حياك الله اخي الفاضل ...

واهلا وسهلا بك ..

ولا شكر على واجب بل اشكرك انت لتفهمك لردي ...

اخي الحبيب ..

وضحت الصوره ...

لقد كبر الموضوع ،،، حين اتصال عمك وتداخلك معه ،،،وتلفظك وهكذا كبر الموضوع ....

لكن أخي الفاضل بإذن الله الموضوع سينحل صدقني ..

يحتاج فقط صبر و حكمة من قبلك ...

وخطوات علاجية وايضا وقائيه ...

الوقائيه تتمثل بإذن الله بعد عودة زوجتك بان تقربها اليك اكثر بحيث لا تسمح لها بان تدخل اهلها بكل صغيرة وكبيرة ..

اما العلاجية ..

فهي ..

1 - اعتذر من عمك وقدم له ندمك ...

2 - خذ معه موعد لزيارتهم وقم بذلك مع رجل او اكثر يقدرهم عمك حق التقدير ..

حتى لا يرفض طلبهم ...

3 - اطلب من عمك ارجاع زوجتك و الجلسه معه بهدؤ ومناقشه كافه الامور ...

4 - خذ حكم من اهلك وحكم من اهلها ولتجلس مع عمك وتحاول حل المشكله ...

بإذن الله تنحل المشكله قريبا وتبشرنا برجوع أم اولادك لبيتها ...

ولكن نصيحه ...

لا تتسرع و للا تجعل الشيطان يدخل عليك من ابواب شتى بل استعذ بالله من الشيطان ثم اكثر من استغفار الله ..

والدعاء ...

ولكن اتمنى ان اقرأ منك اليوم انك اتصلت على عمك واعتذرت ثم حددت موعدا ...

ووفقك الله ....

__________________
سبحان الله وبحمده سبحان الله العظيم

الله يصلح بينكم ويهدي بالكم ويخليكم لبعض يارب ....

أنا ساكنه مع أهل زوجي ماعندي إلا غرفة ومايمر إسبوع إلا يغلطون علي أمه أو أخواته....

أطبخ وأساعد ومع كذا يذمون فيني ولا عاجبهم العجب....

ولا عندي شغاله وعندي طفلين وأنا أدرس دراسات عليا وزوجي طالب منتف وحالته حاله ماأشوف شي إسمه مصروف...

لي أربع سنوات متزوجه ماشفت غير مكه......

ومع هذا كله حاطته فوق راسي مايشوف مني الا كل خير ولا قد قلت لاهله ولاكلمه أصلا مايدري عن اللي يصير بينا..

والله فيه ناس عايشين بنعمه ولاهم حاسين فيهااااااااااااااا...

الدلع بزيادة مشكلة....

الله يتقبل منها ويكتبلك ماكان الخيرفيه,,
لاتنسى موضوع الصدقة وسورةالبقره...انا مجربتها

__________________

	اللهم لك الحمد كما ينبغي لجلال وجهك وعظيم سلطانك

شكرا منوووولة على النصيحة والحمد لله بدأت بتطبيقها وفعلا بديت أحس براحة كبيرة خاصة بعد قراءة سورة البقرة ألف شكر على نصيحتك الثمينة

هنا لي بعض الوقفات مع بعض الردود :

1- اختي أميرات : انا معاملتي لزوجتي لم تأخذ نمطا واحدا لكن مرة لين ودلع ومرة حزم وشدة حسب الموقف لكنها للأسف تغيرت كثير في الآونة الأخيرة ولم يعد يجدي معها أي أسلوب لا اللين ولا الشدة ومما يؤسف أني دائما الاحظ عليها تغيرات بعد عودتها من زيارة أمها أو خالاتها أو عماتها أو حتى صديقاتها و ألاحظ احيانا انها تستجدي كلمة المدح مني مع أني أغرقها بكلام المدح والغزل والحنان ولكن حذاري من انتقادها بأي كلمة وأنا رجل لا أسكت عن أي تقصير أو خطأ بل اعصب وأزعل لأني ما تعودت اخطي او احد يخطي علي لذلك انتقدها وبقوة عند اي تقصير لكن اجدها تعاند بالرغم من أنها اول سنتين من الزواج كانت تعتذر وأحيانا تبكي عند أي تقصير لكنها تغيرت كثييير-

2- سحابة الصحراء شكرا اخوي على اقتراحاتك وهي في الحسبان بارك الله فيك0

3- rwan 11 أتفق كثيرا مع تحليلك (واضح خبرتك بالحياة) لأنه في الواقع هي فعلا حساسة جدا و هذا اللي يدور براسها لكن نحن لم نقصر وهم قدموا اعتذارهم لها لكن عي من أول ما عرفتهم ما ارتاحت لهم وما صدقت تشوف منهم زلة حتى تحاول ان تنقلب عليهم وانا من حقي كرجل ان اطنش سوالف الحريم اللي بينهم مح كامل الاحترام لكن ما يعجبني الرجل اللي يتدخل بصغائر الأمور وأشكرك كثير على دعائك لنا بارك الله فيك0

4- جناين ورد 2008 : كلامك صحيح هي متأثرة كثير بأمها وأمها مدلعتها بشكل خيالي والله مجننتني ما يمديه ينزل فستان ولا لبس جديد بمانجو ولا زارا الا وتعطيها خبر على طول أسمع عبارة النساء الخالدة(ودني السوق) ويالله على السوق توكلنا على الله . وبالنسبة للسؤال بالعكس انا أعصب في أوقات وعلى طول أهدأ لأني والله محب للناس ولاني عصبي حتى مع زوجتي ما اعصب الا في مواقف معينة وبالنسبة لدراستها هي مخلصة الجامعة وتبي تكمل ماجيستير لكن ما حصلت الفرصو ولا أنا ما عندي مانع أنا تزوجتها وهي طالبة ووقفت معها وساندتها حتى تخرجت بتفوق واتمنى انها تجد فرصة مناسبة وأشكرك كثييير على دعائك الطيب وجزاك الله كل خير0

