تعاستها بشروطك يافرح

لكن أنت رافضة تقتنعين ان لها حقوق وكان هي اللي رمت نفسها على ابوك وعلى قولك تطفلت .
وهذا يعني
انه بقرارة نفسك رافضة زواج ابوك جملة وتفصيلا
وتبغين حياتكم تمشي زي ماكانت
لكن الظروف تغيرت لازم تتأقلمين ،

ودام ان البيت ملك للوالدة من حقكم تمنعونها تسكن فيه
لكن صعب تجي تعيش فيه
وتكون ضيفة ما تحرك ساكن !

فاشوف رد مهرة جدا عقلاني اطلعوا كلكم فبيت ثاني

فرح راجعي المنطق اللي تتكلمين به عشان مصلحتج قبل كل شيء
هي ما تطفلت على حياتكم
ولا جبرت الوالد يتزوجها
ابوج طق بابها وحالها كحال اي امرأة وافقت
باجر لما تتزوجين ام زوجج ولا اخواته بيقولون انج تطفلتي على حياتهم ؟

حبيبي احنا المخلوقة ما نعرفها
وكتبتي الموضوع تبين النصيحة ..
واحنا كلامنا كله عشانج انتي
ترى بتخسرين نظرة ابوج لج بعد طرحج حق مثل هالشروط التعسفية
لج حق في ابوج .. اي طبعاً وله حق عليكم أيضاً
لا تتعسفين في استخدام حقوقج ..

المخلوقة مش متطفلة أبداً
الموضوع كان إيجاب طرحه ابوج فجاء القبول والرضا منها
فإذا بنسمي الموضوع بمسمياتج
فأنتي ايضاً تبين تتطفلين على حياتها وتشيلينها من بيتها وتجيبينها بيتج وبشروطج!

ما فيه اي امرأة توافق على اللي قلتيه
وانتي ايضاً ما راح توافقين لو انتي مكانها
واذا وافقت فهذا طيب وتنازل من المخلوقة


حبيبي فرح انتيهي حق مسار تفكيرج عمري تراه مو صح ويضرج

كلام مهره عين العقل 😘

سؤال يا فرح..

أبوج قبل زواجه وين كان عايش؟

معاكم في بيت الوالدة؟

__________________


اللهم طِيبَ الأثر .. وحُسْنَ الرحيل.

لما يقولها بتعيشيين معاي ومع بناتي في بيت أمهم لأني ما أقدر أجبرهم على الطلعة منه ولا أبي أخليهم لوحدهم، فالمفروض عقلها برمج الموضوع بشكل تلقائي وفهمت ( شكل عشيتها والمساحات اللي بتكون حرة فيها ... الخ )

مااااني أنانية ولا جييت حول الأنانية في يوم، بالعكس من تخرجت وأنا شايلة همي وهم أختي ويوم تزوج أبوي صرت كل شيء لها بالدنيا .. حرمت نفسي من أشياء كثيير وأثرتها على نفسي كله لأجل عينها مابي أصير أنا والدنيا عليها لأنها صغييرة وساذجة وأحسها ضايعة وينخاف عليها .

والوضع مو أنا اللي فرضته على أبوي القدر هو اللي فرضه عليه، ربي هوو اللي كتب عليه تموت زوجته وإحنا في ذمته ! ما أعتقد أنا المسؤولة عن أختي يا فانيتي ! إش أسوي أبقى طول عمري جنبها وأوقف حياتي بشكل كامل عشان
( أصير البنت البارة العاقلة اللي تسمح لأبوها يعيش حياته مع زوجته بأقصى درجات الحرية ويضرب بتضحياتها المثل )

لا يااااقلبي جاء الوقت اللي يشيل فيها مسؤولية أختي وإذا قلت بروح أدرس ف مال مخلوق عندي حاجة !! هاذي حياتي ولازم أكملها ولا تبغيني أدفن نفسي لأجل سعادة مرة أبوي !!

