حماتي تفقدني صوابي ......... ماذا أفعل !!!! - الصفحة 3 - منتدى عالم الأسرة والمجتمع
logo

الملاحظات

التوجيهات الزوجية (أرشيف) المواضيع الخاصة بالثقافة الجنسية بين الزوجين

 
قديم 12-09-2005, 10:46 AM
  #1
جمـــره
عضو مميز ومثالي
تاريخ التسجيل: Jan 2004
المشاركات: 136
جمـــره غير متصل  
ياقلبي انتي طنش تعش ...ليش ماتحاولين تضحكين من اللي يصير ...بدل ماتزعلين
مدري ليش كل ماقريت سطورك أتخيل خالتي قماشه :14:
أنتي متأكده مو حاطتلك كاميرات فغرفتك ولا تسجيل بتليفونك

أمزح لاتصدقين وسعي صدرك يابنت الحلال ..

بعدين قهرتيني لما قلتي زعلتي اربع شهور وبعدها رجعتي بخفي حنين

دامك سويتيها وتركتي زوجك المفروض تكونين قويه .. لأن مافي شي يجبرك تعيشين على أعصابك

يجي متضايق ومحتاجك وتعالي بيتك وهالكلام؟؟ طيب تبيني ريحني

لاتترك امك لكن سكني فبيت لحالي ...جد خليه يروح يقعد عندها قد مايقعد عندها وهو معها بس انتي تكونين فشقتك وبعيد عن عيونها ..

لازم تصحيــــــــــن يبيلك دش بااااارد يصحيك

دامك محترمتها ومو حارمتها من ولدها خلاص

لازم تعرفين انه من حقك
- يكون لك تليفونك الخاص
- يكون لك مشاويرك الخاصه
- يكون لك خصوصيه فبيتك
وهاذي الأشياء لازم يقتنع فيها زوجك
خليكي صارمه... ماله عذر صراحه؟؟ ماطلبتي يبيع امه عشانك ولاطلبتي يقلل احترامها
قوليله بصريح العباره تبيني اتجنن؟؟ تبي يصير لي اكتئاب؟؟ تبي اكرهك؟؟ ولا تبي انفجر يوم واقلل ادبي على امك او اشتمها لاسمح الله واطلع عن طوري ؟؟
كل شي له حدود ... بس لازم ت قنعين زوجك ليل نهار لانه من حقــــــك يكون لك بيتك الخاص
دامك مو مرتاحه فعيشتك مع اهله
اقتنعي ان راحتك بيد زوجك ... لازم يصير له كلمه ويحط لكل شي حدود

بعدين قولي لي ليش ماتقعدون معها انتي وزوجك وتناقشون كل شي ..
هي مو طفله ولا مراهقه يعني بتتقبل النقاش غصب عنها دامه باحترام وبدون تجريح
تبي تصيح خليها تصيح شوي مابيضرها ... لانه واضح انها مستغله الوضع
ابكي وتتحقق لي رغباتي ؟؟ اصايح وارفع صوتي ويطيعوني ؟؟

راحتك بيد الله ثم بيد زوجك لاتصيرين سلبيه وتضيعين احلى ايام شبابك بنكد والحل سهل

وبالنسبه للتقليد
مدري هي تسوي كذا عن اقتناع انها بتصير حلوه مثلا
او تسوي كذا عشان تكيدك

اذا الاولى الشكوى لله وش تسوين يعني

واذا الثانيه انا اقولك وش تسوين

- بالنسبه للتسوق -
1- لاتروحين معها لو اش ماصار روحي مع زوجك او اهلك
2- البسي ملابس بناتيه مره بدرجة انها اذا لبستها بيصير شكلها غبي زي اللي عليها رسومات او الوان فوشي وفسفوري
3- شعرك حطيه قرنين ولا حطيه على جنب وحطي ورده كبيرررررررررررره
او اصبغي خصل ملونه ازرق واخضر وموف وفوشي عشان تستحي على دمها

