هلا وغلا صباح الخير حبيبتي شلونك اليوم
عسى قدرتي تنامي

وين انتي الحين لسه في المستشفى ولا ارخصوك

شوفي حبيبتي
حالة عن حالة تفرق
انا ولدت في بداية السابع لان صار في خطورة على حياة بناتي ولو متاخر يوم كان الله العالم
عشان هالشكل اضطروا ان يعملوا لي عملية في بداية السابع
والحمدلله والشكر له على كل حال

حبيبتي
الاعمار بيد الله - فتوكلي على الله وادعي الله يحفظهم لك
ولا تسوي كذا بحالك
انسي فكرة الموت اطرديها من راسك ترا تعبي نفس كبهذا الكلام


وعلى فكرة في ناس تحب تولد في السابع ولا ان تولد في الثامن
ما ادري ليه بس يعتقدوا ان في الثامن خطورة اكثر من السابع
مع اني مو مقتنعه بس شوفي الفرق يعني



كل ما تجي براسك الافكار سواء خوفا على عيالك او بسبب زوجك ومشاكلك معاه
تعوذي وسمي واقراي ايات حاولي تسمعي قران كثير يريح الاعصاب بهذي الفترة

ركزي على سلامة عيالك من خلال نفسيتك
تذكري كل ما تعبتي حالك بالتفكير تضري نفسك لا قدر الله
*******

كل شي يتاجل
التفكير ما را حيحل لك مشكلة لا راح يعقد عليك حالتك
اجلي التفكير وما تدري عسى يوم تولدي تنحل كل مشاكلك

اهتمي بصحتك صحتك وبس
ربي يسر لك ويجبر بخاطرك يا الغالية

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

صحيح
ان الله قدر لك الولادة

لا تنسي تدعين ان الله يصلح لك حالك مع زوجك ويسخره لك ولعيالك بما يرض الله تعالى

ادعي ترا هذي فترة الملائكة تكون قريبة منك وابواب السماء مفتوحة للدعاء

وان ذكرتيني بدعوة اكون لك من الشاكرين

ربي يسر لك ويرزقك ساعة سهلة يارب

صباح الخير يا غناتي
ادعي لك وادعي لكل من كلمني كلمه بدون لا يدري عني
وعد مني ادعي لكم كلكم عشان تصل الدعوة
ابشري ولايهمك
ربي يحفظ لك بناتك والحمدلله انك شفتيهم سالمين
انا باقيه بالمستشفى مدري متى يفكوني الا اذا تاكدوا مافي طلقات
امس خلصت ثاني ابرة حقت الرئة
والحين اخذ ابرة تقولي حقت طبيب بيطري هههه ياكبرها تمنع الطلق
اذا استقر وضعي من هنا لبكره ان شاء الله بعد السونار ممكن اطلع
اذا الطلقات مستمرة راح يحجزوني مافي شي ذابحني يادندورمه غير الجوع الاكل بدون ملح بدون بهرات يالله
بعد وحدة بالليل احس ودي اطلع ادور لي كبسه حاشي هههه
من كثر الجوع اكل اي شي بالليل
يعطيك اللف عافيه ماتقصرين والله ريحني كلامك الله يوفقك وين ماقبلتي وجهك ويسهل امرك
باوفيكم بالاخبار اول باول

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

السلام عليكم ورحمه الله وبركاته
كيف حالك اليوم حبيبتي لموسة طمنيني عنك
عسى نتيجة فحوصاتك مطمئنة ان شاء الله



الله يجزاك كل خيرح بيبتي على دعواتك
عسى ربي يجزاك عن كل حرف باضعاف مضاعفة

طمينني عسى فحوصاتك اليوم احسن

حبيبتي
تفائلي
النفسية اهم شي حبيبي قللي توترك
واضحكي وتوكلي على الله
لاتخافي ياحلوة

اتنين من صحباتي ولدو باخر السادس
وماشالله اولادهم باتم الصحة ومن اذكى
الاطفال ماشالله تبارك الله
ارقيهم يوميا وادعيه سبحانه ونحن معاك
بندعي لك بتمام الحمل باذن الله
وتشوفيهم بحضنك بصحة وعافيه ياارب

__________________
سبحانك لا اله الا انت اني كنت من الظالمين

مساء الخيرر لموس كيف حالك ام كرش

حركات منسدحه زي الاميرة و يخدمونك من الوريد الى الوريد

تدرين عاد يوم قريت موضوعك على بالي السادس طلعتي بالسابع ماشاءالله

بالله من ايش خايفه من حتتة وﻻدة

طيب انا ولدت بنتي في الشهر الخامس و شوفيها زي الحصان ماشاءالله

ﻻ تهتمين من الناحية هاذي لأن الطب تقدم كثير و صاروا يلحقون على الأجنة الخدج بفضل الله

بس اهم شي نفسيتك يابنت الحﻻل ﻻزم تقرين قرآن تهدين بالك

وصي احد يجيب لك كم كتاب مريح تقرينها وانتي على السرير مافيه زي القراءة تهدي الأعصاب

