شوفي أنت حاولي معاه بالطيب وبلين وإذا شفتيه ما أعلن زواجك ورفض أنا عندي لك حل بس لاتسوينه إلا إذا حسيتي بأنك أنت مليتي من طريقته معاك وصار ماعاد يهمك أعلن أو ما أعلن يعني تحسين نفسك عافته وماعاد تقدري تستحملي وضعك يعني أما إعلان أوفراق
خذي عقد زواجك منه وصوريه وحطي صورته بأي مكان في شنطته أو جيب واحد من ثيابه بحيث إنه ماينكشفه وخذي رقم زوجته من جواله وخليه حتى يسافر لها
وبعد ماتتأكدي إنه وصل عندها بحفظ الله ورعايته أتصلي عليها وقولي لها بسألك عن زوجي وصل وإلا لسى طبعا بتسألك أنت مين قولي لها فكي شنطته وفتشيها وفي مكان كذا ورقه أخذيها وأقرأيها وأنت تعرفي أنا مين وسلميلي عليه وخليه يقع بشر أعماله وبعدها هتشوفي إنه بيعترف ويواجه زوجته ويتمسك فيك وإلا يتهرب ويضحي فيك والله إني ما أمقت إلا هالنوعيه من الرجال طيب ليش مغلب نفسه ومتزوج بنات الناس مو لعبه بيدينه الحين لو قدر الله وحملتي لاتقولي مانع قدرة ربنا فوق كل شئ أنت بتضمني مستقبلك مع إنسان بهاذي الشخصيه ليش زوجته لوعرفت بتذبحه يعني من حقه يتزوج مالها حق تمنعه من شئ مشروع له لاكن شكل زوجك لايحب الأولى ولايحبك هذا يحب نفسه وبس يبغى راحته بيغير جوعلا هواه عاد إذا أنتي تحسين نفسك راضيه بالحال ذا الله يوفقك لاكن عواقبه غير مضمونه أقل شئ ياخذ لك بيت عنده ويسكنك فيه ويصرف عليك ويبقى يمر عليك كل ماسنحت له الفرصه إذاكان مايبغاها تدري حتى الله يفرجها عليك ويهديه ويقوي قلبه ويعلن زواجكم قدام زوجته وأهله وبصراحه الرجل إللي مو قد المسؤليه لايتزوج ويظلم بنات الناس معه وألوم البنت إللي توافق تتزوج بهاذي الطريقه اللي مافيها أي أحساس بلأمان والإستقرار ومافيه أي ضمان لمستقبلها مع هاذا الزوج إللي ماهمه إلا نفسه ومصلحته وبس طبعاسوي كذا لومانفعت معه كل الأساليب والحيل وأتحملي نتائج هالتصرف مثل ماتحملتي مغامرتك في زواجك منه الله يعينك وينصرك عليه في إظهار الحق .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اشكركم من كل قلبي على وقفتكم معي جعل ربي يوقف معكم في كل حوائجكم

انا قريت ردودكم كلها ولكن هذا ردي عموما على الجميع

صدقوني مافي شي يضمن اي رجال في الدنيا
يعني انا في البداية فكرت اني اشترط عليه يكتبلي بيت باسمي
واستشرت كثير وكلهم قالوا انو لا بيحس وقتها كانك تزوجتيه عشان ماله
اتفق معه الوالده على ان الزواج لا يتم قبل وجود سكن وطبعا كان اتفاق بالكلام فقط وليس شرط
وهو كان يماطل كثير وانا صدقت بس ما ادري انو يماطل
واكتشفت بعد الزواج انو ما يبي يكون له سكن في غير منطقته ولا شي يربطه مثل عقود بيع وشراء ولا استئجار لانه خايف من زوجته
هي تراقبه بشكل فظيييع وتعرف عنه كل شي

سؤالي لاي احد فيكم تخيل لو انك كنت وحده مطلقه صغيره وجميله ولكن عندك اطفال
تقدملك واحد مدحوا في اخلاقه واعماله وتصرفاته كانه ملك منزل من السماء
وفي نفس الوقت هو كان يوعدك بحياة كريمه وعز
تم الاتفاق واحضر شهود معه ووعد اهلك ان بيجي يوم يعلن الزواج ولكن حلو ان الواحد يتمتع بداية الزواج بدون مشاكل
جا يوم الملكه وتحدد الزواج وكل شي تم بهدوء
السكن يحلف انه يدور ولكن مالقى ومازال البحث مستمر
وش تسوي لو صرت مكاني؟؟؟؟
عادي تزوجته وبديت انصدم في الواقع المرير
الرجال خايف من زوجته ويحسب لها الف حساب
حقوقي كلها ضايعه ولما اطلب منه شي يحلف انه بيسويه في القريب العاجل
اهلي محتارين لانهم يشوفون شي ويسمعون منه كلااام عسل