4-روحي محلات تكون القطع اللي فيها محدوده يعني ماينزلون من الموديل الواحد عشر قطع عشان لو دورت ماتلاقي
5- روحي محلات تكون مقاساتها محدوده
6- حطي عدسات ملونه كل يوم لون واتحداها تحط فعيونها يخافون العجايز
8- حطي على وجهك وصدرك تاتو ( ملصقات الجسم اللي بشكل قلوب وشفايف )
9- حطي مكياج غريب روج ازرق شدو فضي كحل موف يعني شي مستحيل تفكر تحطه واذا حطته مابتعرف واذا عرفت مابيصير زيك
10- فالمناسبات سوي المستحيل عشان ماتتزينين ولا تلبسين فالبيت روحي عند اهلك واكشخي
11- اذا اضطريتي انك تشترين معاها فستان سهره مثلا واشترت نفسه كالعاده
12- اشتري فستان ثاني وخبيه ...وقدامها البسي اللي مثلها
واذا ركبتوا السياره سوي انك نسيتي شي وانزلي بدقايق غيري لبسك وارجعي وخليها تنصدم فالزواج والاكسسوار زي ماقالت وحده من البنات مستحيل يصير نفسه
13- من وقت للثاني اطلبي ملابسك من كتالوج وتوصلك من الشركه بعد اسبوعين وحتى زوجك مو ضروري يدري تحولين الفلوس وتعبين اوراق القطع اللي تبينها وتطلبين
بكذا ماتصير زي ملابسك واذا عرفت وزعلت قولي بكل براءه بس كذا ياخالتي انتي تامرين امر اجيبلك زيها نسخه طبق الاصل بس عاد لازم تنتظرين ثلاث اسابيع

وتهني بلبسك اللي ماعندها زيه
14- الجزم الله يكرمك البسي موديلات مستحيل تقدر تلبسها
مثلا.. كعب عالي مرررررررررررره بحيث لو تلبسه تطيح
مثلا.. الصنادل اللي فيها خيوط تنربط على الساق اتحداها تلبسها

مثلا.. البسي بوت رياضي معه تنوره جنز وتيشيرت مكتوب عليه لاللمخدرات

-15البسي بلايز مكتوب عليها حروف وكلمات بالانقلش ( بس تكونين عارفه معناها )

16- البسي تيشيرت عليه صورتك وصورة زوجك :14:
وسوي لها مثله تمام وخليها تكشخ بصورتك
حتى الحريم بيحسدونك بيقولون من غلاتها عند ام زوجها معلقه صورتها على صدرها

17- البسي هيلاهوب فوشي مخرم ترا كان موضه قبل فتره مع كعب بوووز زي حق علاء الدين وجعدي شعرك وانفشيه ...

18- ألبسي اوفر هول مدري تعرفينه ولا لا الجنز اللي يجي بنطلون او تنوره وله سيور من فوق وتلبسين تحته تيشيرت

19- البسي تنوره كلوووووووش :14: وتكون حوالي عشر طبقات
واتحداها تلبس زيك

20- احلقي شعرك عالزيروووو براااد وونااااسه وشي مستحيل تشوفين مره مسويته


وأخيرا ياحبيبة قلبي برجع اقولك وسعي صدرك وطنشي واهم شي زوجك والله يصبرك وياااجرك

وكل شي يهون لعيووون زوجك الحبيب ودايم فكري

لو كانت حماتك حبوبه وعسل وزوجك شرير وش بتنفعك!! ولا شي


واللي كتبته كله لاتصدقيينه ولاتطبقينه ماقصدت فيه يالغااااليه الا انك تفرفشين وتوسعين صدرك مع الصبح

الله يسعدك ويوفقك...واي شي تبينه ترانا خوااتك ودايما موجودين
أنتي آآمري بس .......الله يحفظك
قديم 12-09-2005, 10:58 AM
  #2
megnolias
عضو نشيط
تاريخ التسجيل: May 2005
المشاركات: 108
megnolias غير متصل  
صدق فرجتي علي وهونتي محنتي وضحكتيني من زمان ما ضحكت .
أخت جمرة زوجي عدالي وقرا شو كاتبة تدري وش قال:معاها حق خلينا نسوي اللي قالت عليه
قديم 12-09-2005, 11:01 AM
  #3
جمـــره
عضو مميز ومثالي
تاريخ التسجيل: Jan 2004
المشاركات: 136
جمـــره غير متصل  
الله يطمن قلبك ويسعدك انتي وزوجك....فرحتيني الله يوفقكم...

