ربنا يعينكم

بس الحلال ما ينزعل منه

واعتقد ان قولك يوم اسود يعتبر من سب الدهر وهذا لايجوز

اختي الكريمة اعانكم الله مرة اخرى

اسيرة قطر

الله يخفف عنك مصيبتك

انا ما الوم اخواتي اللي يقولون عادي لو تزوج ابوك لانهم يمكن ما عانوا من التجربة

انا ذقت هالتجربة

عايشين تشتت في تشتت

مع ان ابوي عااادل بين الثنتين وهو امام مسجد ويخاف الله

الحين ابوي صار كبير و صات كل وحده من الثنتين ترسله للثانيه

أنه لعبه بين يدينهم

لو ادري ان هالشيء راح يصير لابوي كانت وربي ما اتزوج اجلس اخدمه فقط

راح تقولون هذي حالة خاصه مو كل اللي متزوج ثنتين متشتت

راح اقول كل المجتمع من حولي يثبت لي هالشيء

خالي و زواجته الثلاث ودوامة المشاكل

ابو زوجي نفس الشي

جارنا نفس الحاله

بس الله يرحم الحال

أختي أسيرة قطر
هدي بالك وتذكري أن الاقدار بيد الله
عسى ان يكون هذا الامر خيره لكم

ماتدرين وش الخير والصلاح فيه
وانتي تقولين ان ابوك انسان عاقل ومتزن
اذن لاتخافين من ناحيته ان شاء الله مايخيب املكم فيه ويكون انسان عادل في جميع اموره
وانتي عارفه ان الدين احل اربع مو ثنتين لحكمه الاهيه
يعني لازم تكوني مؤمنه
والحمد لله الوالد ماذهب للحرام كل اللي سواه حلال

جزك الله الف خير على هذا الرد ولعلها خيره

__________________
إدعو لي ان يرزقني الله الرزق الحسن . والزوجة الزوجة الصالحة واسال الله العظيم ان تقول الملائكة : امين ولك مثل ذلك .

اشكر كل اخواني وخواتي الي ردوا علي في هاي الموضوع مع انه بعض الردود كانت قاسيه علي احنا عايشين في الدنيا والواقع احنا بشر مو اصنام مالها مشاعر ولاتحس صح الشرع حلله هاي الشرع بس احنا لنا حق نرفضة هذا امر الله بس الله ماقال والله لاتزعلون ولاتضايقون مهما كان انتوا تتكلمون كانه مشاعر الشخص بيده ويقدر يتحكم فيها احنا بشر مش ملائكه كاملين حته وثاني شي بعض الاخوان قالوا انه هذا من تاثير الاعلام العربي انا اشوف هذا الواقع والكلام الي قاعدين تقولونه صعب انه الواحد يرضه فيه بهاي السهولة





بس الحمد لله رب العالمين بدال المرةالف ابوي كنسل الزواج بعد ماشاف حالتنا وغير كذا المراة الي كان بيخطبها طلعت بنت ناس بعد ماهلها سالوا عن ابوي قالت انها ماتبي تخرب بيته

وبعدين الوالد راح واستسمح من الوالده وراضاها بس لين احس فيه شرخ بينا وبينه بس الحمد لله انه الله استجاب دعائي والله قعدت طول الليل ادعي انه الله مايتمم هاي الزواج اذا كان مافيه خير لابوي والحمد لله

وكل عمامي وعماتي الدنيا مب سايعتهم من الفرحه لانه كلنا قلنا له راح تندم لانه ابوي جرب زوجه الاب وانحرم من ابوة سنين طويله فانا مابي يتكرر هاي الشي لي ولاخواني لانه انا لي جد ( ابو الوالد ) متزوج ثنتين بس مانشوفه ابدا الا في المناسبات يعني هو حي بس بالنسبه لنا احنا هو مش موجود في حياتنا ابدا فانا مابي الي صار لعمامي يتكرر لي ولاخواني لاني صج ماراح استمل هذا الشي

والله يوفق الجميع ويستر على بنات الناس ويهدي بنات الناس قبل مايخربون بيوت غيرهم

سبحان الله !!!

كيف يكون لنا حق ان نرفض شرائع الله !!!!!!!!!!!!!!!


لاحول ولاقوة إلا بالله

الف مبروك حبيبتى ان اباكى عاد لكم و مهمتكم الان ان تبحثوا عن الاسباب الى جعلته يفكر فى هذا و تحاولوا انكم تعالجوها و ايضا الوالدة لها دور كبير فى ذلك و اعذرى من رد عليك بقسوة فهو يتكلم كلام نظرى و لم يجرب هذا الشيىء ليعرف مدى قسوته عليك مره اخرى الف مبروك و ان شاء الله لا يفكر فى الزواج مره اخرى

اسمحيلي ...

انتي تقوولي انه فيه شرخ بينكم وبين ابوكم ... طيب انتي عارفة ايش في قلبه ؟.. ليش يبغى يتزوج ؟...

حبيبتي انا ما اؤيد زواجه لا والله ... لكن يمكن في شئ بينه وبين امك ما احد يعرفه .. وترى الرجال غير الحرمة ..

وانتي فاهمة ... يعني مو شرط الام تقول كل شئ ...

الله يختارلكم اللي فيه الخير .. لكن من كلامك حسيت فيه قسوة تجاه ابوكم او عنده شئ وعشان كذه بيتزوج

بالتوفييييق

كثير من يتصرف تصرفات غير مسئولة . وأنا بسألك هل ترضيين لوالدك الزنا والفضيحة بين الناس بأن يقول الناس فلان صادوه مع وحده في ذاك المكان . أم يقال فلان تزوج على سنة الله ورسوله . يا أختي هذه وساس شيطان بأن الوالد راح يتغير وراح ينقلب رأس على عقب . والدك لم يخطأ وإن كان هذا الأمر يضيق به صدر أخواتي النسآء لكن هذا شرع الله العالم بتركيب هذا الإنسان . عموما أنا أنصحك نصيحة ألأخ لأخته بأن لاتكوني سببا في تسع الفجوة بين أمك وأبيك وكوني عاقلة في تصرفاتك وحاولي أن تقفي بجانب أمك ولا تكرهي والدك ولا تغيري من أسلوبك معه وإن كان لابد من النقاش يليكن ذلك بالحكمة والأسلوب الأمثل المتسم بالأخلاق الرفيع مع الوالد . جعل الله أن يجعل بيتكم مليء بالسعادة والحب والمودة والألفة . وآمني بأن القدر صائر لا محالة تزوج أم لا

الحمدلله أن المضوع اتحل ولم يتزوج أعلم بأن الشرع أحل الزواج مرة واثنتين وثلاثة ولكن أشترط العدل فهل هناك رجل عادل؟؟