وانتى ليش توافقي على الزواج منه وانتى عارفه عدد زوجاته السابقه ؟!

والله ماكنت عارفة يافليكا ومستحييييل كنت اوافق لو عرفت بس إذا جاء النصيب الله يجعل الامور تمشي بطريقها ....سألنا عنه في عمله وارسلنا ناس لمنطقته الكل ماقال كلمة حق هو له احترامه بين اصحابه والناس واكيد مايبغوا يخربوا علاقتهم فيه غير انه هم عندهم الزواج والطلاق عادي لما سألنا مدحوه لنا ولا جابوا طاري انه متزوج كذا وكذا احنا عارفين انه مطلق وحده وأمه قالت لنا السبب وحلفت أيمان الله ....يوم زواجي اهلي دروا وحده رمت كلمه من جماعتهم ..وماكلموني الا بعد مارجعت زعلانه بعد شهرين ونص ووصلنا للخلع واذا أراد الله أراد رجعت بعد خمس شهور بعد جلسات صلح بالمحكمة ووعود منه ووسطاء الحمدالله على كل حال ..

ياقلبي انتي باين انك تعبانه ومجروحه لكن لفت انتباهي شي
احس انتي جدا متحسسه وهو جدا ماخذ الموضوع عادي
احس انتي من النوع الي تقدرين الزوج كزوج وتعطينه كل التقدير والحب
وهو احسه يبي زوجه عشان تكون ام لعياله وتعفه
هذا الفرق انتي شخص حساس وهو شخص غير حساس
وهذا موعيب على فكره فيه
لكن سمه في شخصيتيه
اشعر انك مو فاهمه نفسك وزوجك موفاهمك .. انتي مشكلتك. ماتختارين شيء دايما خايفه ومتردده راح تتعبين ياقلبي وتتعبين ابناءك والي حولك
انا اقترح انك تجلسين مع نفسك وتترتبين مشاعرك وتقوين نفسك شوي
اذا كرهتي زوجك بعد زواجه اعطي نفسك حق واكرهيه بقوه لاتجاملين وتتصنعين
اذا ودك تبكين ابكي بقوه لاتتصنعين القوه
فرغي الي داخلك فيه اشيااااء كثير داخلك
ولاتشتتين نفسك بالتفكير باكثر من طرف مثلا حاسه بقهر وغيره وشوي رحمه لاطفالك وشوي كبرياء وشوي حزن ترا هذي الدوامه تسلب طاقتك ولاتعطيك اي فايده
اعطي كل شي حقه
فكري بنفسك اولا
وابناءك ثانيا
فقطططط
هذا هم اهممم طرفين

و الله يكتب لك الخيره في كل امور حياتك ويريح قلبك

__________________