بالنسبة للايباد .. مرات كانت تجيني فترات انشغل عنه الصراحة ..
ايام و اسابيع .. بس ارجع انتبه على حالي و امسك جهازه و احمل له برنامج او برنامجين تعليميين ..
طبعا الوم نفسي على الفترة الي اكون انشغلت فيها عنه .. تكون بسبب ظروف او مناسبات او ضغوط عمل او غيره ..

ما أجبره على متابعة اي برامج تعليمية .. بس تكون امام عينه ..
عشان لا يتعود انه حياته تكون كلها لعب فقط ..

:*

أهلين روح
أنا داخله على السريع بس لي عودة
بالنسبة للقنوات ..عندك براعم والجزيرة للأطفال حلوين
وبراعم جميلة جداً لعمر ابنك الصغنن بسم الله عليه
وكمان حلوه للكبير ومفيده
والجزيرة للأطفال تثقف الطفل وتعمق مفهوم الحوار لديه

ولاتشددي كثير على الصغار وتفرضي الدين عليهم
فرض وهذا حلال وهذا حرام بها الطريقة بيتبعوه بغير
قناعة وبيصير عادة لاعبادة

أهم شيء حتى يطلع الأطفال بإذن الله صالحين
أمرين:
الدعاء لهم في كل صلاة بالهداية لقولة تعالى:
أنك لاتهدي من أحببت ولكن الله يهدي من يشاء

ثانياً: تكوني قدوة صالحة لهم في كل شيء
بدل ما تأمريهم أو تضيقي عليهم بأسم الدين
كوني قدوتهم
يشوفوك وأنتِ تتوضي وأنت تصلي
تكوني صادقه في وعودك معهم فيأخذو خصلة الصدق منك
تكوني طيبة ومحسنة مع الآخرين فيأخذو هالخصال الحميدة منك
طريقة حديثك وأسلوبك وتعاملك تأثر فيهم أكثر من إنشغالك بطريقة
التحريم والتحليل والخوف المبالغ فيه

خليهم يحبو الدين حُب...
حتى ينمو ويكبر معهم ويكون جزء أساسي من حياتهم
ومن قناعاتهم

صدقيني البيوت إلي زرعت حب الدين في ابناءها بالإقتداء
والأحتواء واللين
هي البيوت إلي أنتجت أفضل النماذج

والبيوت إلي أستخدمت عصا القمع والتحريم والمنع
والإجبار بلا إقناع هي البيوت إلي أنتحت لنا
المتأسلمين من دينهم ظواهر لا بواطن

__________________

سيدة الموقف

اليوم كنت تمام معاهم .. و كويسة ..
ماعرف متوترة مع الحمل .. حتى زميلاتي بالعمل يقولولي صايرة متشائمة و عصبية و عجولة ..

.
.

المهم ..

ولدي الصغير رافض ياكل اي شي .. بالاخير عصبنييييييييي ..
اول مرة الشوربة عدم فيها كل ملابسه و سكتت و تركته .. يحب ياكل بنفسه ..
يشرب لقمة و عشرة يكبها

غيرت له ملابسه و نيمته

و كل ما حاولت ااكله شي .. يخرجه من فمه و يكبه عالموكيت ..
اخر شي .. رحت عملت له اندومي .. لانه يبكيييييي و ينكد من الجوع ..
رافض ياكل اي شي و الشغالة طول الوقت تمشح و تكنس المسكينة

اخر شي عصصصصصصبت عليه و ما صرت ارد عليه و تركته عند الشغالة ..
قلت لها .. مابغى اشوفه

.
.

اسمع ولدي الكبير في الحمام الله يعزك .. بعد نص ساعة يصيح و ينادي الشغالة
و سامعة صوت الموية تنكب بقوة من الصنبور ..

سالته ايش فيه ؟
يقول ابغاها خليها تجي ..

قلتله انا جاية ايش فيه ؟

خايف مايبغاني ادي .. لانه عارف غلطته ..

.
.

هذه المرة الثالثة الي ياخد علبة شامبو كاملة و يخلصها كلها عشان يلعب و يغسل لعبة من العابه ..
المرة الاولى خاصمته و هددته .. و قال مايعرف و عذرته ..

