ربي يتمم لك على خير يا عروستنا الحلوة

طمنينا عن اخبارك نبي التفاصيل التفاصيل بكره ان شاء الله

__________________

بارك الله لكما وعليكما وجمع بينكما في خير اختي الفاضلة

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

اخويه الكريم

تهنئتك لي تاج على راسي .. واسعدني بصمتك لي في ظل هالفرحه اللي شايلتني .. ربي يحفظك

متابعة لك سررت بالأخبار
مبروك الله يتمم لكم على خير.

__________________
( قال الله تعالى : يابن آدم إنك ما دعوتني ورجوتني غفرت لك ما كان منك ولا أبالي ، ياابن آدم لو بلغت ذنوبك عنان السماء ثم استغفرتني غفرت لك ولا أبالي ، ياابن آدم إنك لو أتيتني بقراب الأرض خطايا ثم لقيتني لا تشرك بي شيئا لأتيتك بقرابها مغفرة )كربي عظيم ادعوا لي (اللهم لا تكلفني من كرب الحياة ما لا أطيق)..

يا ترى ملجت والا بعدها؟


الله ييسر أمورها ويبعد عنها الشر.

__________________


اللهم طِيبَ الأثر .. وحُسْنَ الرحيل.

ملجت يامهره وكنت حاسه بموافقه ابويا وتطمنت من اللحظه اللي قال قوم بنسوي التحاليل .. لانه الملجه مابتم من غير فحوصات طبيه ..


والشر ماييج عزيزتي والملجه محد وايد يانا اللهم ريم ماقصرت لزمت على ربيعاتها ايوون وصار خليط اجانب واسيوين علينا بس والله شالن المكان من الفرحه واليباب واللي يببت جاره اختي الكبيره ..بعد ماقصرت جاراتها يوونا وغير شوي من جيرانا الاولين في الفريج الجديم واصلن ملجنا في البيت لانه البيت عوود ماشالله وسدهم وزود المكان .

بس اخخخ اختي ماخلتني اقعد مع سالم رواحنا يلست بناتها الصغار ... ومن طلعن دش خليفه علينا اونه يدور شي وشوي يسوي رةحه لاهي بالفون ماشي تموا جي وسالم مستحي ويضحك واخرتها دشوا ريم واليازي وطاحن سوالف مع سالم وانا من داخلي على اعصابي ..

وكملتها ام حمدان زقرت سالم تعال بخبرك الا الريال مسكين حس انه بيحققون معاه شوي وتقوله اقعد تعشى مجهزة عشى في الصاله الصغيره وسالم ماقدر يقول لا .. وشوي كل عيال اختي واختي ريم وخليفه واليازي والبنات الصغار قعدوا معانل يتعشون كل واحد يقول انا كنت اقهوي والثانيه تقول كنت اقرب وارحب ومني مناك .. وعقب بيني بينه بالفون سالم قالي والله تفجات روضه اهلك ناس اجتماعيه وموب رسميين ..مثل ماكنت متخيل انا الحين ارتحت وايد الاول حاط في بالي ابو روضه الوحيد حنون الباقي شايف نفسه قلتله ظلمتهم بس طبيعه اهلي اللي مايعرفونه مايطيحون الميانه بس انت صرت منا وفينا عادي

الشي اللي ضحك سالم بنا اختي اصغر وحده عمرها 7 سنين لازقه في سالم ومافارجت ... وسالم مستحي يضحك .. اختي تهد عليها وتقولها ايمانوا بتنضربين تعالي .. اوف يالسان عليها الصغيره سالم عاد قال سيبيها مرتاح والله موب مضيجه .. وحمدان ومنصور وخليفع اندمجوا في فيلم ويتعشون.. صارت لمه عائليه ناقصه وايد لكن ماانكر اني استانست

مع انه اختيه الريم قالت ظلمج بالشبكه وساعه شي خفيف وايد وجي قلتلها الشبكه قدرها موب بسعرها وتراه ريالل بيمد ريله على قد لحافه .. قالتلي بكيفح بس تراني قلتلج .. والله يوفقج

ذكرتيني باخت ريلي يوم ملجت .. عقب ما خلصت الحفلة استأذنت من امها انها تيلس مع ريلها في الميلس رواحهم .. وامها وافقت .. شوي وطلعت ما ادري شو تبا من الصالة .. وعقب يوم بغت ترد اختها الكبيرة تنغز فيها تقول لها: ليش رادة ؟ بسج! اثقلي اثقلي ..... المسكينة طالعتني تستنجد فيني وتقول: ام سلطان انا قلت لامي! .. قلت لها: ما عليج من اختج .. ردي حق ريلج


يعني لازم شوية حركات مني مناك .. احس بعض الناس تحبب تخسس في المعاريس .. يدرون خاطرهم ينفردون شوي فتشتغل حركات العواذل .. وبيني وبينج حلو نلعب على اعصابهم

بس تظل ذكريات حلوة.



حددتو موعد العرس والا بعدكم؟

__________________


اللهم طِيبَ الأثر .. وحُسْنَ الرحيل.

بس والله مهاري ترى اختيه ماتسوي جي وشي بقلبها من خوف ومحبه فديتها .. والعرس اختي تباه ع السنه اليديد قالت موب مستعيلين ونبا نجهز ع الراحه قلت بعيد قالتلي لا بعيد ولاشي الريال موب طاير ..
وعم سالم قال لابويه تشاورا متى ماناسبكم ردولنا الخبر وسالم يقول يباه بعد اسبوعين . بس مستحيل بعد اسبوعين انا اقول جانه حلله ماعندي خلاف بالدخله موب مستعيله عليها والله لو بعد سنه مابقول لا بقول احسن نسيت كل ايام مواعد ي معاه مشاعري الحين احلى بوايد شعور ثاني ماينوصف في كلمات ..




وسلامتج عزيزتي

اسبوعين؟!!!

قولي له استريح بس!!


جهزي عمرج مثل اي بنت .. ولا تستعيلين وسوي كل شي على الراحة مثل ما قالت اختج عشان يطلع مثل ما تبين ومثل ما خواتج يبن .. الفرحة مرة وحدة يا روضة .. وبداية السنة أساساً مب بعيدة.



وكلمة أخيرة واقفة على طرف لساني .. فيني دودة وما ايوز

ما ادري سالم كيف تكفل بالأمور المادية من مهر وخلافه .. ولا اباج تتكلمين عن هالنقطة اذا مب حابة .. لكن في كل الأحوال خليه يؤدي التزاماته .. ولا تبادرين بالمساعدة الا في الشديد القوي مثل ما يقولون.

حتى لو انتي تشوفين انه ريال على قد حاله وما تبين تضغطين عليه .. خليه يسوي اللي عليه على قد ما يقدر.

وحتى لو انتي شايفة انه ريال زين ويستاهل .. اصبري شوي لين تعيشين معاه وتتأكدين من خيره أو شره .. وإن شاء الله ما يكون فيه شر .. وعقب تصرفي بالطريقة اللي تريحج.


موفقة.

__________________


اللهم طِيبَ الأثر .. وحُسْنَ الرحيل.

-
الله يوفق ما بينكم ويجمعكم على خير
ويجعل فرحكم دايــــــــــــــم

__________________

-
يَاربِ تمّم بالفَلاحِ مَسيرتي ..