بس هااه ....لاتنسين تدعين لي بالزوج الصالح ويستحسن يكون يتيم ههههههه

وان شاء الله ازورك فبيتك واجيبلك هدية البيت الجديد




ومابنسى اجيب نسخه طبق الأصل لخالتي قماشه هههههه


الله يحفظـــك ....تحياتي
قديم 12-09-2005, 11:13 AM
  #4
megnolias
عضو نشيط
تاريخ التسجيل: May 2005
المشاركات: 108
megnolias غير متصل  
إن شاء الله يسهل عليك ويلا قيك بإبن الحلال يارب.
بس كله عاد ولا خالتي حيزبون و إن شاء الله بخبرك كل الأخبار أول بأول

التعديل الأخير تم بواسطة النور والحنان ; 12-09-2005 الساعة 06:07 PM
قديم 12-09-2005, 05:57 PM
  #5
dot
قلب المنتدى النابض
تاريخ التسجيل: Oct 2003
المشاركات: 1,277
dot غير متصل  
طنشيهااااااااااااااااااااااااااااااا و اخذيها على قد عقلها عشان خاطر زوجك المسكين
بس عندي لك سؤال


هل انتي زوجة ابنها البكر؟؟؟؟
ام زوجه ابنها الاصغر؟؟؟


لان الحماة عاده تغار من زوجه ابنها البكر.....وقليل اذا غارت من زوجه الابن الاصغر
.....

والله يعينك

دووووووووووت



الأخت الفاضلة
نأمل منك النصح بطريقة جادة ، خاصة و نحن نهدف للبحث عن حل
__________________
Everyone soul shall taste death
كل نفس ذائقة الموت

التعديل الأخير تم بواسطة Reemona ; 12-09-2005 الساعة 06:20 PM
قديم 12-09-2005, 06:27 PM
  #6
Reemona
عضو المنتدى الفخري
 الصورة الرمزية Reemona
تاريخ التسجيل: Aug 2004
المشاركات: 22,767
Reemona غير متصل  
ينقل الموضوع إلى قسم الثقافة و التوجيهات الزوجية

تحياتي
__________________

اليوم حماهـ تذبح مره اخرى .. اللهم عليك بالطاغية واعوانه .. اللهم اهلكهم و سلط عليهم .. اللهم ارنا عجائب قدرتك فيهم

في هالزمن تقدر تقول أن المثلث مستقيم وشي طبيعي لو تقيس الدائرهـ بالمسطرهـ !!
قديم 12-09-2005, 07:20 PM
  #7
احبك حبيبي
عضو متألق
تاريخ التسجيل: Aug 2005
المشاركات: 667
احبك حبيبي غير متصل  
انه احس انها بي تاخذ زمنها وزمن غيرها ما يصير جذي يعني حتا باللبس بتشاركج تبي تلبس مثلك

اختي هذا لانك متميزه عن باقي نسوان اخوان زوجج عشان جذي تبي تصير مثلك
بس انتي طنشي ولا تعيرينه ااي اهميه وخليج طيبه وعاديه هاديه معاها ودعواتي لج

اختج احبك حبيبي
قديم 12-09-2005, 07:34 PM
  #8
مضاوى16
عضو مميز ومثالي
 الصورة الرمزية مضاوى16
تاريخ التسجيل: Jun 2005
المشاركات: 603
مضاوى16 غير متصل  
هههههههههههههههههههههههههه

صراحة ضحكت من قلبى على اسلوبك غى الطرح

مع انى كنت اعانى من نفس المشكلة مع ام زوجى وبناتها فى بداية زواجى

كانو كل ما شافو عندى شى قالو جيبى مثلة اى شى مكياج ساعات حتى طقم الذهب واللة

كنت اجيب لهم اللى يبون

ومع الوقت انقطعو ما عاد يطلبون منى اى شى

ودمتى سالمة
__________________
وداعا
قديم 12-09-2005, 07:39 PM
  #9
أم اثير
كبار شخصيات المنتدى
 الصورة الرمزية أم اثير
تاريخ التسجيل: Jul 2005
المشاركات: 6,398
أم اثير غير متصل  
الله يرزقكم الذريه الصالحه الي تدخل البهجه للساكنين بالبيت :14:
__________________
قديم 12-09-2005, 11:29 PM
  #10
احمد شوبير
من كبار شخصيات المنتدى
تاريخ التسجيل: Dec 2003
المشاركات: 9,213
احمد شوبير غير متصل  
اختى الكريمه

عليكى بالصبر على حماتك وتحتسبى عند الله

لان واجب عليكى تعمليها من مكان جيد وليس بقسوة

لانها مهما كانت والدة زوجك وبالتالى نالى رضها بكافة الطرق واحتسبى عند الله

تحياتى

الله يهدى الحال
__________________
لا يوجد شىء اسمه صعب ، ولا يوجد شىء اسمه مستحيل ... نحن من نصنع الصعب والمستحيل
 

مواقع النشر

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 06:37 AM.


images