|
|
04-02-2011, 04:00 PM
|
المشاركة الأصلية كتبت بواسطة cila
اختي صابرة ايش صايرلك حبيبتي
شو يكون موقفك لو قرا زوجك شو كاتبه عنو لا يا غلاتي هد وسواس قهري استعدي بالله من الشيطان الرجيم واشغلي نفسك بشي نافع الشك هو بداية خراب البيوت الزوجية ومعظمها يكون اوهام واريد ان اخبرك بشئ ان الزوج من كثرة شك زوجته به قد يكون هو برئ ومن كثرة شكك فيه رح يخونك في يوم لانك حسستيه انك نزعتي الثقة منو و الشك اللي انتي فيه رح يوصله لهذا الطريق من الخيانة انتبهي حبيبتي لهذا الموقف اذا كان زوجك اليوم صابر عليك فما رح يصبر عليك بكرة رح يقوم بخيانتك فعلا فلا تندرجي اكثر من هذا في هذا الطريق وارجعي إلي صوابك قبل فوات الاوان وانسي هذا الشك القاتل حتي لا تندمي قريبا وليس بعيدا |
06-02-2011, 12:43 PM
|
المشاركة الأصلية كتبت بواسطة صابرة بدنيتي
حبيبتي سليا اشكرك على نصايحك غاليتي
شوفي حبيبتي مسالة اني لو زدت شكي فيه بيخون بيوم من الايام هذا ليس عذر الي يخاف الله مايخون لاجل ان هناك رب يراقبنا بكل تصرفاتنا يعني انا احد بمجرد مايشك فيني بقوم ااكد له شكه واخونه! الرسول اللهم صل وسلم عليه قالو عنه ساحر وشاعر هذا افضل الخلق سامحيني على اختلافي معك في الراي بس الي يخاف ربه سرا وعلانية مايخون والي يخون مايخون الا امانة ربه ونفسه |
06-02-2011, 01:35 PM
|
المشاركة الأصلية كتبت بواسطة cila
حبيبتي صابرة
ادري انو الانسان الملتزم بتعاليم ديننا السمح من المفروض يكون من ابعد الناس عن الخيانة لانو فاهم الدين على اصولو بس هدا ما يمنع انو يغلط لانو بشر ونحنا البشر نخطى و نصي مافي حدا يحب يخون بس اشي عم يدفعوا لارتكاب المعصية انتي بشر وزوجك كمان بشر حبيبتي ربنا سبحانه نهانا عن سوء الظن بالناس وأنت بتصرفك هذا يمكن تفسدين علاقتك مع زوجك ويمكن أنت من النوع الحساس صدقيني بقدر الشي اللي بتمري فيه بقلك أولا تكثرين من الذكر والدعاء ثانيا لاتستجيبي للوساوس يعني لاتستعجلين وتروحين تكلمينه كل ماشكيتي بشي إلا حاجة شفتيها بعينك فحينها يحق لك انك تواجهيه ثالثا .. حاولي إنك تقرأين أشياء توسع صدرك وابتعدي عن المشاكل من حيث قراءتها والاطلاع عليها أو تجنبهامع الآخرين وأنصحك أيضا باستشارة أهل الاختصاص في هذا الموضوع اتمنى اني كون افدتك وكمان تتقبلي نصيحتي بصدر رحب يا غلاتي ولا تنسينا من صالح دعائك |
04-02-2011, 04:07 PM
|
المشاركة الأصلية كتبت بواسطة صابرة بدنيتي
عقلي الباطني يخزن كثير امور واذا جاني الشك اتجاوب معه
الي متاكدة منه ان زوجي لايمكن يروح للحرام |
04-02-2011, 06:06 PM
04-02-2011, 08:25 PM
04-02-2011, 09:48 PM
|
المشاركة الأصلية كتبت بواسطة نسيم الوسم
صابره سامحيني بكلامي اللي راح تقريه