و قراءة القرآن الكريم قبلها كلها

حطي في بالك انك في مرحلة جميلة من حياتك ما حتتكرر الا بعد كم سنة ان شاءالله

و استغلي جمالها في الإستمتاع بها و دللي نفسك قددد ما تقدرين

بتقولين كيف اقولك رقدة المستشفى أكبر فرصة

اقل شي انك تختلين بنفسك و تكثرين من الأدعية والأذكار براااحه

ﻻ تفكرين أفكار مو زينة هدي نفسك قد ما يطلع معك عشان القمورين يطلعون هاديين المزاج

فكري في اللي محتاجين دعوات و اكتبي اسمائهم و ادعيلهم واحد واحد

مرة من المرات صديقتي كانت بالثامن حجزوها المستشفى عشان المشيمة نازلة

زرتها و اعطيتها كتاب تقراه كانت نفسيتها محبطة و بس تصيح لان ظروفها مثلك ما حملت الا بعد سنين

لما ولدت جيتها صارت تدعيلي تقول شكرا على الكتاب اللي عطيتيني

صرت اقراه و انشغلت فيه عن البكاء و التفكير و الحمدلله عدى الشهر الثامن و ولدت طبيعي

يعني الزبدة وصي لك اليوم على كم كتاب تقرينهم و استرخيييي


و ﻻ تنسيني من دعواتك تكفين قولي يالله انك تبلغها اللي تبي : (



الله يفرج همك يا حبيبتي و يجعلك ساعه طيبة

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الله يرزقك الصحة ويرزق اولادك الصحة والسلامة انا اختى انجبت بالثامن ببدايته ونجى بفضل من ربي لان كان بحالة جد حرجة لان. وضل بالحضانة مدة شهرين. والان ما شاء الله عليه في الرابعة من عمره. لا تخافي السابع كثير انجبو فيه واولادهم معهم ربي ما بينساك وبيضل معك دايما ادعيه وبيجيبك
الله يفرحك باطفالك ويرزقك برهم

__________________
انا مغربية وافتخر وكلي فخر اني مغربية.
اللهم ارحم ابي رحمة واسعة. واشفي امي وارزقني زوجا صالحا با رحمان يا كريم

ام سما
ام خالد
روز
مشكوين ياحبايبي ع مسنتدكم لي الله لا يحرمكم الاجر
ع فكرة ام خالد وانتي تقولين ادعيلي دعيت لك ورددت نفس ااجمله الله يرزقك لي تببن
تبون ادعوا لكم تعالوا كل يوم لا تفكوني لين اولد بالسلامه هههه
جدا ارتاح لكلامكم والحمد لله اليوم شالو ابرة تخفيف الطلق وقالو بكره بنشوف وضعك
وبعد المويا لي طلعت مني مو حق كيس الجنين الحمدلله
باقي فحص بيطلع بكره ان شاء الله هل في انفكشن بالرحم ولا لا
وبعد عندي سونار
اذا كملت هالشهر بسلام حتى لو اولد باخر السابع يعتبر ممتاز بس الحين بدري

ابي اسالك ام خالد كيف بنتك انولدت بالخامس وعاشت الله يحفظها ايش كانت ظروفك لو ماعليك كلافه
من باب الفائدة

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اهلين ياقمر ..

صار عندي نزيف للمشيمة و كان النزيف داخلي مما سبب لي اغماء واخذوني على الطواريء

بعد الكشف و السونار تبين ان كيس المشيمة بح اضطروا يعملوا لي قيصرية و طلعوا البنت حطوها في الحضانة

صح كان وضعها صعب شوي و ما كان احد متوقع لها حياة حتى الدكتور لما كنت اكلمه كان يحاول يواسيني انوا الاجر من ربنا

لأن على كﻻمه هاذي اول حالة تجيهم لكن سبحان من يحيي العظام و هي رميم

فضلت أربع شهور في الحضانة و في السنتين الأولى مراجعات مستمرة الين الحمد لله انتهت من مشاكلها الصحية

و الحين حاطة عيني على ولد اخوي مدري كيف اجيبه بس

بضمن مستقبلها قبل الولد الولد خلاص حجزنا عند اهل النمسا جماعة طيبين و حلوين و طعمين

كيف السالفه حلوة ..

جا دورك يلاا

ما قلتي لي وش قريتي كتاب ...

سويتي لك ورد وﻻ باقي

عطينا هروجك دامك متسدحه و فاضيه

__________________

‏
الوعي هو الملاذ ..

أستغفر الله العظيم ؛
( الفردوس غايتي )

أم خالد

ربي يحمي لك خالد واخته
ما شاء الله

والله سوالفك حلوة ههههههههههههه
ضحكت ضحك ربي يسعدك

الا على طاري الحجز دامك حجزتي للولد وبقت البنت

سهلة هذي مثل ما قدرتي تحجزي للولد عروسة من اخر البلاد

ولد اخوك مو قادرة تحجزيه وهو عندك
لاه خاب ظني فيك
يا الله احجزيه بسرعة قبل ما انا اسعى واحجزه لبناتي
على علمك عندي عروستين ربي يحميهم لي ويقر عيني فيهم
ولازم اطمن عليهم