لا احترقت ولا يحزنون!!
بس هذا هو اسلوبي <<يا رب يكون حلو

كان مجرد تذكير بأنك بعد ما يتزوج بيبدأ السنع والزين كله بس بعد ما فات الفوت
ف ابدأي من الحين احسن
الا ان كنتي متقبله فكرة زواجه وتشوفين فيها مصالح اخرى ف براحتك

وبعدين اش دراك يمكنه كان يطلب من زوجته اللي يطلبه منك الحين
ولما رفضت طلقها انتي احمدي ربي ما طلقك بس بيتزوج

دامه مجرب مرتين ؟ لا تعطينه وجه إذا جاب سيرة الزواج ،
ومن الحين الآن الآن احرصي و ألحي باللين و بكل الوسائل و الطرق الممكنة عدا الطرق العنيفة أنه :
" يكتب البيت باسمك " ،
و إذا ما نفع فلا تتنازلين بأقل من نتيجة أنه يكتب نصفه باسمك .

ودامك مقتدرة جيبي خدامة من الرخاص تخفف عبء العيال بس مؤقتا هالفترة "تضبطي لاتخلين له حجة".

سواء من نفسه أو من تأثير الآخرين كثير من الذكور يطمع بالزوجة الجديدة بعد بناء مسكن جديد.

" سبحانك اللهم وبحمدك أشهد أن لا إله إلا أنت أستغفرك و أتوب إليك "

هذي نصيحتك الحين !!!!!
وانا اقول خراب البيوت والطلاق بزياده طلع من النصايح اللي اقل مايقال عنها انها خراب بيوت
خافي ربك يابنت الحلال
قال رسول الله صلى الله عليه وسلم: من خَبّب على رجل زوجته أو مملوكه فليس منا.

وكل هذا عشان الرجال طلب من زوجته تتزين له !!
يعني ماتوشفين ان من حق الرجل ان زوجته تتزين له وتلاطفه وتشبعه عاطفيا وجسديا ؟
اجل وين الكلام اللي ذبحتونا فيه الانثى والانثى

يعني زوجك يبغى ليالي حمراء وصفراء وخضراء

ههههههههه عجيب زوجك والله لو تدفعي قيمة الازياء التنكريه والحفلات من حر ماله مارح يطالبك بها

لكن جامليه كل اسبوعين سكتيه فيها

واحب انصحك نصيحه الرجل لما يشبع جنسياً والله مايفكر لا بازيااء ولا غيرها
ذكرتي انك رشيقه طيب تعلمي فنون الجماع ياعسل والله ماتخليه يفكر مجرد تفكير بغيرك وحاولي مايمر ثلاث ايام الا اخذ حقه الشرعي ورح اذكر لك قصه عجوز رهيبه

كنت جالسه مع العجوز هذي ومعانا 2 ضرات والضرات حريم كبار وجات سالفة انه زوج الضرات يبغى يتزوج الثالثه قالت العجوز علمتكم وماتبغون تتعلمون والله ماعاد يفكر في غيركم

ضحكت وقلت خاله تكفين علميني هههههههه قالت بسالك اذا مرت بنت متبرجه امام واحد عزوبي واحد متزوج ومكتفي يعني زوجته مو مقصره معاه في الجنس كيف يطالعو لها قلت اكيد الاعزب بيكون ولهان اكثر

قالت زوجك لاتتهربي منه ولا تخليه يمر ثلاث ايام ولا اخذ حقه وهذا حق لك مو بس حق له لانه بتكون نظرته للحريم اقل شهره من الي عنده فراغ جنسي ويعاني من زوجته .....

اتمنى وصلت فكرتي لكن ازيدك انه انتي لازم تستمتعي يعني طالبي زوجك يكثر مداعبه وينسيك مشاغلك وتفكري في متعة اللحظه الي انتي فيها ......


