04-02-2011, 08:51 PM
04-02-2011, 09:00 PM
|
المشاركة الأصلية كتبت بواسطة شيخة البنـــات
مساج الله بالخير والنووور والسرور يالحبيبة يا نوور المنتدى انتي وعساج إن شاءالله بخير وعافية وعسى ربي يبعد عنج كل شر وكل هول وكل عين يا رب العالمين تضايقت وااايد لما شفت الموضووع ولما شفت ردودج تضايقت عليج وعلى همج وحزنج ياحبيبتي آنا أدري إن كل اللي يصير معاج مو بيدج وانتي مالج فيه بس ياعمري انتي مالازم تخلي أي شي يتغلب عليج انتي قلتي جملة استوقفتني وايد قلتي " آنا متأكدة زوجي ما راح يروح للحرام " هذي الجملة جميلة جدا بينت لي إنج على كثر ما الشك يلعب ف مخج ومفرفر بالج تفرفر على قد ما انتي واثقة إن ما يسويها بالحرام أبدا وف نفس الوقت حلف لج إن ما يتزوج ثالثة !! مو كأنه تناقض غريب ؟! انتي ياصبووورة من كثر ما تحبينه وتغارين عليه وتعشقينه ومن كثر الأمور والمشاكل " تنذكر ما تنعاد " اللي صارت بينكم ومن ترسبات الطفولة والماضي اللي مازالت عالقة ف ذهنج للحين و من كثر الوحدة اللي انتي فيها و حبج لتملك زوجج وخوفج من وايد أشيا ف حياتج كل هذا يؤثر على تصرفاتج وبالتالي يسبب لج كل هالأشيا انتي حساسة وايد والأشيا اللي صارت بالماضي مب قادرة تشيلينها حتى ولما يصير موقف حتى لو انتي مؤمنة إن غير مقصود يترسب ف مخج ويظل يؤثر على تفكيرج ويسيطر عليه لفترة بحيث إن أي موقف ثاني يصير لج عقب على طوول تفتكرين الموقف السابق وتبدين توازنين هذا باعتقادي اللي يصير ف حياتج علما بإن هذا مو بيدج وانتي ودج إن كل هذا يرووح بس ما تقدرين تتحكمين فيه لكن كل شي ياعمري وله حل وكل شي ف بدايته صعب ! لكن مع مرور الوقت الإنسان يتعوود انتي نفسج كنتي عايشة بالإمارات فترة طويلة وبعدها تزوجتي ورحتي للسعودية مليوون في المئة أول الأيام ماكنتي حابة المكان بس كنتي مرتاحة لأن زوجج معاج لكن مومتقبلة المكان وحاسة بشعوور غريب لأنج مو متعودة عليه أبدا لكن بعد مرور فترو لا بد إن هالشعور بدى يتلاشى هذا ما يمنع رغبتج دايم بمكانج الأولي وبلدتج الأصلية بس تعودتي على الأقل هذا يبين لج إن الإنسان بطبيعته يتأقلم على الظرووف والأجواء اللي ينحط فيها فبالرجوع لكلامي فوق شوي لما قلت لج كل شي ف بدايته صعب لما الجرح يصيبني مثلا آنا أتالم واااايد أول الأيام لكن بعد فترة يبدا الألم يخف لما يزوول تماما المقصد من هذا كله إن انتي حاولي تبدين علاج إلى هالمشكلة اشلوون ؟؟ أول شي من بداية اليوووم تشغلين في البيت سورة البقرة وتواصلين على قراءة الأدعية والإستغفارات عند كل صلاة الشي الثاني تاخذين ورقة تكتبين فيها كل الصفات المميزة والحلوة بزوجج تكتبين فيها كل المواقف الحلوة اللي جمعتكم تكتبين فيها كل موقف صار انتي احتجيته ووقف جنبج طبيعي لما تكتبينهم وتقرينهم مرة ثانية بتحسين بشعوور حلوو وبتبتسمين وبيكون هالشي دعم وايد قووي لج وكلما تضعفين أو تحسين إن الشك بدى يتغلغل لبالج ارجعي وطلعي الورقة واقري زوجج شنو سوى لج وشنو الأمور الحلوة اللي بذرت منه وصارت بينكم وانحفرت ف بالج هالشي ممكن يخفف عنج الشي الثالث حاولي تقرين كتب تنمي ثقتج بنفسج أكثر وتخليج تعيدين توازن نفسج من جديد وآنا بدور لج جم كتاب حلووو وايد بتستفيدين منه لي عوووووووووودة حبيبتي |