تمنيت اني ماعاد اقرا لك مواضيع تتكلم عن الشك بزوجك او عدم استقرارك النفسي معه وانا حسبالي امورك تمام وانك سيطرتي على كل الافكار السيئه(وقاعده اقول صابره القويه)وان شاء الله انك قويه موقفك مع زوجك في طلبك له ان تسمعي صوت ارحامه موقف صراحه ماله دااااااااعي__وعندي احساس مليون بالميه انو هالموقف جرحه وانه قلل من شانك عنده اختي ان كان انك بتعيشين معه على الشك وتعيشينه بجحيم الشك والوسوسه ومتابعة نظراته وين بتروح وملاحقته بالاتصالات لا وتسئلينه مين اللي معك وخليني اسمع صوتهم والبلوى الكبيره تروحين تشكين بوخيتك حبيبتك فترى حبك بيطير من قلبه واؤكد لك ذلك ان حبك مو بس بيطيرالا بينتزع نزع من قلبه واخاف يصير لك مثل ماصار لزوجة المحتار شوفيه كريم وطيب ومحب لها وهي اذته بهمجيتها وعدم حسن تبعلها له وهاهي الان تذوق مرارة شر افعالها(((واخاف تذوقين بعدين مرارة ماتفعلينه الان مع زوجك))) انا لا اقول انك مثلها بل ان شاء الله انك صاحبة عقل كبير وانك انسانه واعيه وفاهمه بس هناك تشابه في الاحداث وليس تشابه الشخصيات بينك وبينها وهنا احب اربط الواقعتين واقول ان زوجها كان صبور جدا جدا جدا وزوجك صبور فاحذري احذري احذري مليون مره لان الصبر وان طال لابد يجيله يوم وينفذ انتبهي لكلمة (ينفذ) وكل واحد عاد ومقدار صبره ((((تعوذي من ابليس وكلما طرا لك ابليس ووساوسه اقري سورة الناس اكثر من مره ولا تسترسلين مع الافكار الشيطانيه))) وترا ماهي زينه انتوا في سفره ووناسه وفله تروحين تقلبينها مراقبه وقلق قوي ثقتك بنفسك وبزوجك ورددي بداخلك ((زوجي رجال يخاف الله ومحل الثقه)) وعيشي حياتك ببساطه وهدوء لان الحياه قصيره وبيجي يوم ونرحل عنها املئيها كل يوم ثقه وسعاده وهناء وهدوء وطمئنينه بتقولين صعب باقولك سهل مررررررررررررررررررررررره بس توكلي ع الله واطلبي الله العون وابدئي في زرع السعاده في كل يوم تحيينه ملاحظه مهمه لاتجعلي صحيفة يومك تطوى دون ان يكون فيها قراءه للقران وتدبر لمعانيه ولو ع الاقل 3 وجوه فبذكر الله تطمئن القلوب الله يطمن قلبك ويملاءه سعاده ****وحافظي ع زوجك**** موفقه يااختي الغاليه |
04-02-2011, 10:40 PM
|
المشاركة الأصلية كتبت بواسطة صابرة بدنيتي
مثلا اذا صرنا بطيارة ماتمر مضيفة الا ويرفع يعونه لا اراديا ترى اقوله شف خلق الله الي قاعد يقرا والي قاعد ياكل ولا يتفرج وانت بروحك تعطي وجه للمضيفات مدري شنو اقول وشنو اعيد مرة قعد يطالع بوحدة قال ياااه شفي هذي تشبهك قلت وش الله حادك تناظر فيها حتى تقول تشبهني نظرات زوجي لغيري تعنيلي الموت صدقيني اتمنى اموت ولا اشوف نظراته وكل هذا بخزنه عقلي الباطني ويتحول الي احلام |
04-02-2011, 08:51 PM
04-02-2011, 09:00 PM
|
المشاركة الأصلية كتبت بواسطة شيخة البنـــات
