بعدك انطفى العالم

في ذمة الله يازايد

أخي الفاااااااضل ...... فارس الحب .....


أولاً ...


كل عام وأنت بخير .. وإن شاءالله تكون هذي السنه مليئه بالأخبار الساره لقلبك .. والمفاجاءت الرائعه لحياتك ... والله يحفظك من كل شر .. ويخليك للمنتدى .. ولزوجتك وعيالك وبيتك ...


ثانياً ...


أشكرك على هذهِ الشجاعه النادره .. وبالتأكيد وأنت تكتب القصه كنت متوقع أنك بتشوف بعض الردود اللي تحتوي على النقد .. وبعض الردود اللي تشجعك على إكمال هذهِ الخطوه ..


ثالثاً ...


مش عيب أنك تخطي .... العيب أنك تستمر بالخطأ ... وأنت تدري أنه خطأ .... بس فيه أشياء بقولها لك .. وأبيك تحطها في بالك .. وماتفارق بالك لحظه واحده ...


أنت قلت أن البنت قالت ...... إقتباس : أنا عارفه نفسي اني لعابة وحتى لو سمعت الأشرطة ماراح اتقيد بما فيها ...!!

أنا ما أبغي اغلط على البنت ... بس حبيت أعرف شي واحد .. بذمتك لوأنها متربيه تربيه عدله .. كان بترضى تقول عن نفسها [[لعابــــــه]] .. أنت عارف وش معنى هالكلمه .؟؟ تعني أنها ماتستمر مع شخص واحد ... بل أكثر .. هذا المعنى لهذهِ الكلمه .. وشلون تترك زوجتك اللي أنت عارف هي من تكون وبنت من وأنت مناسب من وأهلها من .. وتربيتها شلون ... وترغب ببدء علاقه مع إنسانه من أولها قالت لك أبغي كرت تعبئه !!! والله والله والله أن أخوي اللي هو أخوي اللي من لحمي ودمي أستحي لي اليوم أني أطلب منه ... وشلون أنت يالغريب ... فكر فيها ... قلبها براسك ... وحده جريئه لهدرجه وماصدقت تسمع أنك ترسل لها [ماتامريني على شي] ألا هي تطلب منك .. بذمتك .. وحده خجلانه أنها تسمع صوتك .. وشلون ماخجلت أنها تطلب منك !! وشلون ماخجلت أنها رجال غريب يصرف عليها لو إن شاءالله نص ريال .. وبعدين حط في بالك أن اي بنت في الدنيا لوحطت شي براسها لازم تسويه ... يعني بذمتك ماكانت تقدر تقنع أخوها أنه يجيب لها الشريط المطلوب!!!...؟

شوف ياأخوووووي .. أنا مو من النوع اللي يلومك على شي سويته ... لأن الانسان مومعصوم من الخطأ ... وكل إنسان له ماضي في حياته ... هذي سنه الحياه .. الواحد يغلط ويتعلم من الغلط اللي سواه ... وإلا وشلون بنتعلم .. ونعرف بلاوي هالدنيا ......

فيه واحد أو حده من الأعضاء قال .. أنك تغيير رقم جوالك .. وأنا أقولك .. ليه تتهرب ... وبعدين مستحيل تنحل المشكله لو أنك غيرت رقم جوالك ... هذا الشي لازم أنت تحاربه ... يعني لوغيرت .. واشتقت لها في يوم من الأيام ماتقدر تدق عليها من رقمك الجديد ؟؟؟!!!

المفروض أنت اللي تمسح رقمها من قلبك وعقلك ... وكل ماتذكرتها .. أو أشتقت لها .. لاتنسى أنها لعابه .. ومع احترامي الشديد لك ولكل قارئ .. يعني اليوم معاك وبكره مع واحد غيرك .. أو أنها تسكر من الخط منك وتكلم غيرك ونفس كلام الحب والغزل ينعاد على غيرك .....

كلاً عقله في راسه ... ولا أنت .. ولا أنا .. ولا أي أحد في الدنيا .. يقدر أنه يغصب إنسان على الهدايه ... لأن الهدايه لازم تكون من اختياره .. ويكون فاهم وش معنى هذي الكلمه ...


أستحلفك بالله .. أنك تسوي هذا الطلب الصغير اللي بطلبه منك ...

أبيك .. تتمعن في وجه زوجتك وبراءه زوجتك وطهارتها وهي نايمه ... وأقسم بالله أن دموع عينك مستحيل توقف .. لأنك بتحس أنك ظلمتها وغلطت بحقها ...

