اما انه يعطي اخوه عجيب كلامك بصراحه اجل تبيني اشوف اخوي محتاج واتركه!!
هذي الرجوله بنظرك

هدئ اعصابك..لو قرأت ردي الاول لكنت لاحظت اني امتدحت شهامته وانتقدت غيرة زوجته التي في غير محلها .من امه ..ولم يعجبني القول بان يجعل جواله صامت عند زوجته ومدري ايش مثل ماقال اخي الرسمي انها امه تكلمه ويكلمها متى شاء وقدام زوجته بعد ..لكن كل له حقه وباعتدال ما أجي اقول زوجتك سحابة صيف اخي وان اهلك واخوانك هم عزوتك وهم سندك واعتبر الزوجة كانها شي مو ثابت في الحياة..هذي غلط بعد هو ان جيت للحق فعلا مو معقول اخ متزوج وعاطل وهو يصرف عليه للابد الا اذا كان مريض والا تكون عطيته له من دون تقصير في بيته الاول من فترة لفترة شوف وانا امرأة لما ابوي كان يمشيلي مصروف وانا متزوجة وكان زوجي قطاع اهلي وقتها كنت احس بالاحراج ونفسي مارضتها الا ان وفقني الله بوظيفة حكومية فكيف برجل صاحب عائلة انا جد مستغربة هذا شي راجع له لانه وراه مستقبل بعد محتاج يوفر لبيت لعائلته ....عموما موضوعه اتضح لنا اكثر بعد ماقام يعلق ع الردود هو الاخ الكريم ماذكر في بداية موضوعه انه يعطيها مصروف بعدين قال انه يعطيها شي معقول مع الصرفيات وقت الطلعة فمالها بعد كذا حجة ...في النهاية بعد تعليقات صاحب الموضوع وتوضيحه اكثر رايته بيضاء و ماحس لزوجته اي عذر انها تزعل او تتكلم عليه فماله الاانه يتفاهم معها بهدوء ويعلمهاان الحياة محتاجة تضحية من الطرفين مو طرف ياخذ ويبي احد يدلعه بس وطرف يعطي ويكرف من دون شكر او حمد .خلاص هي صارت زوجة مسؤولة الحين مو بنت مدلعة عند اهلها ...الله يصلح مابينهم

المشكلة أنك بالفعل كنت صريحاً معها منذ البداية .. لم تخفِ شيء ولم تتحايل أو تلف وتدور!

وفي المقابل هي أبدت تفهماً ـ قبل الزواج ـ ووعدت بأن تتحمل سوء الوضع لمدة سنتين.

فكيف تطلب الطلاق بعد ثلاث شهور فقط؟!!

يعني حتى صبرها قليل وبالها مب وسيع!

__________________


اللهم طِيبَ الأثر .. وحُسْنَ الرحيل.

ربي يزيدك عقل و انصاف .. دايما حُكمك منصف ..
مدرى الاخوات هنا اخذتهم العاطفه و مااستوعبوا الموضوع تمام
الاخ يقول انه اطلعها على كل ضروفه ووافقت بمل ارادتها ماحد جبرها ..
بعد مادفع وكلف على نفسه و مهر و زواج وبيت و مصاريف وثلاث اشهر بسس..
تجى الاخت تملل ..! وتنقض الوعد ..!
ماذا لو ان الزوج اللى نقض شروط زوجته هل راح يكون نفس الكلام هنا ؟!
نعم الزوجه لها حق و حقها لو رجعنا للشرع اخذته كااامل هنا وزياده اجل مصروفات
وطلعات كل اسبوع 500 فوق المصروف الاساسي و الاخ شقيان و تعبان و فوق هذا طلعات
وتتذمر من اتصال امه !!! و بتفرق بين الاخوان ..!!
حق الام اعطم حق بعد حق الله تعالى وقله عقل من الزوجه ان تقارن نفسها بامه
ماذا لو تزوج باخرى ؟!! وهذا حقه ايضا ^_^ مثل حقوقها اللى اخذتها
هل تمنعه من زوجته وتتذمر ان نزل لها ..!
ياخى الانسان يبحث عن راحته و انت ماقصرت ورايتك بيضاء و لا غشيتها
وهذى من اول الشهور بدات ترهقك ..!
الله يعينك و كون اكثر حزم ..

متى قال انها قارنت نفسها بامه؟! تذمرها كان من جعلها اخر الاولويات حسب كلامه.. ولا طرينا ان الام مالها حق او مساوية للزوجة.. بس ليش ربط العلاقة بين الزوجة وبين الام بهذه الندية انا ماني فاهمة ابدا شي جدا مختلف
اعطاء الام حقها لايعني التقصير بحق الزوجة.. وكون الزوج اعطى زوجته مايعني ابدا انه مقصر عن امه لمجرد انه اعطاها.. والتعدد قضية اخرى تماما والاخ مو لاقي وقت ولا جهد لزوجة واحدة عشان يتزوج ثانية
ياحبك لطاري التعدد 😂

اعتراضنا ياستي كان على نقطة الاخوة العاطلين وتحميل نفسه فوق طاقتها وان الزوجة لها حق برضو فقط فقط والحرمة ماصار لها 3 شهور عشان يحدد انها قاعدة تصرف بهبل اذا كان بهذا المعدل.. لين جينا للواقع مصرفها عادي اذا جمعتي المبلغ المذكور يطلع مصروف زوجة بالمتوسط على راتب متوسط مو شي خرافي.. موضوع صرفها اخونا بالله ماتصرف معاها ولا اعترض لحد الحين وموضوع الطلعات والخرجات البنت للحين عروس برضو مش شي خارق يافليكا.. معلومات الموضوع لاتزال ناقصة ما اظن انها بتنفجر فجاة وتقول ما اقدر
عموما جانب الاهل مجهول وقد تكون في مشاكل من جهتهم