المرة التانية و خاصمته و ضربته بشويش و ما أثر فيه

.
.

ما قدرت اتمابك نفسي .. و خاصة انه مو اول مرة كذا يعمل معايا ..
و ما يراعي اني ما اضربه و يستهين باوامري ..

شفته خلص شامبو الاطفال .. و خلص الشامبو التاني و عادم المغسلة ..
و عشان يده كلها رغوة .. مو عارف يقفل الموية

.
.

ماقدرت امسك حالي .. لانها المرة الثالثة

بس اول مرة اضرب بالشكل هذا ..

ضربته بقووووووة على كتفه او ظهره ثلاث مرات .. او اربع مرات ..
و بعد عني يبكي و يقول أيييي ..

و دفيته برة الحمام .. و بالغلط اتزحلق شوي و طاح برة الحمام ..
عمل حاله كأنه اتعور .. عشان احزن عليه و اشوف ايش فيه ..

كملت تهزيئ و قلت له .. مو اول مرة اكلمك ..
كم مرة قلت لك .. لازم اضربك عشان تتعلم ؟

قلت له قوم و روح من قدامي لا اشوفك ..
روح اجلس في الغرفة ..

عصببببببت مرة .. و لدرجة اني مرة خلاص ماني عارفة ايش فيا ..

لما ما اكون حامل .. اكون هادية و بالي طويل ..
دحين ماني قادرة ..

بس عو عصبني .. مو اول مرة يكسر كلامي و يطنشني و مايهتم بكلامي ..
و يسمع كلام ابوه و هذا ابوه كل شي يعامله بالضرب

و الصغير وترني بزيادة .. رافض ياكل او يشرب اي شي

.
.

و ابوهم لما اطلب منه اغراض يجيبها بعد سنة ..
و لازم اعصب عشان يتحرك ..

او اخرج بنفسي و اروح البقالة و اشتري ..

.
.

حاسة اني فاقدة التحكم بنفسي ..

و متضايقة من نفسي لاني ضربت ولدي بقسوة ..
بس مو اول مرة اكلمه .. و في اشياء كثيرة غير الشي دا بيكرر اغلاطه
و الشغالة و زوجي .. قالولي لانه تعود ماتضربيه ..

.
.

الحل ؟

بالنسبة لكلمة حرام و لا و ممنوع ..
ما اعاملهم به ..

اعامله باسلوب الاقناع

.
.

حتى مرة وديت ولدي عند طبيبة .. و تطلب منه فعل شي ..
و ولدي رافض .. قلتلها اقنعيه ؛ متعود هو كذا ..
قالتلي .. عاقبيه في البيت

لما خرجنا من عندها
سالته ليش ما سمعت كلامها ؟

قالي .. شكلي زي الغبي و انا اسوي حركات هبلة ..

.
.

بس احس اسلوبي معاه بدأ ينحدر .. للاسفل ..
لانه بدأ يعاندني و يطنشني .. و لما اضربه ؛ يسمع كلامي المرات الجاية و يريحني
بس ما اعانله بالضرب غير بعد ثالث تحذير ..
اقصد ثالث مرة اضربه ..

بس اليوم .. ضربته بقوووووة الصراحة ..
لانه عارف نفسه غلطان و مو اول مرة و مكرر الغلط بزيادة ..

و حتى و انا جاية .. يقولي ماما ما ابغاكي انت
ابغى الشغالة ..

عارف حاله غلطان .. و برضو ..
مستمر بغلطه

كل اللي بتحكي عنه طبيعي بين اخوين
وتصرفاتهم مثل تصرفات اغلب الاطفال في هذا السن

يمكن كثير ناس يلوموني لكن الان انتي حترتاحي بعد ما ضربتي ولدك الكبير لانه حيحطها في باله مره كويس قبل اي شيء غلط يعمله وتكوني انتي منبهته من قبلها كم مره انه ما يعملها وبيعاندك

