ياحبيبتي..

أنا بعد مثلج بالغربة وبعيدة عن اهلي..
ودايما أقول لزوجي:
أنا غير عن باقي الحريم..
أنا محروومة.. وماعندي غيرك يعوضني ويسد الفراغ اللي بقلبي.. مب يزيد همي..
لكم من يسمع...
أحيانا الزوج إذا يشوف الزوجة مالها حد ولا سند..
تزداد قوته ووحشيته..
ويكشر عن أنيابه..
لأنه عارف إن محد قادر يوقفه عند حده..

عندي لك فكرة..
إذا عندج اخوان او أبو أو حد من هلج كبير ويقدر يوقف بصفج..
أتصلي له حالا وأشتكي له من اللي فيج..
وأطلبي منه إنه يجي للديرة اللي أنتي فيها..
ويكلم زوجك ويوقفه عند حده..

أنا عندي صديقة نفس الحالة بالغربة..
لما يأست وتعبت من مشاكلها مع زوجها اتصلت بأبوها..
وخلته يجي..
ولما جا أبوها تفاهم مع الزوج وفهمه إن البنت مب مقطوعة من شيرة..
وإن وراها ناس مايرضون عليها وراح ياخذون حقها..
بمكن يخاف ويردع..

بالنسبة للطلاق محد يحبه..
بس الله ماحلله إلا لأن في حالات مستعصية ماتنفع معاها الحلول الثانية..

الله يعينج ويهدي لك زوجك..

السلام عليكم ورحمة الله وبركاته

اختي اعلمي ان ابغض الحلال عند الله الطلاق0ثم ان المده التي عشتيها معه مده طويله وتقولين بان لديك اطفال 0الحل ليس الطلاق الحل اصلاح الخلل انتي ذكرتي اسباب قديمه مثل المهر انتي اذا لم تستطيعي ان تتحملين هذا الرجل وانتي في غربه كما تقولين حاولي ان تذهبي الى اهلك وبتعدي عنه فتره وبيني له ان البعد عنه بسبب كذا وكذا وانك لن تعودي له الا اذا التزم بان يحفظ لكي كرامتك ويكون ذلك بحضور احد من اهله واهلكي انتي0 لكن اذا الرجل لايصلي ويجحد وجوبها ويفعل المنكرات ولا يحل حلال ولايحرم حرام فهذا تركه اولى ان لم يتوب الى الله توبه نصوحه 0لاتستعجلي وفكري في اولادك وكيف سيعيشون في البعد عن ابيهم وتحملكي لكافة المسئوليات ادعي الله ان يهديه الى مافيه الخير والصلاح لكي ولاطفالك

اختي الغاليه

الاخوان ما قصروا في النصايح

وكان الله في عونك وعسي يفرجها عليك ويسر امرك ياررررررررررب

__________________

وانا بعد مع الاخوات أما
انك تتصلي باحد من اهلك قادر انه يتفاهم معاه ويوقفه عند حده بس بشرط تضمني الشخص هذه يأثر عليه والا راح تنقلب عليك ويضرك أكثر
أو تنتظري لما ترجعي لأهلك وتقعدي عندهم فترة طويلة بدون طلاق علشان لا تندمي انك انتي اللي طلبت الطلاق
وأنا أضيف اختي عليك بالدعاء و بالاستخارة اليومية وأنا انصحك بها عن تجربة شخصية فقبل ما اتطلق من زوجي دعيت ربي اذا كان الذهاب الى اهلي خيرة لي فيا ربي طلعني من البيت بلسانه هو واذا كانت لا فيا ربي خلني امسك بيتي ولكن الله اراد اني اطلع وطلعت من البيت مطرودة بلسانه هو وكذلك دعيت يا ربي اذا الطلاق خير لي يا ربي سهله لي وتسهل لي بالمحكمة واخذت حقوقي وحقوق عيالي

والله ييسر أمرك لما هو خير لك وراحة ولا تنسين تدعيلنا فدعاء المظلوم مستجاب ولو بعد حين

أختــــــــ بنت ديرتي ــــــــــك

__________________

	في المدرسة نتعلم لنمتحن وفي الحياة نمتحن لنتعلم

اشكركم جميعا و الله يوفقكم دنيا و اخره ,,الله يبعد عنكم كل شر و يحفظكم

وين اهلك عن كل هذا؟؟؟


والله العظيم فشيلة وياحيف عليها دنيا


مابقى فيها رجال يشيل ظلم مثل هذا


اقسم بالله اني انقهرت من هالشغلات اللي كتبتي عنها

واقسم بالله لو اني اني واحد من اخوانك اني لاكسر راسه عشان يعرف انه وراك رجال

لانه بصراحة هالاشكال ماينفع معاها الا التكسييييييير

الله يعينك يا اختي بنت الديره ,,والله ما ادري شفيهم الرايل حالفين علئ الحريم انهم يطلعون رواحهم ,بس الله كريم

تسلم يا اخوي تركي بن محمد و الله يا ريت كنت اخوي ,,بس شسوي مثل ما يقولون ما بليد حيله ,,بلنسبه حق اهلي انا البكر و اخواني كلهم صغار ,,والدي ريال كبير و مريض ما صارله مده طالع من المستشفئ و الوالده مريضه نفسي ,,يعني ما عندي احد يعيني و يساعدني بهذي الدنيا و فوق كل هذا انا بلغربه ,,يعني بدوله اروبيه و المشتكئ لرب العالمين

وياك رب العالمين قاهر فرعون وقاهر كل جبار



ادعيه وانا اخوك باخر الليل...


ادعيه ناصر يونس ببطن الحوووووووت


ادعيه ناصر محمد صلى الله عليه وسلم يوم طرده اهل الطائف


ادعيه ناصر المسلمين يوم فتح مكة



ادعيه


يار ب ياكريم انك تنصر وتيسر على اختنا اللي اهي فيه يارب

والله العظيم اني فرحانه وايد ,لان الاخ الكريم تركي بن محمد يقول جذي ,مو لان يبي يكسر راس زوجي لا بس علشان انه دنيا فيها خير ,انا نظرتي للريايل صارت مو شي بس الاخ تركي والله صحاني من النوم يمكن تضحكون علي بس والله هذا الصدق ,,يا رب يوفقك دنيا و اخره