__________________

اختلافي عنك لا يعني اختلافي معك

هلا اختي ..
الطامة الكبرى ان الاغلب من الزوجات عندنا يعشن على ثقافه زوجيه مدرى من وين جايه !!
لا هى ثقافه اسلاميه شرعية و لا ثقافة اجنبيه مستورده ..!
لا تعرف مالها ولا ماعليها ولا يوجد انصاف من النفس و لا تطبيق حقيقي للحقوق والواجبات ..
تدخل الزوجه بنفسية عدائية وكانها ساحة قتال الغلبه فيها للاقوى و نصايح النساء تعزز لها ..
"لا تعطيه ، لا تسوى له ، حقك و زوجك و ملك لك وامه و اهله ووو " ..!
طيب وبعدين .. نتذمر من حالات الطلاق و شتات الاطفال و تلبس دور الضحيه اللى عملت و حافظت و ماقصرت و تلوم الزوج .. !
الزوجه و الزوج ايضا لابد ان يعرفون واجباتهم وحقوقهم بشكل جيد من الشرع والقانون المطبق لدينا
لا من ام ولا اخت ولاصديقه ..
وكثيرا مانقول على الزوجين ان يصارحوا بعض قبل الزواج و العقد و يجلسوا مع بعض
و يعرف كل منهما ظروف الاخر و يضعوا شروطهما .. ان حدث قبول واتفاق كان بها
ان ام يحدث فيتفرقا قبل العقد ..
اما حكايه اوافق و بعد كم يوم او شهر اتذمر و ماقدرت و يالله غير طروفك !! هذى ماتمشى ..
ثانيا للزوجه حقها من مبيت و نفقه و عشره بالمعروف و في حدود الاستطاعه ..
ولو رجعنا للشرع فحق الزوجه ليلة من اربع ليال < فيها تفصيل مايحتاج ندخل فيه ..
ليس للزوجه حُكم بمال زوجها وليس لها سواله عنه ولا على من ينفقه و ليس لها منعه
الا لو كان المال مالها الخاص من عملها و تعبها او ورث ورثته ..
ليس لها منع الزوجه من امه او ابيه او برهما باى طريقه كانت ..< كبيره جدا انه يطلع عشان يكلم امه
عشان الزوجه يضايقها هذا ..!
ليس لها منعه من صله رحمه واولاهم اخوانه واخواته باى طريقه يراها هو ..
الاخ ماقصر و كثر الله خيره ..
مثل مانقول الزوج العاقل يوازن ..
ايضا الزوجه العاقله تعينه على بر اهله و امه بل حتى اصحابه الاخيار
تربط بين الاهل و لا تفرق ..
لا تدخل الوحده بيت الناس مثل الشيطان تفرق و توغر الصدور و تتوهم ماليس لها
وتعتقد انه هو ماله ملك لزوجته ..!
بل ( انت ومالك ملك لابيك ) تقاس عليه الام .. لا الزوجه ..

التعدد ^_^ باذن الله رسالة ماجستير قريبا
دراسه تحليليه شرعيه قانونيه نفسية ..^_*

👍👍👍👍
ارفع قبعتي احترامآ لكلماتك اصبتي كبد الحقيقة المغيبة

__________________
سبحان الله وبحمده سبحان الله العظيم

سؤال : لماذا تزوجت الان ؟

الا ترى ان وقت زواجك جدا جدا جدا سيء

احد يتزوج انسانه ويتركها من 4 الفجر الى 10 بالليل لا وعروس بعد ؟

عزيزي صديقي زوجته موظفة ومكان وظيفتها بعيد وشرطت الوظيفة ووافق ماجرب الوضع ابد وبعد الزواج ماعجبه الوضع ولا تحمل وطلب اما تتنازلين عن شرطك او ننفصل

انت ماشرحت وضعك لها الا لسبب واحد فقط ان يكون حجة لك انك قد شرحت لها كل شي وماغشيتها

مع ان الواقع يقول ان لااحد يعمل صباحا ويدرس مساء ويتزوج وهو ليس مستعدا للزواج

وكثير عملوا بما كنت تعمل لكن مجتمعك تشوف انك الوحيد

اشتغلنا ببسطات نشتري كراتين برتقال ونبيعها عند المساجد وقت دراستنا في الجامعة
واشتغلنا في مطاعم وقت ماكانت الرواتب فيها ب 1500 ريال

واشتغلنا بشركات ودرسنا بس ماتزوجنا لانه مو وقته ولو تزوجنا بنظلم بنات الناس

راجع نفسك ولاتظلم بنت الناس

ممكن تجيب على السؤال ببداية ردي اتوقع انك ماشفته

انا اشوف ان كل مشاكلك ان زوجتك ماتشوفك الا ساعتين او 3 وتكون فيها منهك فماتاخذ حقها في زوجها لا عاطفيا ولا جسديا وهي في ذيل الاولويات لا ليست في الاولويات بل تعتبر شي ثانوي

من وجهت نضري اخونك اذاهم كبار ويستطيعون الشغل ليه مايشتغلون ويصرفو على نفسهم وامك اكيد لديها ضمان اجتماعي هي وخواتك البنات الي مو متزوجات والله مومساله زوجتك تغار من اهلك هي تشوف ان اخوانك ليه مايشتغلو مثلك لديها حق في بعض الامور انت صرف على نفسك وزوجتك لن المراءه تحب تشتري من لبس ومستلزمات خل اخونك يشتغلو يعتمدو على نفسهم انت خلص تزوجت وعندك بيت وبكره ييجيك عيال☺

روح صالح زوجتك وتعوذو من الشيطان الله يوفقكم