مرحبا يالغالية

الحب مو عيب ولا حرام والكل يعرف هذا الشي


اختي مو انتي لوحدك غلطتي الكثير منا غلط ولكن خير الخطائون التوابون


انا بقولك مثلا قصة احدى ا لاخوات وماتختلف عن قصتك وبقولك ردة فعلها وتصرفها وراح اسردها كما جاءت على لسانها

*****
تعرفت على شاب خلوق ومؤدب محترم وماكان ببالي اني احب ابد ابد

كان ببالي اني اسولف مع حد بس انه يسمعني وظروفي انه مافي حد يسمعني تعبتني

اقسم بالله العظيم اني اطلب من امي انها تراقبني واطلب من اخوي انه يتصل فيني يحسسني انه غيور علي

ياخذ بخاطري واطلب من امي واخواتي انهم يطبون علي باي مكان كنت ابقى الاهتمام ظليت ابكي سنوات

كنت انخطب وهم يرفضون بمزاجهم وانا ماني بنت انا مطلقةوصغيرة يعني جربت الرجل واحتاج له تخيلو معاي

انسانة تقول لامها يمه اهتمي فيني راقبيني حسي فيني اطلب من اخوي يدق علي باي وقت يسالني منو تكلمين

اطلب من اخواتي يجون معاي لاي مكان يطبون علي مافي بنت تحصل لها الحرية تبي مراقبة اقسم باللي لا اله الاهو اني اطلبها منهم ولاكن لامجيب

الانسان هذا تعرفت عليه عرف اني حرةوعندي حرية بشكل غير طبيعي وطلبت منه انه يحترمني ومابي الا انه يسمعني

وفعلا الرجل محترم جدا بعد 5شهور طلب يرتبط فيني ورفضت خفت منه ومن اهلي خفت مايكون اللي فبالي لان 5 موكافية قلت له اجل الموضوع بعدين
قاللي بطلبك طلب قلت تامر قاللي انا في اغلاط بحياتي ابيك تساعديني اني اصححها

كنت معه يد بيد وصحح كثير من اغلاطه صرت له امه وابوه وصديقته ودنيته اصر يتزوجني ورفضت خفت من اهلي وطلبت منه ياجل

حبيته وما انكر اني عشقته بعد وماعشقته الا يوم لقيته عشقني واني صرت يومه وحياته

جاء يوم قاللي ابي اتزوجك انا تعبت وبعد طلبت منه ياجل ماقول انه علاقته مع اهله حلوه لا كانت علاقته موشيء

ويبقى يصلحها وعجز اخرها بعد 3 ايام كان يكلمني ودق عليه عمه قاله انا خطبت لك والناس وافقوو امك من اختارت العروس وحط فبالك بتوافق هدية منا ديونك نسددها وزواجك علينا ماتبي رح ومانبي نشوف وجهك جاني الخبر مثل الصاعقة

الرجل بدوي وانا حضرية قاللي قوليلي عذر اقنع فيه اهلي لو طلعت من شورهم خسرتهم كلهم ولو رضيت خسرتك

اقسم بالله انه راح المستشفى تنوم ليلة كاملة من التفكير والتعب وانا كلمة اني انهرت شوية صار يكلم نفسه يقولي وش يرضيك واسويه بس ماتزعلين
اعمامه واهله عملو عزيمة وتمت الخطبة وباقي فقط الملكة وش اسوي

اهلي مابيرضون اعرفهم واهله مابيرضون لانهم خطبو وهو رجال مديو ن وبيسدد دينه يعني عنده عدة اغراءات اي رجل بيقبلها

وش ااسوي انا بين نارين انا يوم قاللي تقدم رفضت عشان ماخسر اهلي وهو الان يبقى يكسب اهله

ومالومة وربي 9 شهور من عرفته ماقالي يوم انه نايم ببيتهم امه تفضل واحد على واحد والاعمام مايسمونه الا الداشر رغم انه الصلاة مايتركها والعمل ملازم عليه فقط لانه كان يسافر قروض وسفر وماجل الزواج حاله حال شبابنا هالايام

عشت بنار جهنم ولكن لازم ارضى بواقعي هو هلك معاي يبقى يعرف وش يرضيني بس مايخسر اهله

قلت له تزوج الله يوفقك قاللي حاس بنارك ومادخلت مستشفى الا من حرقتي عليك قلت اسمع حنا تعاهدنا نسعد بعض نساعد بعض

