الله ييسر لك امرك اخي الوحيد ويطمن بالك ويزقك راحة البال والطمأنينة والسعادة من حيث لا تحتسب وبحفظ لك اولادك وزوجتك
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ليش الله يهديكم تشككون بزوجته
وإنها أتفقت مع الدكتورة
حرام عليكم
ندري إنها كذبت بأشياء أكبر الله يعفو عنها واللي صار عقاب أو تكفير ذنوب أو أختبار لصدق توبتها مع الله
مو معناته إنها أخطأت خلاص تكون سيئة للأبد
أي نعم الحرص واجب لكن مانشكك فيها ونتهمها وناخذ ذنبها


أخوي وحيد بالنسبة لقرار زواجك الثاني ماتحس إنك أستعجلت؟
هل بتكون نفسيا قادر تعطي الثانية؟
حل مشاكلك الحين وخذ لك وقت لين يستقر وضعك وبعدين شوف إذا باقي لك رغبة بالزواج الثاني

ع العموم الله يكتب لك اللي فيه الخير ويعافي زوجتك يارب

انا معك استغربت التشكيك في كلامها .. وهي اعترفت بكلام أكبر
والهربس نوعين منها العادي ومنها الجنسي .اللي اعرفه ...ويجي للكل حتى الأطفال
هل معناها اننا ع علاقة محرمة

وبعدين الهربس الجنسي من وقتها يطلع على شكل حبوب وحكة في المناطق الخاصة ..ولا يزول الا بالعلاج
وهي بنفسها قالت ماحصل علاقة ..صح او لا
المفترض لو في علاقة بعد هالمدة الطويلة فالنتيجة ايدز وليس هربس
هل رايت بنفسك فيها حبوب او حكة او احمرار ؟؟

ادوية الهربس تخفي اعراضه فقط ولا تشفي منه..

لذلك انصح بالتريث قبل اتخاذ قرار الزواج الثاني

تاكد وافحص مرة واثنين وثلاثة اخوي

اختي الايدز والهربس فايروسات مختلفه الله يبعدها عن كل مسلم

وانا مع متابعتي وعرض التحاليل والفحوصات على الاطباء كنت اسألهم عن الهربس لاني كنت اجهله بصراحه
فـ كلهم اجمعوا ان الهربس غير خطير ولكن لايوجد له علاج يقضي عليه وانه لايعدي الا اذا كان نشط اما اذا كان خامل لايعدي
وانه اذا اتضح اعراضه واللي هي مثل ماتفضلتي حكه وحبوب في المناطق الحساسه حينه يكون نشط فـ يعطى ادويه تجعله خامل ويعيش عادي الانسان وقالوا انه من الممكن ان الاعراض ماتجي ابداً وانه لاينشط ابدا مع بعض الناس وبعض الناس تجيهم مره وبعضهم اكثر

الله يسلمك اخي الوحيد
فعلا من اتكل على الله لن يضيعه
طمنا عليك لما تعمل التحاليل
هل استخرت في زواجك و في البنت ، أتمنى انك تتكلم مع مختص نفسي حتى يسهل عليك كيف تنسى و كيف تدخل حياة زوجية جديدة من غير ترسبات الماضي
الله يوفقك

يعجبني اتزانك
بارك الله فيك
لم اقرأ كثيرا ولم أفهم القصه كامله
لكن من ردودك ان الله معك

السلام عليكم ورحمة الله

أرى أنك استعجلت في الخطبة والزواج لازلت تصارع في دوامة زوجتك الأولى الزواج الثاني ليس الدواء وليس هذا وقته
ريما لو تريثت قليلاً حتى تهدأ نفسك الزوجة الجديدة تحتاج لنفس تقاسمها سعادة الزواج وفرحة الأيام الاولى وفكر نقي من شوائب تجارب لازالت جراحها طرية في داخلك
أتمنى ان تكون فحوصاتك أنت سليمة وتاب الله على زوجتك وحفظ لك أسرتك

السلام عليكم ورحمة الله وبركاته

ابشركم سويت تحليل لي ولها بكذا مكان والحمدلله النتايج طلعت سليمه
اللهم لك الحمد والشكر

واليوم رحت تقدمت رسمي للخطبه
والاخوان والاخوات اللي يقولون لاتستعجل فعلا كلامهم صحيح
ولكن بصراحه هي جت بالصدفه
فيه رجال اعرفه ويعزني كثير جاني وعرض علي اخته لانه هو اللي يعيل اهله
واعرفهم زين سمعتهم ماشاءالله تبارك الله ذهب
واصل وفصل وكل شي زين فيهم وقبلت بشرط انه ياخذ رايها واذا وافقت زين واذا لا اعفيته من الحرج وكأني ماسمعت شي
وفعلا وافقت وتقدمت اليوم رسمي
وبصراحه انا احس بحاجه للزواج لاني اهملت نفسي كثير وفكرت بغيري كثير فـ شفت انه آن الاوان اني اللتفت لنفسي شوي

لاني حسيت ماراح يخف الضغط علي الا بوجود انسانه ثانيه بحياتي

يارب لك الحمد..

الله يصلح لك عايلتك ويعوضك ويكتب لك الاجر