ايه اللي راح تسوينة صح 100%
وأهلك ماراح يتخلون عنك والمفروض يغصبونك من أول على عدم العيش مع هذا الرجل

أختي انتي راح تنولدين من جديد وربك متكفل فيك مهوب أحد من الناس..... والله لو اجتمع الناس علشان يضرونك ورب البيت ماكتب لك ضرر والله ماراح يضرونك ولو بهز شعرك منك
لاتخافين من شي وكملي إجراءات الطلاق وربك بيسهلها مع بنتك
أكثري من الدعاء لنفسك ولبنتك
قال تعالى " ولا تقتلوا اولادكم من املاق نحن نرزقكم واياهم "
إدعي عليه......أنتي مظلومة.....متى المظلوم يدعي على من ظلمة؟؟.......هذا وقت دعائك عليه حسبي الله عليه

أسأل الله الكريم بمنه وكرمه ان يخلصك من هذا الرجل ويخلي لك بنتك ويصلح حالك وحالها ويغنيكم من واسع فضلة.

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.

هلا أخوي اقهر ظروفك ...

وربي كلامك ريحني كثير ...الله يسعدك طول عمرك

آآآآآآآآآمين يارب الله يسمع منك

تصدق قبل اشوي مسوي معي مشكله ...وانا مارديت عليه

بس ضااق صدري حيل وجاتني دوخة لين جلست وارتحت شوية

مشكوور كثير لاهتمامك ...وربي يسعدك ويعطيك العافية

وينور دربك ويفتحها عليك وتلقى الخير وين ماترووح يارب ...

__________________

سؤالي أختي الكريمة:

زوجك شكاك وبيذبحك من كثر شكة
لكن اللي استغربة كيف عندك نت في البيت دام ان زوجك مريض بالشك؟
يعني النت سبب من اسباب الشك بين الزوجين كيف خلى عندك نت؟؟

لكن الحمد لله اللي صار لك فرصة في مشاركة اخوانك في المنتدى علشان يساعدونك بارآئهم

__________________
نحتاج إلى فهم المشكلة قبل أن نبحث عن حلول لها ،إذا لم يتم ذلك فإن الجهود المبذولة لحل المشكلة يمكن أن تقودنا إلى الحل الخاطئ.

لاحول ولاقوة الابالله ..

اسألك يا الله بإسمك الأعظم الذي إذا دعيت به أجبت وإذا سئلت به أعطيت أن تفرج هم أختي مدى وأن تشفي زوجها وأن ترزقها ماتتمنى وتسعدها وتوفقها في الدنيا والاخره وتعوضها خير عاجلاً غير أجلا

__________________
سبحــأن الله وبحمده سبحــأن الله العظيم

هلاااا أختي هديل ..

آآآآمين يارب الله يسمع منك

ومشكوورة كثير لاهتمامك وربي يسعدك ويعطيكي العافية

ويوفقك يارب ويجزاكي خير ...

__________________

هلااااا أخوي ....

سؤالك في محله ...

وربي كريم ..الحمد لله انه عندي نت

طبعا هو شاكي في النت ...لكن أنا مسجلة في منتدى نسائي

ودايما يطب علي فجاءة ويشوفني وش أسوي ..وش قاعدة اكتب

او اقرء ....

وطبعا لايخلو من جرحه لي وكلامه وشكه

ومتابع دايما وش اسوي على النت بس هو شايف في نظره

انه بيشغلني من اني اطلع وارووح لرجال في بيته ...هذا من نظره هو

الحمد لله ياربي أني قدرت اتواصل معاكم

ومشكوور على السؤال

يعطيك العافية ....

__________________

شوفي أنا اللي أعرف عن الرجال اللي من جماعتنا أنه ماكان مقتنع أنه مريض

لولا أن واحد من عياله دخل قسم علم نفس وهو اللي إكتشف أن أبوه مريض بنوع من الذهان

وأجبروه أنه يتعالج لأنه تصرفاته في هذا الموضوع خارجة عن إرادته تماما فهو ينكر تماما أنه أتهم أهله في شرفهم

ولولا أن عياله يسمعونه وهو يتلفظ على أمهم وأخواتهم كان صدقوه فهو نوع من الفصام في الشخصيه

يعني لما تجيه الحاله يضرب ويشكك ولما تنتهي ينكر اللي صار وهو ماهو كاذب في إنكاره لكن فعلا ينسى تماما تصرفاته

تدرين أنه كان الله يرحمه مايفرق المسجد ولا يمكن أننا نفقده في أي صلاة ماشاء الله عليه كان محافظ

لكن الله ابتلاه بهذا المرض إذا قدرتوا تتحايلون على زوجك عشان يتعالج بتكسبين فيه أجر لكن لا زم أحد يساعدك في الموضوع

أنت لوحدك ماتقدري تعملي شيء

الله يعينك ويكتبلك وله الخير

هلاااا اخوي ...