انتي واضح عمليه وتشيلي هم الجميع خففي ياقلبي من المسؤليه ولاتنسي الكلام الحلو والابتسامه والله تاثيرها اقوى من ليالي الحمراء والفسفوريه ههههههه

انا والله عمري ماسويتها لانه ماتعني لي شي اذا مافي استمتاع في الجنس

رد يختصر الكثير

__________________

اصحي حبيبتي قلبي قبل لا يطيح الفاس بالراس و تندمين

__________________
لا اله الا انت سبحانك اني كنت من الظالمين

حبيبتي اذا كان يتلك صكي عليه هالباب
عشان مايحط العله فيك وتكوني ابريتي ذمتك
ولا يقول شي
وبغض النظر عن التنكر والحفلات
انتي تقولي كرتين بالشهر ومالك خلق
يعني انتو ياما حبا وياما برك
مافيه حل وسط
ياحفلات ومبالغه. يا مالي خلق ويادوبك مرتين
خليكي انسانه طبيعيه تشيكي وعطيه ريق حلو والبسي
ولا ترديه عن حقه ابد

اسف على الكلام اللي راح اقوله .. بس فعلاً البرود اللي فيك لو خلاك تخلينه يتزوج عليك ..

يوم من الايام تبكين دم تعرفين شلون تبكين دم ؟؟


راح تندمين وتتذكرين كلامي .. ما راح أشرح لك الاسباب .. أترك الدنيا تعلمك الدروس بنفسها !!

نصيحة لك أهتمي في شكلك وجمالك وحققي رغبات زوجك وعفيه وعفي نفسك !!

أكرر أسفي على الاسلوب الجاف .

شكراً

الحل بسيط ( بالتأكيد) حتى أنتِ ذاتك ما يصعب عليك أنك تتزينين كأنثى و تعرفين كيف ( تجملين حالك من إلى)

لكن …
أنت وصلت لمرحلة ( إجهاد نفسي) و إحباط ربما …
يمكن حاسة انك صرتي ضايعة و ما فيه هدف و شايفه انك تعبتي وهو ما قدر هالتعب و يمكن جاك الاحباط اكثر لانك حاسة بشوية عتب ليه انك اهملتي و تحملتي و محتاجةاللي يربت عليك و يرمم نفسيتك بعد المسؤوليات …… و التعب

أنت ( مجهدة) و محتاجة تستعيدين ألوان الحياة اللي فقدتيها … تعوذي من ابليس و حاولي توعدينه بالتحسن القريب إن شاء الله بس يعطيك شوية وقت بس! انتبهي تقررين قرارات مصيرية و كبيرة بمثل هالوقت

صحيح ، واظنه الحل الصحيح الوحيد للاسف ..
يؤسفني النقد اللاذع للخطا دون تفهم الاسباب فهناك فرق واضح بين
من ترفض التزين لوقوعها تحت تاثير ضغط ما وبين من ترفضه تهاونا ..

لمن لم يفهم قولها : (اشعر بالاهانة ان كنت ساتزين لكي لا يتزوج علي )
فالقصد منه هو انها تشعر بالاهانة ان كان تزينها لدافع الخوف فقط من ان يتزوج عليها
بغض النظر عن ظروفها النفسية التي قد تجبرها على ذلك ، فالمسالة اشبه بلوي الذراع ..

عزيزتي ام غاليها ..

انت تعلمين جيدا ان الضغط النفسي الذي رزحت تحت وطاته لوقت ليس
بهين قد نتج عنه اجهاد نفسي امتص كل طاقتك فجعلك تفقدين الدافع للتزين
والتجمل ، وهذه مرحلة تمر بها جميع الاناث عزيزتي لكنهن لا يحسن التعامل معها
كما فعلت ، فلتخبرني زوجك بود (بـــود وحنان) انك تودين صدقا ان تاخذ عيناه منك ما تشتهيان
لكنك فقط مرهقة بسبب المسؤوليات الماضية وتتمنين منه ان يمهلك من الوقت شيئا
حتى تعود اليك انفاسك .. فقط اخبريه بذلك وسيتفهم ان عدم رغبتك بالتزين ليست اهمالا
مقصودا منه انما لما مر بك فحسب .. احذري ان يفهمك زوجك بشكل خاطئ ..

__________________



احيانا يجب ان نفقد ذواتنا كاملة لكي نستعيدها كاملة ...