طلبي إنه يسكن معانا أمهد فيه للمرحلة الجاية ماني جالسة ألعب فيهم لعب الشطرنج ! بشكل أو بأخر بيجي يعيش عندنا إذا مو اليوم بكرة .. هو لازم يجي عندنا أختي من سااااابع المستحيلات تطلع من بيتها لا أنا ولا أخواني نرضى بهذا الشيء .. تبغينها تطلع من عزها وتروح تجلس تحت رحمة مرة أبوها وتحط لها لستة شروط وقوانين تمشيها عليها . أعرف أختي هبلة وبتبلع الموس وتسكت . . الله يخلف على عقلي كان رضيت بهالشيء !

لازم أتطمن على أختي، وأعرف مع ميين هي بتعيش عشان أكون مرتاحة ..!

من كل قلبي أدعيلك ما تجربين اللي جربناه 😊

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

ايه عايش معانا .. وكنا ولا زلنا بينا نسميه بيت أمي وأبوي ..

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

عيل شلون تتوقعين من بنت الناس ان تجلس تحت رحمتج
وتحطين لها لستة شروط وقوانين تمشيها عليها ؟!!!

ليش ما يكون فيه توازن بين راحتكم ومطالبكم
وبين حرية مرت ابوج ..

بس يافرح هو ما قال لها.. صح؟

ولا بيقولها نزولا عند رغبتك..

يعني الموضوع يا انتو ياهي؟ مين يتشرط اول؟

يافرح انتو مو بحرب!

كل احد بحاله ياشيخة!

اختك اذا ابوك مسؤول عنها هي تتبعه مو هو يتبعها..

اختك بالغة عاقلة راشدة مو طفلة! عشرينية اذا ماني غلطانة!

بتهيت لو قعدت ببيت ابوك؟

ابوك بيخاف عليها مثلك! ولين تزوجتي بكرا كيف؟ بتقولين لابوك لا تطلع من البيت لان اختي فيه؟

محد قال ادفني نفسك ولا سوي اللي سويتيه.. بس مسؤولية ابوك مو مطاطة تفصلينها على حسب رغبتك

حتى لو صار وصار وصار

تضمنين الوضع بيستمر على انظمتك لو سافرتي؟

بعيدا عن كل هذا الكلام....

ليش تحكين كنك ضامنة ان ابوك بينفذ كل هذا؟

حبيبتي بيت امك مو مكان مقدس عشان ماتطلعون منه.. خلوه مثل ماهو واسكنوا عند ابوكم!

ابوكم هو نفسه ماراح يتغير ببيت امكم ولا بيته!

كان عايش معاكم في بيت الوالدة .. ولما تزوج كان يبا يتم معاكم .. وإنتي فضّلتي إنه يطلع مع زوجته.


تبين نسمّي الأمور بمسمياتها الصحيحة يا فرح؟

إنتي طردتي أبوج من البيت!!

والحين بكل بساطة تبينه يرجع .. ضيف مرة ثانية!!


بالله عليج يا فرح لج ويه تطلبينه يرجع عقب ما طردتيه؟!!!!

ترا الأبوة مب وظيفة لحسابج وحساب أختج .. مرة تستغنون عنها ومرة تطلبونها .. حسب مزاجكم وظروفكم!!




وأصلاً .. واثقة إنه مب مجروح منج لأنج طلّعتيه من البيت من الأول؟

وإلا لأنه ييكم كل يوم ويشوفكم ويطمن عليكم ظنيتي إنه نسى؟!

__________________


اللهم طِيبَ الأثر .. وحُسْنَ الرحيل.

ايش تبغونها تسوي تسكن زوجة ابوها في بيت امها واذا تزوجت هي واختها يروح البيت لزوجة ابوها وعيالها ويصيرون هم الضيوف ياسلام عليكم والله ..

انتي ماغلطتي يوم قلت لابوك يسكن مع زوجته بالعكس دافعتي عن مكانكم ومكان امكم الله يرحمها..