جايز الزوجه تقصر بحق زوجها ... بس المفروض أن الرجل يوعيها ويقول لها ويرشدها .... مش يروح ويلعب من وراها .. وبكلامي هذا أنا ماأقصدك أنت .. لا والله أنا أتكلم عن الواقع ... والحقيقه اللي نشوفها كل يوم ... ونسمع فيها كل دقيقه ...


أوقات لما أكلم مسؤولي في العمل .. أو الدكتور اللي يلغي علينا المحاضرات في الجامعه .. وأضحك معاه على موضوع يضحك أو شي من هذا القبيل .. أحس بحرقه قلب .. وأحس أني خاينه لمجرد أني ضحكت مع رجل غير زوجي ... زوجي الغالي يلاحظ علي هذا الشي .. وأنا صريحه معاه لأبعد الحدود .. وأقول له .. أني اليوم كلمت فلان أو أنه قال سالفه وضحكت معاه ... وأحس بالراحه لما اصارحه بأي شي يصير معااااي ... ويمكن هو يغفر لي هذي الزلات ... بس من اللي يضمن أن رب العالمين بيغفر لنا زلاتنا .....؟؟



أدعس على قلبك .. وقوي إيمانك .. ونفس ماأنت ماترضها على زوجتك وخواتك وأهلك ... لاتنسى أنها أخت لرجل مايرضى المهانه لأهله ...


مادام عايش حياتك بسعاده مع زوجتك ... وبغض النظر عن بعض القصور ... لأن مافيه زوجه كامله والكامل وجهه ..


أحمد ربك ... وصل فرضك .. وأقبض أرضك .... ولاتنسى زوجتك .. وعيالك ... وأهلك ... وفي الأول والأخير ربك ... ربك ... ربك ...


أشكرك ياأخي الفاضل على سعه ورحابه صدرك ... وثقتك بنا وبهذا المنتدى ... ولاتنسى نفس ماوصيتك ... كل مابغيت أنك تدز لها مسج تذكر أنها لعابه ... ومش انت اللي بتهديها لأن الله مستحيل يغيرها إلا اذا هي بادرت وغيرت نفسها ... ومستحيل إنسان شهم نفسك يرضى على نفسه أن وحده مثل هذي تستقل طيبه قلبه وحنيته ... وجايز أنها شافت الرقم سبشل قالت أنك راهي وبتصرف عليها ... لأن في هالزمن أغلب البنات اللي يلعبون يدورون من يصرف عليهم ...



آسفه على الاطاله ... بس ماتوقعت في البدايه أن القصه لك .. وتوقعت في آخر السطور بقراء كلمه (منقول للفائده) .. لأن ونفس ماقلت لك نادر من يمتلك الشجاعه نفسك ... ومادام أي إنسان بغض النظر عنك سوى أي شي حرام وماستحى من ربه اللي يراقبه ويشوفه 24 ساعه وشلون بيستحي من الناس ...؟؟



الله يستر علينا وعليك وعلى جميع المسلمين والمسلمات .. والله يهدي هذي البنت اللي أتوقع أنها في سن المراهقه والضياع ... ويحفظها من الذئاب البشريه ...ويديها إلى الصراط المستقيم ....


ماوصيك .. لو أرسلت لك مسج لا تقراه ... ولا يكذب عليك الشيطان ويثيرك الفضول .. على طول أمسحه وأمسح السالفه من بالك.. وأشغل نفسك بأي شي غير عن هذي البنت اللعابه ... وعلى قولتها أنها تستحي تكلمك .. أموت وأعرف وشلون ماكانت تستحي لمادزت لك النكت الرذيئه ...؟؟ فكر ياأخووووي ولاتضيع حياتك مع زوجتك وعيالك بس عشان وحده ماتستاهل ....



وتقبل فائق احترامي واعجابي الشديد بشخصيتك القويه وأسلوبك الرائع بالرد ... وأعذرني لوغلطت عليك بأي كلمه ماكنت اقصدها وأسمح لي على القصور بالرد .. مع أني ماخليت مجال لغيري وكتب عن ألف عضو ... بس العتب على القصه اللي تخلي الواحد يطلع اللي في قلبه غصب ... ولاتنسى أهم شي أن عندك أهل وعيال .. وكما تدين تدان .... أفهمها صح ........




أختك في الله .....



بنت المنتدى



الهنووووووووف