..

المهم قال حياتك و مالي دخل ..
بس هذه هي الحكاية

انا فاهمة زوجي .. ما يبغى يقول لي الحقيقة ..
عشان لا ينزل من نظري و نفس الوقت .. يبغى يكسب عشان لحد دحين ما جا لهم اي مكسب من يوم فتحوا المكتب من شهرين
و ما يبغى يمد يده ليا و للناس و لاهله و يطلب كل مرة عشرة .. عشرين .. مية ..

الشي هذا ما راح يفهموه اخواني ..
بس الي عاش الفقر اكيد يعرف ..

و زوجي و اهله ما عندهم شي يملكوه غير بيتهم الشعبي ..
و ابو زوجي بخيل .. و زوجي عاش في بيت بخل

.
.

المهم ..

ما باقولها من ناحية عاطفية ..
من ناحية عقلية ..

.
.

ما اعرف .. اقول له و لا اطنش ؟

:*

راح أقولها بإختصار شديد
زوجك "يخوف "

كوني حذرة


:*

__________________

مع انه ما يفرق معايا لو قلت له و لا لا ..
عادي كنت متوقعة ..

.
.

و اصلا صاحب البيت نزل من سعر البيت 50 الف عشان زوجي

و قال لاخويا .. عشان فلان .. انا نزلته لكم ..
قلت لكم زوجي شاااااطر بالكلام ..

اخواني يفكروا فيا و ماهم مستفيدين شي ..
صادقة امي لما تزوجت قالتلي اخوانك هما ظهرك .. زوجك ولد الناس في الاخير
كنت اقولها يا ماما زوجي الي يدخلني الجنة .. اخويا يتزوج و ينساني

و قسم الاستشارات الخاصة وقتها .. قالولي امك مريضة نفسيا ..

.
.

بس طلع كلام امي صح ..

.
.

اخويا راح يبيع العقار للبنك بزيادة تقريبا 150 او 200 الف ..
و انا اسدد للبنك ..

و يعطوني الزيادة يا اشتري بها ارض .. او أأثث الشقة ..
هذه فكرة اخواني ..

الله يجزاهم خير