04-02-2011, 09:48 PM
|
المشاركة الأصلية كتبت بواسطة نسيم الوسم
صابره سامحيني بكلامي اللي راح تقريه
تمنيت اني ماعاد اقرا لك مواضيع تتكلم عن الشك بزوجك او عدم استقرارك النفسي معه وانا حسبالي امورك تمام وانك سيطرتي على كل الافكار السيئه(وقاعده اقول صابره القويه)وان شاء الله انك قويه موقفك مع زوجك في طلبك له ان تسمعي صوت ارحامه موقف صراحه ماله دااااااااعي__وعندي احساس مليون بالميه انو هالموقف جرحه وانه قلل من شانك عنده اختي ان كان انك بتعيشين معه على الشك وتعيشينه بجحيم الشك والوسوسه ومتابعة نظراته وين بتروح وملاحقته بالاتصالات لا وتسئلينه مين اللي معك وخليني اسمع صوتهم والبلوى الكبيره تروحين تشكين بوخيتك حبيبتك فترى حبك بيطير من قلبه واؤكد لك ذلك ان حبك مو بس بيطيرالا بينتزع نزع من قلبه واخاف يصير لك مثل ماصار لزوجة المحتار شوفيه كريم وطيب ومحب لها وهي اذته بهمجيتها وعدم حسن تبعلها له وهاهي الان تذوق مرارة شر افعالها(((واخاف تذوقين بعدين مرارة ماتفعلينه الان مع زوجك))) انا لا اقول انك مثلها بل ان شاء الله انك صاحبة عقل كبير وانك انسانه واعيه وفاهمه بس هناك تشابه في الاحداث وليس تشابه الشخصيات بينك وبينها وهنا احب اربط الواقعتين واقول ان زوجها كان صبور جدا جدا جدا وزوجك صبور فاحذري احذري احذري مليون مره لان الصبر وان طال لابد يجيله يوم وينفذ انتبهي لكلمة (ينفذ) وكل واحد عاد ومقدار صبره ((((تعوذي من ابليس وكلما طرا لك ابليس ووساوسه اقري سورة الناس اكثر من مره ولا تسترسلين مع الافكار الشيطانيه))) وترا ماهي زينه انتوا في سفره ووناسه وفله تروحين تقلبينها مراقبه وقلق قوي ثقتك بنفسك وبزوجك ورددي بداخلك ((زوجي رجال يخاف الله ومحل الثقه)) وعيشي حياتك ببساطه وهدوء لان الحياه قصيره وبيجي يوم ونرحل عنها املئيها كل يوم ثقه وسعاده وهناء وهدوء وطمئنينه بتقولين صعب باقولك سهل مررررررررررررررررررررررره بس توكلي ع الله واطلبي الله العون وابدئي في زرع السعاده في كل يوم تحيينه ملاحظه مهمه لاتجعلي صحيفة يومك تطوى دون ان يكون فيها قراءه للقران وتدبر لمعانيه ولو ع الاقل 3 وجوه فبذكر الله تطمئن القلوب الله يطمن قلبك ويملاءه سعاده ****وحافظي ع زوجك**** موفقه يااختي الغاليه |
04-02-2011, 10:22 PM
![الصورة الرمزية ][ لمني بشوق ][](image.php?u=227959&dateline=1264194203)
04-02-2011, 10:39 PM
|
المشاركة الأصلية كتبت بواسطة ][ لمني بشوق ][
