لا يا اختي ..
مافهمتيني ..
المشكلة كبرت ..
أخت زوجي متضايقة لأني رفعت صوتي أمامها حسب قولها ..
اليوم رحت غرفة أمها وكانت موجودة ..
وسلمت بالسلام عليكم ..
فلم ترد علي ..
حتى السلام لوجه الله امتنعت عنه ..
لا حول ولا قوة إلا بالله ..
أم زوجي تحاول ألا تبين حنقها علي ..
لكن واضح من طريقتها ..
حتى لا تضع عينها في عيني ..
وهي كانت مع بنتها لما أشتكت من زوجي ..
وكانت تأيدها وتقف في صفها إني غلطت ..
الجو متأزم ..
وأنا قاعدة ببيتهم وأحس إنهم كارهيني ومايطيقوني ..
والسبب إنهم مايبغوني أقول لهم امنعوا هالحلويات عن بنتي ..
أنا أبغي أمي تكلمهم ..
وتقول لهم بنتي صابرة عليكم سنتين .. وكل اللي تطلبه منكم إنكم تحترمون رغبتها ..
وتخلونها تربي بنتها على كيفها وماتفسدون البنت عليها ..
وتوضح لها إني إذا انفعلت وعصبت فهذا من حرقة قلبي لأن الكلام بالهدوء والطيب مافاد معاهم ..

مش عارفه أقولك إيه فعلاً مشكلة صعبة و لكن خلينا نهتم بالحلول الاهم فالمهم

أختي الغالية : مش هينفع تطلبي منهم مش يجيبوا حلويات في بيتهم علشان بنتك ،، مع إن المفروض إنهم يعملوا كده من نفسهم لكن زي ما بقول من نفسهم لكن إنت مش هينفع تقولي

بالنسبة لبنتك فالله يعينك و يحفظها ليك يارب ،، بالنسبة لأكلها في كتاب طبخ اسمه الكعك و البسكويت من كتب الفراشة في أشكال و طرق مختلفة لتزيين أكل الأطفال يعني بسكويتات على شكل عرايس و سانويتشات على أشكال حيوانات ... و حاجات من هذا القبيل حاولي تعمليها و إذا مش لقيتي الكتاب حاولي إنت تبتكريها

هاتي القوالب اللي على أشكال مختلفة صغيرة و قطعي بيها السندويتشات و زينها بالكاتشاب و الزيتون و ارسمي عليها عيون و شعر و حاجات كده تخلي الطفل يحس إنها لعبة

جربي الفطائر و المعجنات اعمليلها بيتزات صغيرة و حطي مكوناتها على شكل وجه و شمس و إلخ ...

إذا مش كانت بتاكل غير الرز الأبيض اسلقيه في اللبن علشان قيمته الغذائية تكون أكبر (زي الرز باللبن أو الرز المعمر و بكده هيكون ليه نفس الشكل اللي بتاكله لكن بقيمة غذائية أكبر

و إذا جت على بالي أفكار تانية هحاول أكتبهالك

أما عن أهل زوجك ... فالله يعينك ، لكن من رأيي بنتك أهم من أي شئ و مصلحتها فوق كل اعتبار لكن بحكمة و بهدوء كما عهدناك أختنا الفاضلة

و الله يعينك ،، و اشركي زوجك في كل شئ هتعمليه

ربنا يحفظلك بنتك و يصلحلك من حالها

__________________

	[blink]"و اصبر حتى يحكم الله و هو خير الحاكمين"[/blink]

جزاك الله خير ..
بس حبيت أوضح إني حاولت كثير وبطرق مختلفة ترغيبها بالأكل وجذبها بعدة أفكار ..
وأكرر .. إذا توافرت الأطعمة الغير صحية ..
مستحيل ترغب في هذا الأكل لأنهم يشبعونها بها ..

نصيحة ، لا تدخلي أهلك في الموضوع

الموضوع ما يستاهل أنك تدخلينهم فيه، الحل الأفضل أنك تسوين قوانين و تلزمين بناتك فيها

يعني ما بين الوجبات ، يكونوا عندك في قسمك و انت مسؤولة عنهم

حاولي وقت غدا بنتك ما يكون نفس غدا أهل البيت علشان تتفرغي لها و تلزميها فيها

غيري طريقة الوجبات ، لا تتوقعي ان بنتك لو قدمتي لها من الغدا راح تاكل منه

قدمي لها وجبات بكميات صغيرة و متنوعة و كافأيها بقطعة شوكولاته لو أكلت نص غداها

ويوم بعد يوم كثري الكمية و إن شاء الله يفيد

__________________

الغالية بحرينية ولكن .....

يعلم الله اد ايه انا اتألمت لمجرد انى عرفت ان عندك مشكلة.
لأنك فعلا من الاعضاء الغاليين عندى جدا واللى اهتم بآرائهم وانتظرها

بالنسبة لموضوعك انا ما عندى إضافة لأن كل رأى ساقه الاعضاء بمبرراته وانا ايدت كل واحد فيهم وانا اقرأه واقول ايوه هوده الكلام الصح بس الاقى وجهة النظر المقابلة تماما ايضا تحتمل الصواب.

عشان كده اعفينى عن ان اقدم اقتراح او حل. انا حبيت بس اشاركك فى مشاعرك واقول لك اد ايه انا بحبك فى الله. ولو عندى اى اقتراح مش هتأخر كل اللى اقدر عليه دلوقت انى ادعيلك بظهر الغيب ان يفرج الله همك ويصلح لك ابنتك زوجك وآله وان يديم عليكم الأفة والمحبة.

على العموم انا اثق فيك واعلم انك فى النهاية ستفعلين الصواب.

