حياك الله اخي الرسمي

بالنسبة لي المشكلة ما انتهت لأني حسيت ان زوجي جاد في كلامه وماكان بيمزح.. وتحسست لأنه أول مره يعطيني اياها في وجهي بهالطريقة

أحيانا كان يلمح لشغلات معينة وكنت أفهمه وأحاول أسوي اللي هو يبيه لأنه مقدور عليها.. بس الشغلات اللي طلبها الحين ما تتسوى إلا بعمليات

أما بالنسبة للنقطة اللي ذكرتها بخصوص زواج زوجي (لا قدر الله) ما أخفيك انها هاجس عندي (الظاهر صرت مفضوحه في المنتدى )

وعشان كذا أحاول قد ما أقدر أملي عينه.. خصوصا بعدما اكتشفت خيانته لي في السنة الأولى من زواجنا

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

بصراحه ..حسيته يطقطق عليك !
بس اذا لسه شاكة اقولك رايي تقدرين زي ما فتحتي معاه مقطع و صور المتحول توجهينه لشي آخر و تصرفين تفكيره
افتحي معاه مقاطع العريفي و قولي شرايك تصير زيه و انا اصير زي زوجته
العريفي مثال ،عاد شوفيلك شي طيب زيه

__________________

‏
الوعي هو الملاذ ..

أستغفر الله العظيم ؛
( الفردوس غايتي )

اعطيه طنااااااان ولا كأنك سمعت شيء وانتبهي تغامري بنفسك ترى هذه العمليات بكثر ماهي مغرية بكثر ماهي خطيرة قولي له يقول الحمد لله على نعمة العافية لا يفقدها

يا ليت بايدي أطنش الموضوع بس غصبا عني تجيني الأفكار

والله ياوخيتي أسمع ناس يقولون انها خطيرة وأسمع ناس يقولون ما منها خطر ولا شيء.. عاد الله أعلم

لكن الحمدلله على كل حال

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

يا الله يا أم خالد

تدرين أن أمنيتي ان زوجي يلتزم ويترك عنه المقاطع المنحرفة ويصير يتابع المقاطع الدينية

أنا أساسا كان ودي أتزوج انسان ملتزم بس للأسف ما تقدم لي ولا واحد ملتزم أو حتى يظهر عليه الالتزام.. كلهم للأسف مدخنين ومسبلين الثياب وأصحاب سفريات

وافقت على زوجي لأنه الوحيد اللي قال انه مايدخن ولا يشيش ولا هو راعي سفريات

بس للأسف طلع يدخن ويشيش ويكره الملتزمين

الله يهديه بس

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

أشغلتني دنياي......

-تذكري إنه القلوب بيد الله يقلبها كيف يشاء

ماقد شفتي وحده مافيها من الجمال شي حتى الجسم مافيه إغراء وتلاقي زوجها ميت عليها والله اشوف نماذج كثيره ماشاء الله



- طيب سألتي شيخ معروف وقالك حلال وطلعت العمليه مثلاً ب100 الف ريال سألتك بالله تقدري تتصدقي ربع المبلغ هذا دفعه وحده زي ماقدرتي تدفعي ضعفه مرتين؟؟؟؟؟

الصدقه هي الباقيه عزيزتي وجسمك بياكله الدود في يوم من الايام والمئة ألف رح يسألك عنها ربنا لانه في الحديث نسأل عن أموالنا فيما نفقناها

من حقك تهتمي بنفسك وتدفعي فيها لكن تذكري أيهم أبقى جسدك أم الصدقه ....

كلامك صحيح 100% ولا اعتراض عليه

يسعدك ربي يا متفائلة

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

لا تركزي على كل كلمه يقولها زوجك ! هو قال امزح اذن يمزح وطلعي الكلام السلبي من اذنك اليسار ! ... هاذي مشكلتنه احنا النساء مانمسك الكلمة الا السلبية ونترك كل الكلام الحلووو او الايجابي ... زوجك من اول ماتزوجك شايف عيوبك وحابك بعيوبك ... والدليل انه مو متقصد انه يطلع عيولك او يبين لك انك مو عاجبته هو اقتراحه للعمليات لكي وله هوو يعني مافرضها عليك بل على نفسه ايضا ...

حبيبتي لا تتحسسي حبتين ،، والعيوب اللي ركزتي عليها ممكن اخفائها او حتى تخليها مركز للاغراء والتميز شنو ماكانت ققط تحتاجين للارشاد وتقدرين تبحثين بالنت عن هالشي ...

ذكرتني مشكلتك بموضوع احدى القريبات كانت تعاني من حول بالعين ملاحظ تدرين ماجا وقت زواجها الا الكل انبهر ماشاء الله تبارك الله مافيها اي مشكلة الكل قال هاذي مسويه عملية و جسمها بكبره متغير ،،، بالنهاية قالت لي انها عملت لها عدسات متخصصه تعدل عينها وعملت ريااضة قوية مع تعديل وجبات واهتمام ... بالنهاية مو ضرط العمليات هي التعديل الوحيد لعيوبنه بعض الاحيان عقلنه هو اللي يحتاج تعديل !

شسوي غصب أمسك هالكلمة السلبية لأنها صادره من زوجي مو من أي واحد

وبعدين للأسف زوجي عمره مامدح جسمي وشكلي إلا أيام الخطوبة

بعد الزواج كنت أهتم في شكلي ولبسي لكن زوجي ماكان يمدح وأحيانا أحسه مايلاحظ أو انه ملاحظ بس مطنش.. يدخل من برا يشوفني متكشخه ولا يعلق ولا شي كأني مزهريه قدامه!

صحيح عمره ما علق تعليق جارح أو انتقدني بشكل مباشر (قبل هالمره) بس في المقابل ماقد مدح شكلي وجسمي وأثنى عليهم!

أنا مو مشكله كبيره عندي كون انه مايمدح بس أهم شي ما ينتقد لأني حساسه جداااا من ناحية الانتقاد (أدري انه عيب فيني)

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

اختي مثلا الجسم بشوية رياضة وتخفيف بالاكل بيتحسن الشكل
مثلا الاسنان تتعدل عند طبيب الاسنان
اما غيره لا والف لا
العملية التجميلية فقط لعيب خلقي اوحرق طبير مشوه او تشوه بسبب حادثة
وبس
اما الخلق ما يعجبهم شي
الحمد لله على الصحة والعافية الواحد لايجيب لنفسه مرض

__________________
وقل ربي ادخلني مدخل صدق واخرجني مخرج صدق واجعلي من لدنك سلطانا نصيرا
ربنا هب لنا من ازواجنا وذرياتنا قرة اعين
واجعلنا للمتقين اماما