الي نصحوني قبل اني ما اوافق والله كنت متردده واذا قررت ارفضه شي يردني واستخير وارجع اوافق
يمكن لانه نصيبي


مميزاته: حنون وطيب واخلاقه عاليه
عيوبه: وعوده كلها في الهوا والكلام الي يقوله ماادري هو صحيح او لا واهم عيب فيه انه خواااف ويحسب الف حساب لزوجته كانها امه مو زوجته

انا مميزاتي:جميله بشهادة الجميع صغيره في العمر رشيقه مثقفه اهتم فيه وادلعه واعطيه كل الي يبيه وافكر برضاه وسعادته ومابقى كتب ما قريتها ولا مواضيع عن الزواج والحركات الزوجيه وماطبقتها له وماقصرت معه ابد ابد
عيوبي: حبيته

"يضرب الحب شو بيزل"
انا ما ادري ادور علاج لنفسي واغير تفكيري واكرهه مثلن واقسى على قلبي عشان ااخذ الي ابيه؟
ولا ادور علاج لخوفه من زوجته واساعده انو تقوى شخصيته شوي عشان يعطيني ويعطيها حقوقها بدون ظلم؟

فكرة اني انجب اطفال منه حلوه لانه يمكن يحس اني زوجته مو مجرد عشيقته او وحده ماله دخل فيها

بس فكرة اني احط العقد في شنطته وادق على زوجته قووييييييه يمكن فيها موت وحياة
وما ابي اغلط معاه بشي عشان مايمسكها علي او يكرهني

الله يعين ويفرجها علي وعليكم هذا وضعي كله كتبته لكم بين يديكم والله ماقصرتوا الله يفرج عنكم مثل ما انتو حسستوني ان لي اخوه و احد اشكيله

يجب ان يكون لكي حقوق متل الاولي واكتر ليش يعني هي احسن منك

شو هل زواج هاد

شكرا ع الموضوع

معليش يا أختي وهقتك بفكرة العقد سامحيني بس إذا حسيتي إنه بيرميك ويعيش حياته مرتاح وأنت تكوني مطلقه للمره الثانيه صعبه عليك أناكان فكرتي على هاذا الأساس لاكن من الأفضل إنك تناقشيه في موضوع المصروف إنه يزيدك شوي علشان ماتحتاجي من أحد بالنسبه لسكن ليش يوم مايجي عندك ماياخذ شقه مفروشه أو تجلسون بفندق
حتى تقدري تاخذون راحتكم مع بعض ويتعود على إنفرادكم في بعض ويشتاق للجلسه والسكن لحالكم ومنها تقدري تجذبينه بطريقتك حتى تخلينه مايقدر يتخلى عنك بسهوله لأنه لو حبك وتعلق فيك فشئ أكيد إنه بيحارب العالم علشانك الله يعينك يا أختي ويسهل لك إن شاء الله وفعلا صدقتي ظل رجل ولاظل حيطه وإذا شفتي إنك واثقه فيه إنه ماراح يغدر فيك ليش ماتحملي وتجيبين له إبن أوبنت حتى يحس إنه إبنه بحاجته وتعلقين قلبه في إبنه سبحان الله صدقيني زوجته كم ماجلست ماتدري مصيرها تعرف من تصرفات زوجها بتحس فيه وإن شاء يكون في مصلحتك معرفتها لأنها لوشكت فيه بتراقبه وتراقب تحركاته ويمكن تشوفينها أنت وياه إلا وهي تدق عليكم الباب حتى لوأضطرت تسافر وراه عندك ويكون خير لك لأنه حينها بيواجها وما أتوقع أنه يبدل سعاده بنكد يا إنها تقبل بالأمر الواقع أو بجلس بين عيالها معزره مكرمه وماراح يقصرها شئ بالذات أحس إنك حرمه تخافين الله وتراعين مشاعرها جزاك الله خير ويهمك أمرهاوماودك تنكدي عيشتها أنت حاولي تاخذي إللي تقدري عليه من حقوقك من زوجك وعيشي حياتك الله يسعدك ويسخر لك قلب زوجك ويحبك ويحن ويعطف عليك ويشوفك نور عينه إن شاء الله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بعض الاحيان اقول ودي انها تدري واعرف موقفه ووقتها بعرف هو متزوجني مسيار او لا وبعض الاحيان اقول خيره ما تعرف بزواجه لانها صاحبة حيل وكيد واخاف تقلب حياتي

الله يكتب الخير لي وللجميع والله دعائك اثلج صدري الله يسعدك ويرزقك الي في بالك

طيب دام هذه مواصفاتكِ ليش رميتي نفسك ع واحد متزوج

__________________
ليتني طفلة أكبر همي لعبتي