تزوج واذا ربي كاتبك لي فانت لي لو بعد 20 سنة واذا انت مولي لوتجيب عشيرتك كلها ماربي بيكتب

صدق نار تحرق فيني مو لانه بيتزوج ولا لاني احبه لكن لانه الوحيد اللي يسال عني ويتصل يقول وينك وليه تروحين

الوحيد اللي اهتم فيني الاهتمام اللي طلبته من اهلي

انا اخطيت صح ولكن جيت لامي وقلت لها وانصدمت قلت هذا لاقلت لك اهتمي فيني انا تعبانة ابي منو يراعيني منو يهتم فيني راقبيني يمه

دعواتكم لي ان الله يثبتها وربي تحتاج هالدعوة واقسم بالله التجربة توها حارة مالها يومين

دعواتكم

أختي "عيونها" ..
اتخيل نفسي في موقفك ..
فلو كنت انا مكان من تحبي فلن اتخلي عنك ابدا ..
فالانسان لا يجد الحب بسهولة في هذه الحياة ..
اما عن ابي و امي .. فلا طاعة لهما الا في الحق .. و لن اتنازل عن اي حق لي اعطانيه الله .. كحقي في الزواج مثلا او حقي في الاختيار او حقي في انفاق المال .. او حقي في اختيار اي شيء .. كل هذه الحقوق اعطاها الله لي فلا يحق للعبد ان يجردني منها .. و طالما لم اكن اعتمد علي والدي ماديا .. فهنا اختياري للزواج فيه وقفه ..

طالما ان الفتاة التي احب عفيفة و علي خلق و ليس فيها عيب يمنعه الشرع .. فستكون زوجتي ان شاء الله .. و لو رفض اهلي فسأذكرهم بحقي الذي اعطاه لي الله .. و انهم يخالفون شرع الله .. الله الذي امرني بعدم عقوقهم و لكنهم هم من يعقوني الان بحرماني من حقي بدون سبب .. و حتي لو كان لديهم سبب .. فسببهم لن يسبب لهم ضررا .. فلماذا يا ابي و يا امي تؤذونني تحت غطاء بر الوالدين ؟؟ لا .. زواجي بمن لا ترضون بها ليس عقوقا و الله اعلم طالما انه ليس هناك سببا شرعيا يمنع ذلك .. بل ما تفعلوه يعتبر عقوقا لي لا يرضاه الله ..
ساخبرهم ان الزواج سيتم و لكن باسلوب لطيف .. و اطلب منهم الا يحرموا ما احل الله حتي لا يغضب الله عليهم .. و ان يتمنوا لي السعادة .. فسعادتي مع هذه الانسانه .. و حتي لو دعوا علي بعد ذلك فستكون دعوه ظالمه و الله اعلم و الله ليس بظالم ..
و بصفة عامه قد عودت والدي ان قراري مستقل .. و قد عودتهم علي ذلك بالتدريج .. فقد عودتهم انه ليس بالضرورة ان تنفذ طلباتهم في الامور الخاصة بي .. و ذلك لان والدي مسنان و طبعا خبراتهم و ادراكهم للحياة ليس علي ما يرام .. فارائهم تكون علي غير الصواب نتيجة لذلك و ان اطعتهم فيها لضعت و ان عصيتهم اثرت غضبهم و الغضب يؤدي للمرض .. اما لو كنت عودتهم ان طلباتهم ليس بالضرورة تنفذ فقد اعتادوا علي ذلك .. و لذلك فلن يغضبوا و لن يمرضوا .. و اعتقد ان ما افعله ليس حرام و الله اعلم ..
اما بالنسبة لطلباتهم التي تخص حياتهم .. فاحاول دائما ان اشرح لهم ان ظروف عملي في كثير من الاحيان تجعلني اعجز ان انفذ طلبهم بالسرعة المطلوبة التي يتمنونها .. و ان اطعتهم و نفذت جميع طلباتهم بالسرعة التي يريدونها لقصرت في عملي و فصلت منه .. و اذا فصلت منه فمن اين اعيش ؟؟ بينما طلباتهم لو اجلت قليلا فلن يخسروا شيئا يذكر .. و الحمد لله ففي اغلب الاحوال يقتنعون و لكن لا اعلم ان كان هذا حلال ام حرام ..