طبعا زوجي ماينكر اللي يقوله بل متأكد من اللي قاعد يسويه

وانه صااح بعد ...وساعة انه يقول لي انا ماسويت كذاا يبغى يشككني في نفسي

ويوهمني اني انا اتخيل من عندي ,,,عشان يجنني ويمرضني

لاني سألته ليش مادامك شاك فيني معيشني معك ..طلقني

يقوول لي ..انا معيشك معي عشان تتوبين من اللي تسويه

ليش أطلقك ...عشان تنحرفين ...

هذا متاكد من الكلام اللي قاعد يقووله ...

حتى لو كان هاديء وذكرته بكلامه يقوول لي لاني أدري أنك انسانة سيئة

وأسوء انسانة على وجه الارض ...

وراح تدخلين النار وراح تموتين بسوء الخاتمة ...

هذا كله من دوون سبب ....تصور وكلها شكوك

وغير كذا مكلم أعمامي وخيلاني والناس اللي يعرفهم

ويقوول لهم أهدوها ..تكلمو معها ..خلوها تمشي زين

الله يعين يارب ..وان شاء الله يصير اللي فيه الخير

__________________

خخخخخخخخخخخخخخخخخخخ

والله مدري ابكي ولا اضحك

وش هالحالة ؟؟ والله عذااااااااااااااااااب

ذكرتيني بشخص مجنن اهله كان متزوج ويموت بزوجته بس يحشش ودايم شكاك بزوجته جننها يتطلقون ويرجعون .. وعندهم بنت .. الحين استلم اهله يراقب ويشك وانا لو زرتهم يقول وين تروحين مع مين جايه؟؟ خليني اوصلك

ويتهم خواته ويقول حسبي الله عليكم ضيعتو حياتي وحرمتوني من زوجتي وبنتي انا احبهم ابي اعيش مثلكم بس ليش تخلوني كني مجنون رجعوها لي
وان رجعوها له ووافق عالشروط قهر زوجته وقال لها رجعتك عشان بنتك ويشككها وهي ماقصرت صارت تقول له انا اكلمك فلان وتمثل عليه ليما جننته .. بس تحسن شوي بعد حركاتها الحين وهو مفارقها يتذكر تصرفاتها ويقول كيدي حق زوجك مثل ماكانت زوجتي تكيد علي وتلعب اعصابي ..

المهم يعني يقول حسبي الله عليكم بعدين يقول انا احبكم انا ابيكم لاتودوني المستشفى ويبكي قهررررررر

وبعدين يضرب وخنق امه العجوز وضرب راسها وذبحها .. والله تحسبنه متقلب وبنسى اللي سواه .. ماتعرفين ترحمينه ولا تدعين عليه ...

انتي كلام زوجك ذكرني بهالشخص ..

احسن حل لك الطلاق .. بس حاولي تثبتين عليه شي حتى مااياخذ منك فلوس خلع
وحتى يساعد هالشيي انك تاخذين بنتك لانه بيكون خطر عليها ..

واخذي نسخه من مفتاح البيت حتى تطلعين لو قفل عليك وتاخذي تقرير

هلااااا أختي ...

لاحول ولا قوة الا بالله

وربي الدنيا مليانه مصايب ...بس العتب على أهاليهم

ليش مايراقبون أولادهم لو شافو فيهم تغير في السلوك ..او ظهور الحالات النفسية

ويودوهم المستشفى يتعالجون ...هذا ذنب عليهم ..وخاصة لو كان يبغون يزوجونه ومتكتمين

على حالته ...يخلونه يكبر وتكبر معه الحاله ويجنن الحواليه ...حسبي الله عليهم

والله أنا عن نفسي صار لي ماضي مؤلم ...وحزين جدا

هل ياربي بنساه ؟؟؟....ماأعتقد والله انه ينسي ...أنا حاسه بكل لحظة مرت علي

وأتعقدت في حياتي من أشياء كثيره كان هو السبب فيها ..

دايما كنت أقوول يارب ...يارب ...يكون اللي قاعد يصير هذا كله

كابوس أو حلم وانا نايمه وتجي أمي الحين تصحيني وتقعدني من النوووم

لكن في كل مرة للاسف أشوف نفسي اني عايشة الحقيقة المرة ...



أن شاء الله اقدر أثبت عليه شيء ....

مشكوورة كثير على أهتمامك ...ربي يسعدك ويعطيكي العافية

وعسى ربي يكتب لك الخير وين ماترووحين وينور طريقك...

__________________