حبيبتي صابره .. رجعت لك لانك شاغله بالي من البارحه .. بصراحه كلمت لك شيخ ثقة .. وقال لي ان الميت لما يقول شيء في النوم فهو صادق لان الله ينطقه .. وهذا كان مثل التنبيه ... فلما قال لك الميت تروشي بروق السدر ... فتوكلي على الله ولازمي الرقيه وتروشي بروق السدر .. وبإذن الله تكون الامور طيبه ...ولا تهملين الاذكار والتحصين حبيبتي ... هذه الامور اللي ان شاء الله بتخفف حالتك .. يا ما شفت امي وابوي في المنام الله يرحمهم وهم ينبهوني على امور او ينصحوني بأمور ... وغيري تفكيرك بليز .. لو استمريتي بتفكيرك انك ما تقدرين تغيرين حالك لانه غصبا عنك .. ما بيتغير حالك ابد غاليتي صابرة ... لا تجلسين مكانك وتقولين ما اقدر ... اذكري اسم الله وابدأي في علاج نفسك بنفسك ... وانسي كل اللي حولك حاليا ... وتقربي من الله ... والله يحفظك ويسعدك .. ويفرج همك .. والله اني انتظر اللحظة اللي بتبشرينا فيها انك نجحتِ في حل مشكلتك .. وانك سعيده مع زوجك واهلك .. |
04-02-2011, 10:40 PM
|
المشاركة الأصلية كتبت بواسطة صابرة بدنيتي
مثلا اذا صرنا بطيارة ماتمر مضيفة الا ويرفع يعونه لا اراديا ترى اقوله شف خلق الله الي قاعد يقرا والي قاعد ياكل ولا يتفرج وانت بروحك تعطي وجه للمضيفات مدري شنو اقول وشنو اعيد مرة قعد يطالع بوحدة قال ياااه شفي هذي تشبهك قلت وش الله حادك تناظر فيها حتى تقول تشبهني نظرات زوجي لغيري تعنيلي الموت صدقيني اتمنى اموت ولا اشوف نظراته وكل هذا بخزنه عقلي الباطني ويتحول الي احلام |
04-02-2011, 11:38 PM
|
المشاركة الأصلية كتبت بواسطة صابرة بدنيتي
الله ياشيخة كلامك بلسم للجروح ويعطي الامل والثقة بالنفس
احبك واحب اسلوبك يالغالية حبيبتي انتي قلتي انه في تناقض بكون حلف لي انه مايتزوج الثالثة يعني شنو مافهمت قصدج |
إلا لما خبرتج أول بس خسارة ما شفت النتيجة وايد أسولف عنج
05-02-2011, 12:13 AM
05-02-2011, 01:07 AM
|
المشاركة الأصلية كتبت بواسطة شيخة البنـــات
[COLOR="DarkOrchid"
]ياعمري انتي قريتي الجزء بس مو كله لذلك ما فهمتي ! انا قصدي انتي قلتي إنج متأكدة إن هو مستحيل يروح للحرام بس بنفس الوقت تشكي في تصرفاته ! هذا شي متناقض إلى حد ما يعني انتي متأكدة منه وبنفس الوقت تشكين في أقل تصرف ممكن يسويه معنى هذا رغم إن هو حلف لج إنه ما راح يتزوج الثالثة ومش ممكن يروح للحرام إلا إنج رغم كل هذا تشكين في أقل تصرف يسويه هذا مقصدي إن شاء الله تكوون وضحت الصووورة حبووووبة آنا كتبت لج ف الموضوع السابق اللي انقفل ان نتيجة الجامعة طلعت وكنت توني مجيكتها وعلى طوول خبرتج حتى خطيبي ما قلته في ذاك الوقت إلا لما خبرتج أول بس خسارة ما شفت النتيجة ههههههههههههههههه حبيت أبشرج نجحت يابعد قلبي ومعدلي ارتفع الحمدلله رب العالمين ترى خطيبي بدى يغار منج وايد أسولف عنجوأقوله ودي اشوفها وأكلمها وجذي من جد ياصبورة تدشين القلب والرووووح ربي يحفظج ياعمري من كل شي و يخليج نوووور هالمنتدى وتنووورين حياة زوجج طوول العمر قوولي آمييييييييييييييين أحبج صبوووورة ومن صمصومة قلبــي [/COLOR] |
05-02-2011, 01:09 AM
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
