المشاركة الأصلية كتبت بواسطة مسك الخير

اشكر كل من رد علي واعطاني من وقته الثمين انا ماجيت الا وانا مطبقه معه جميع الحلول واستخرت ع الطلاق لما رجعت قلت اكيد حس بالغلط وبيتاسمح مني ماكنت اتوقع منه هالصدود كله ولا الموقف يستاهل بس كبر الموضوع اخوه حلف ع المصحف عند اهلي ماخلوه يمشي الموضوع كذا بالساهل ولا وفيه وحده ترضى بالاهانه ع نفسها قلت اصبر وصبرت7 شهور ولا تغير شي .. البارح تناقشنا وتهاوشنا بعدها قلت كل مافي قلبي له وهو اذن من طين واذن من عجين ولا كأن اللي معي انسان .. رحت واتصلت ع اخوي يجي ياخذني من عنده ولا راح اعلمه اني بروح اهم شي عندي صحتي ولدي والله العظيم اني تعبانه حيل احس جبت لنفسي الهم والنكد يوم رجعت وجلد الذات ذبحني دعواتكم

المشاركة الأصلية كتبت بواسطة مسك الخير

الحمدلله ع كل حال طبعا وصل اخوي ورحت معه وحاليا انا عند اهلي وزوجي حرق الجوال من الاتصالات بس مارديت عليه ابي لما اهدى شوي لان نفسيتي تعبانه مررررره وابلغه بقرار الانفصال بس خوفي ياخذ ولدي مني بعدين💔

المشاركة الأصلية كتبت بواسطة اتزان

سؤال،،ليش قاعدة معاه إلى الآن؟
تتوقعي راح يحن؟
ولا عشان ولدك؟

هل غيرة زوجك توصله إنه يضربك؟ ولا كان شاك لأن الكلام اللي وصله غير عن اللي صار؟

المشاركة الأصلية كتبت بواسطة خالد_عبدالله

من كلامك زوجك مافيه ولا حسنه كله سيئات ومن كلامك كذلك انه ماله امل في التغيير
اتمنى ما تكون رجعتك له شماته بموضوع عجزه اللي صابه
اتركيه وانتبهي لصحتك وتربيتك لابنك وعسى ان يكون هالامر خيره لك

المشاركة الأصلية كتبت بواسطة البليغ

إذن قررت الرحيل من حياته، وهذا قرارك

وفقك الله