انا من الناس المؤيدين للضرب في بعض الحالات واحب اقولك انه تجئ فترات للاطفال يصيرو عنيدين ومايسمعو الكلام يقعدو كذا كم اسبوع وبعدين فجأه يتغيرو ويصيرو حليلين ويسمعو الكلام وبعدين يرجعو للحاله القديمه وهكذا

مضاربة الكبير مع الصغير عاااادي نفس اللي عندي يتفننو كيف يغيظو بعض ويقهرو ويبكو بعض نادر جداً جداً انهم يكونو منسجمين في اللعب

عدم اكل الصغير وحوسته جداً تنرفز وانا مثلك أعصب لما ما ياكلو بس خلاص ما باليد حيله

انا شايفه انه ردات فعلك جداً طبيعيه وماني شايفه انك مجرمه او قاسيه بالعكس طبيعيه جداً جداً

مابيدك غير تطولي بالك .

كريستالة ..

صادقة بكلامك ..


هذا اللي لاحظته ..

.
.

جات فترة ، قلت لزوجي ( انت تعامل معاه ، أنا تعبت معاه خلاص ) ..
لما بدأ أبوه يشد معاه ، و أشيل يدي ..

صار يمشي ولدي زي الألف ..

.
.

المشكلة ، إنه زوجي عجبه الحال ( و صار يحط حرته في ولده ، و أنا بديت أنبهه )
لإني شايفة ولدي خلاص صاير كويس و يسمع الكلام و يحتاج تشجيع و مدح ..

.
.

حاسة حالي (( محتاجة فترة اجازة .. ابعد فيه عن جو المنزل ، و عن الأولاد .. بس للأسف ما أقدر : ( ))

و كويس طمنتيني ، إني طبيعية نوعاً ما ..
لإنه مثل ما قالت ( سيدة الموقف ) ، الهرمونات تبع الحمل ، لاعبة فيا لعب بجددددددددددددد ..

و ماسكة حالي قد ما أقدر ..

لو الشغالة ماهي فيه ، ما أدري إيش كان بيصير فيا و فيهم ؟؟؟؟

طريقة سيدة الموقف روعه وممكن بدل الكرات والفازه نجوم على ورقه

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ما أعرف المشكلة من فين ألاقيهم أو اشتري الأشياء هذه ؟؟؟ : (

هذه يا قلبي امور جدا عادية يا روح
حتى ردات فعلك جدا هادية
انت بس ديري بالك على نفسيتك وصحتك وصحة النونو
طبعا انا متابعة مواضيعك
وهالشي الي بتحسي فيه بس لانك مفتقدة والدتك الله يرحمها ووحام هالبيبي غير
لانه بالعادة بتكون امك مهتمة فيك الله يرحمها
حاكي حدا من خواتك قريبة ع قلبك واحكي لها هالتفاصيل مثل ما كنتي تحكي لوالدتك الله يرحمها وبتحسي بنفسيتك تغيرت
حاسة فيك يا قلبي بس متاكدة انها مرحلة وبتعدي ع السريع

__________________

شكرا الزهرة الجميلة على التوقيع الرائع
الله لا يحرمنا منك

تسسسسسسلمي العمرية ..

لإني حاسة حالي ، بأوصل لمرحلة ( الجنون ) بعض الأحيان ..
من كثر ما أضغط على حالي و أعصابي ..

صاير ولدي الصغير مزعج ، و لما أركب السيارة .. بس يتحرك و يتعبني ..
ما أعرف ، إذا ( بطني بانت ) ،، إيش بيصير ؟؟؟؟

ناوية الشهر الجاي أجيب كرسي الأطفال و أحطه بالسيارة و أخليه يتعود عليه ..
لإنه يتعبني مرة بالسيارة .. و حتى بالنوم ( بدأ يصحى نص الليل من شهرين )
و يدور علي ، و يجي ينام جنبي في السرير ..

و هو نايم يحرك يده ( يدور علي ) ..

.
.

ما أعرف إيش اعمل إذا جا البيبي ؟؟؟؟

أحس ولدي هذا راح ينظلم ..
لإنه ما أخذ كفايته من الإهتمام و الدلع ، مثل أخوه الكبير ..

.
.

لكن بإذن الله ، راح أركب لولب لمدة خمس سنوات عالأقل ..