حاسب نفسك اولا واجلس مع نفسك ايجاباتك وسلبياتك معها

سافر اليهم واجلس معها على انفراد في هدوء وتفاهم معها واعتذر اذا كان غلطت مع احد من اهلها واقترح عليها القيام بعمرة معا وجدد حياتكم

وحاول ان تكون علاقتك فيما بعد ان شاء الله وسطية لكل شئ

جمع الله بينكما على خير واسعدكما

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

اخوي صح الدلال ماثر عليها بس انا متاكدة انها متاثرة بامها ومعاملتها لابوها اكثر لانها شايفة كيف امها تعامل ابوها وهو ساكت وما اخذ موقف حازم يهجد امها عشان كذا هي في بالها ان الزوجين هذه تعاملاتهم مع بعض وخاصة اذا مافي اي وحدة في عايلتهم تاخذ عليها وتحكيها عن الزواج الناجح والمعاملة الصحيحة ...
ترى احنا الحريم كل تاثيرنا بامهاتنا واسلوبهم في التربية والمعاملة وحتى في التنظيف وكل امور البيت ..
والذكية هي اللي تفهم الحياة صح وتشوف وين الصح ووين الغلط وتصلح حياتها وتعدلها ... واللي مو واعية يبغالها اللي يوعيها ويعلمها الصح من الخطا ..
انت اجلس معاها وفهمها ان الحياة حب وتفاهم واتفاق والواحد لما يشوف حياة غلط يحاول يصلحها او على الاقل يبعد عن الغلط ويصلحه في حياته مو يطبقه على حياته .. مادري احس ان كلامي مشربك بس ان شاء الله فهمت عليا ...

ممكن سؤال اخوي ايش هي الاسباب اللى ماخلتها تكمل تعليمها ؟؟؟؟ انت ما لك دور ولا انت سبب من هذه الاسباب؟؟
اتمنى انك تتقبل كلامي وتجاوب على سؤالي بصدر رحب بدووووووووووووون ماااااااااااااااتعصب (ياعصبي ويابو لسااااااااان هههههه)

اخي اكثر من الدعااااااء والاستغفاااااااار وردد(اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة)) في كل صلاااااااااة ..

مو لهالدرجه مدمنه تسوق وغيركذا ماركاااااااااااات...

مدري وش يعجبهم بالماركات نادر القى شي حلووو...

عموما انت كلمهم اخر مره ورح بيتهم وقول انك وحداني والشيطان يلعب بعقلك...
وخايف من الفتن والاغرائات...

وانك تبي جواب نهائي .. اذا ماعطوك وجه ..اتركهم مده شهر او اقل وشوف وش بيسوون
ولوقدرت تصبر عن بنتك يكون احسن..
ولو كانت زوجتك تدق عليك او ترسل حط خدمة مقفول ..!!!

واذا مانفع هذا كله حاول تنشر اشاعة انك بتتزوج ثانيه وان الثانيه جمال واخلاق واهلها جاءو وخطبوك لبنتهم ..
وهالكلام لو يوصل لوحده من الحريم المعروفات بنشر الاخبار ..يكون احسن حتى ترجع لك وتخاف تخسرك...

ولو يوصلها ان البنت تترصد لك يكون احسن كمان..

عندنا وحده زوجها على قد حاله وتزوج بنت عمرها بنهاية العشرين يعني بالثلاثينات وهو قبلها يمكن 10 سنين .. عادي زيي تقريبا المهم .. مدلعها ويسفرها ويمشيها الدمام وكل مكان .. وحملت وجابت بنت وحملت مره ثانيه ولاعلمته ...

وكله هواش مع بعض ويراضيها بس رافضه وقاعده عند اهلها .. تبيه يعيش عندها .. حتى يصرف عليهم كلهم ..
وجابت توم بنات ومادرى الا متاخر وشافهم .. بس بالموووت ... رضت عشان يحطهم باسمه
وظلو كثييييييييير وقبل كان معيشها عند اخته الطيبه وبشقه بس كانت تتذمر
واجر شقه واثثها وزينها رغم انها اجار وغاليه..
بس مانفع معها... ونشروا اشاعة انه بيتزوج ولانت ورضت ترجع معه وقريب بيرجعون لبعض بعد مافقدنا الامل فيهم
بس الفرق انها ماحبته مثل زوجتك ...

وزوجتك خلك صارم معها لاتصير تدلعها كثير وتشتري ماركات علطوول او طيران عالسوق او ماينزل شي...

والله يوفقكم

أنا اتفق معك بي صراحة اسلوب اني انشر إشاعة بعدين يتضح انها مجرد كلام فاضي اسلوب احس انه قديم والله بصراحة اذا ما انحلت المشكلة بالحسنى خلال هذي الأسبوعين الأهل بيتخذون خطوات جدية في مسألة زواجي الثاني وانا صحيح احب زوجتي لكن والله ما أتحمل العزوبية والوحدة أكثر من كذا وخاصة الحمد لله عندي القدرة على الزواج لكن الله يكتب اللي فيه الخير0

برأيي ان لا تشرع بأي مشروع زواج آخر قبل ان تنتهي من المشكلة الحالية سواء بالصلح او بالتسريح ، لأن شروعك بالزواج الآن سيرى كأنه نكاية بالاولى ، لذلك حاول ان تنتهي من هذه المشكلة بأسرع وقت ممكن .