تحياتى ودعواتى

جزاك الله خير أختي ..
العضوات ماقصروا بالنصائح ..
بس أغلب نصائحهم أنا طبقتها ومافادت ..
لازم أقطع جذور المشكلة عشان مشكلتي تنحل ..
والاقتراح الوحيد من بعض العضوات اللي يقطع أصل المشكلة هو إني أقفل الباب على بناتي وما أطلعهم حتى ينهون وجباتهم ..

أشكرك جزيل الشكر على مشاعرك الصادقة وعلى دعواتك ..
ومافي بيت يخلو من المشاكل ..

أختي ريمونا ..
الظاهر إن هذا اللي باسويه ..
باقفل الباب على بناتي في الغرفة وما أخليهم يطلعون ..
وإذا أهل زوجي طقوا الباب وأطلبوهم ..
باقول لهم باطلع بناتي بس بشرط ماتعطونهم هالخرابيط ..
بس المشكلة إذا اشتغلت بإذن الله ما أقدر احبسهم ..
أنا ماعندي ملحق خاص .. أو قسم منفصل ..
كلها غرفتين وصالة ..
وزوجي شغله زامات ..
يعني أحيانا في النهار ممكن يكون في البيت أو نايم ..
ولازم الشغالة تقعد برع في الصالة مع بناتي ..
باحاول أشوف لي حل ..
وأقنعتوني ما أدخل أمي في الموضوع ..
بس راح يشوفون مني تصرف ثاني ..
ماراح اسكت عنهم أبدا إذا عطوها الحلويات ..

صراحه وبدون زعل يمكن كلامي قاسي شوي بس اني حطيت نفسي بمكانك مره وبمكان اهل البيت مره ثانيه يعني تخيلت لو بنتك هي بنت اخوي او لو كنت انا وبنتي ساكنين عند اهل زوجي..( عورت راسك سامحيني).

المهم هذا بيتهم وانتي اللي داخله فيه ويحطون حلوياتهم بالمكان اللي يعجبهم مارح يغيروا نظامهم عشان خاطر انتي ما تبغي تقولي لبنتك كلمة (لا) وتكرهيها فيكي..
البيت مارح ينحرم من الحلويات والشيبسات ختى لو كانت اعمارهم كبيره عشان خاطر بنتك مهما كان..

انتي المفروض من بداية ما سكنتو عندهم تربي بنتك انه الاكل ما بين الوجبات الرئيسيه مرفوض ومره على مره رح تتعود..

وهما اشوفهم ما شاء الله كثير مقدرينك بدليل انهم قبل ما يعطوا بنتك اي شيء يستأذنوك احمدي ربك على هذي النعمه وهذي نقطه تسجل لصالحهم احترمهم كثير عليها..

عموما يا ستي مافي طفل يكره امه لانه قالتله (لا) على شكولاته او شيبس انتي بس متحسسه من اهل زوجك وشفتيها كبيره..

ابدئي برنامج غذائي جديد وكوني صارمه مع بنتك ولا تدلعيها ولا تخافي مارح تكرهك واذا ستاذنوك انه يعطوها شوكولاته او حلاو قولي لا وخلي بنتك تبكي شوي ورح تنسى واسلوب الحرمان ممتاز اخت زوجي جربته معاهم صاروا هم يطلبو الاكل ويخلصوا الصحن كله
فتوكلي على الله وابدئي بالخطه الجديده وكوني حازمه..

__________________

كريستالة ..
ضاق صدري بكلامك ..
يعني بس لأني قاعدة معاهم في البيت مالي راي ولا لي كلمة ..؟؟
وأنا بس من كم يوم قلت لهم لا تشترونها ..
وللا أنا دايما أقول لهم خشوها عن بنتي ..
هم مو بس يحطونها بمكان وبنتي تشوفها ..
هم يطلعونها لها ويعطونها أحيانا من غير ماتطلب ..


الله يسامحج ..
يعني أنا خمس سنين أدري إني ماعندي بيت وإن المكان مكانهم وأنا مجرد ضيفة ثقيلة على قلوبهم ..
بس كلمتك زعلتني كثير ..

كنت عارفه انك حتزعلي بس اسمعيني
اتخيلي انتي ممشيه بيتك على نظام مهما كان نظام مفلوت بس انتي مرتاحه ومقتنعه ومناسب ليكي وتجي مرت ولدك بعد السنين تقول(( لا شيلوا هذا حطوه فوق ولا عاد تشتروا الاغراض الفلانيه اللي انتم تحبوها عشان انا ماودي اقول لبنتي (لا) واخاف بنتي تكرهني فلذلك رح احرمكم كلكم والحرمان يشمل الجميع وكلكم رح تمشوا على رايي!))

بالله عليك بتكني راضيه ؟؟ صدقيني الجد والجده على قلبهم زي العسل لو غيرتي طريقة البيت لصالح حفيدتهم بس كمان البيت فيه اخوات زوج هذا بيتهم وبيت ابوهم يتصرفوا بيه بالطريقه اللي تعجبهم..


اللي ابغى اقولك اياه انه انتي ساكنه ببيت كبير (بيت عائله) ما تقدري تغيري طريقته اللي لهم سنين عليها..لكن اطلبي منهم انه محد يعرض عليها شي من هذي الخرابيط واذا شرولها شي يعطوك اياه وانتي بطريقتك وبالكميات اللي ودك بيها تذوقي بنتك..
اكييييد كلامي ما عجبك بس عموما هذا كان مجرد رايي ومازلت اقول قليل من الحزم مع بنتك وتخفيف من الدلع رح يحل المشكله كلها..

الله يحفظ الدانه والجازي من كل شر..

__________________