مساج الله بالخير والنووور والسرور يالحبيبة يا نوور المنتدى انتي وعساج إن شاءالله بخير وعافية وعسى ربي يبعد عنج كل شر وكل هول وكل عين يا رب العالمين تضايقت وااايد لما شفت الموضووع ولما شفت ردودج تضايقت عليج وعلى همج وحزنج ياحبيبتي آنا أدري إن كل اللي يصير معاج مو بيدج وانتي مالج فيه بس ياعمري انتي مالازم تخلي أي شي يتغلب عليج انتي قلتي جملة استوقفتني وايد قلتي " آنا متأكدة زوجي ما راح يروح للحرام " هذي الجملة جميلة جدا بينت لي إنج على كثر ما الشك يلعب ف مخج ومفرفر بالج تفرفر على قد ما انتي واثقة إن ما يسويها بالحرام أبدا وف نفس الوقت حلف لج إن ما يتزوج ثالثة !! مو كأنه تناقض غريب ؟! انتي ياصبووورة من كثر ما تحبينه وتغارين عليه وتعشقينه ومن كثر الأمور والمشاكل " تنذكر ما تنعاد " اللي صارت بينكم ومن ترسبات الطفولة والماضي اللي مازالت عالقة ف ذهنج للحين و من كثر الوحدة اللي انتي فيها و حبج لتملك زوجج وخوفج من وايد أشيا ف حياتج كل هذا يؤثر على تصرفاتج وبالتالي يسبب لج كل هالأشيا انتي حساسة وايد والأشيا اللي صارت بالماضي مب قادرة تشيلينها حتى ولما يصير موقف حتى لو انتي مؤمنة إن غير مقصود يترسب ف مخج ويظل يؤثر على تفكيرج ويسيطر عليه لفترة بحيث إن أي موقف ثاني يصير لج عقب على طوول تفتكرين الموقف السابق وتبدين توازنين هذا باعتقادي اللي يصير ف حياتج علما بإن هذا مو بيدج وانتي ودج إن كل هذا يرووح بس ما تقدرين تتحكمين فيه لكن كل شي ياعمري وله حل وكل شي ف بدايته صعب ! لكن مع مرور الوقت الإنسان يتعوود انتي نفسج كنتي عايشة بالإمارات فترة طويلة وبعدها تزوجتي ورحتي للسعودية مليوون في المئة أول الأيام ماكنتي حابة المكان بس كنتي مرتاحة لأن زوجج معاج لكن مومتقبلة المكان وحاسة بشعوور غريب لأنج مو متعودة عليه أبدا لكن بعد مرور فترو لا بد إن هالشعور بدى يتلاشى هذا ما يمنع رغبتج دايم بمكانج الأولي وبلدتج الأصلية بس تعودتي على الأقل هذا يبين لج إن الإنسان بطبيعته يتأقلم على الظرووف والأجواء اللي ينحط فيها فبالرجوع لكلامي فوق شوي لما قلت لج كل شي ف بدايته صعب لما الجرح يصيبني مثلا آنا أتالم واااايد أول الأيام لكن بعد فترة يبدا الألم يخف لما يزوول تماما المقصد من هذا كله إن انتي حاولي تبدين علاج إلى هالمشكلة اشلوون ؟؟ أول شي من بداية اليوووم تشغلين في البيت سورة البقرة وتواصلين على قراءة الأدعية والإستغفارات عند كل صلاة الشي الثاني تاخذين ورقة تكتبين فيها كل الصفات المميزة والحلوة بزوجج تكتبين فيها كل المواقف الحلوة اللي جمعتكم تكتبين فيها كل موقف صار انتي احتجيته ووقف جنبج طبيعي لما تكتبينهم وتقرينهم مرة ثانية بتحسين بشعوور حلوو وبتبتسمين وبيكون هالشي دعم وايد قووي لج وكلما تضعفين أو تحسين إن الشك بدى يتغلغل لبالج ارجعي وطلعي الورقة واقري زوجج شنو سوى لج وشنو الأمور الحلوة اللي بذرت منه وصارت بينكم وانحفرت ف بالج هالشي ممكن يخفف عنج الشي الثالث حاولي تقرين كتب تنمي ثقتج بنفسج أكثر وتخليج تعيدين توازن نفسج من جديد وآنا بدور لج جم كتاب حلووو وايد بتستفيدين منه لي عوووووووووودة حبيبتي |
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور