صح كلامك ،
لكن هي من النوع اللي ما تنحرج ،
مهما اقولها ، عادي عندها ،
مره قلتلها اطلعي من الغرفة لاني نايمه ، قالت لا ، بعسكر عندج اليوم ، اقولها : قلتلج اني ابنام ، اطلعي ! تقول : عادي انا ما استحي و وجهي لوح


! ('=

ردة فعلكم تحدد تصرفاتها , كوني أقوى بدون إساءة ..

الوالدة لازم تقنعينها إنك وإختك مو ملزومين تقابلونها طول ما هي موجودة , وكذلك موضوع الخطبة ..

شخصيتها مزعجة صح بس احمدوا ربكم مو شريرة , والناس المزعجين التعامل معهم يحتاج إلى حزم وقوة ..

__________________
{ اللهم صلي وسلم على محمد وآله وصحبه تسليما كثيرا }

أكيد طبعا الحمدلله ، و الحمدلله ايضا ان علاقتها باخوي جيده جدا و اخوي مرتاح معها ،
لكن تعبنا ، ملينا منها و من اسلوبها المزعج المُمل

على فكرة بنوضح لكم نقطه مهمه :
ترانا صرنا ما نتقبلها مثل قبل ،
يعني اذا جت ، نفسيا انا و اختي ما نتقبل نسولف و نضحك ،
و نفسيا صرنا ما نتقبل ولدها رغم ان ماله ذنب لكن بسبب انها تجبرنا نقعد معهم ،
مره ابوي شافها في البيت ، قالها تصدقين انا اشوفك اكثر مما اشوف بناتي !
و البارح كنا مشغولين امي مو موجوده و انا واختي عندنا امور نخلصها ،
اكتشفنا انها جت قعدت بالبيت من العصر للساعه 10 ونص لحالها ،
ما يهمها في احد ولا مافي ،
تبي تغير ديكور البيت و تبي تكسّر الجدار و تسوي درج ،
و اكتشفنا انها راحت سطح بيتنا ، امي سألتها ليش رحتي السطح !!
قالت ابي اسوي فوق غرفة زجاجيه لاستجمامي ('=

.
.

مادري اذا صح ولا لا لكن بناخذ رايكم
ان مثلا اذا دخلت غرفتي وانا نايمه ، اطلع اروح انام غرفة اختي
اذا جت البيت و نحن بنطلع و تركت ولدها عندنا ، نخلي الولد عند الخدامه او اي حد غيرنا بالبيت
و اذا غيرت شي في غرفتي او تطفلت او غيرت اماكن اغراضي ، اجبرها تردهم مكانهم و اسحب عنها دفاتري و اللاب توب او اي شي يخصني ماسكته ..

رغم ان هالاشياء يمكن نفشل عشان نسويهم ، ما تعودنا على هالاسلوب مع احد ، ما بالكم زوجة اخوي

تعاملوا معها برسمية وراح تحس بوجود حاجز مع الوقت وترجع لحالها زي اول سنتين..وبالنسبة لسحب اغراضك منها اشوفها طريقة غير مهذبة مع ان اسلوبها مزعج..اطلبي منها ترجعه بصرامة ووضوح وبشكل رسمي جدا بحيث ماتحس انه فيه هزل بالموضوع أو انها تمون وانك بس قايلتها كذا..
بعدين اخوك مالاحظ؟

بدينا اليوم بمعاملتها برسمية ،
ماحسينا بفرق لأن اول يوم ، لكن بننتظر
و بتوافيكم بالاخبار

لعل و عسى تتغير

امك معطيتها الضوء الاخضر دامها وصلت انها تشاورها بخطيبك ؟!!!
طيب صارحو اخوك او قولي لابوك يقوله دامه حاس فيكم
وبعدين كيف حكمتي ان اخوك مرتاح معها وهي كل حياتها عندكم
الله لايبلانا بس حالتها غريبه مرررا

فعلا امي حسبتها بنتها و عطتها ضوء فسفوري مو بس اخضر ،
وحكمنا انهم مرتاحين ، لان ظروف شغل اخوي تجبره يقعد اغلب يومه في الدوام ،
فما يشوفون بعض الا في الويك اند و ايام الاسبوع بس بالليل بعد الدوام ،
فما يشوف هذا كله ،

و صح ، خلها تزعل
لمتى بنتحمل !
حتى سطح بيتنا تبي تسوي فيه غرفة زجاجيه لها و لاستجمامها ع قولتها !
سطح بيتنا ما سلم

وبالنسبه لزعلها عادي تزعل اهم شي ترتاحون من غثاها وتطفلها
وبعدين مااظنها تزعل بماانها وصفت نفسها باللوح معناتها شخصيتها لامباليه او بالاصح مفهيه
الله يعافيها ولايبلانا

وبالنسبه لزعلها عادي تزعل اهم شي ترتاحون من غثاها وتطفلها
وبعدين مااظنها تزعل بماانها وصفت نفسها باللوح معناتها شخصيتها لامباليه او بالاصح مفهيه
الله يعافيها ولايبلانا