شكرا من القلب
لأول رد إلى اخر رد
بجد ادعي لكم من كل قلبي
خاصة اذا ضاقت فيني جيت اشوف الموضوع هنا و اقرأ الردود


المهم

وصلني اليوم من اهلي ان والده اتصل بأخواني من اسبوعين
و اعتذر لهم و صار يثني علي عندهم
و يسأل اذا الولد محتاج حليب او بامبرز ؟؟
طبعا اهلي قالوا له لا ما يحتاج بنتنا و ولدها بخير
و صار يطلب من اخواني انهم يكلموني و يهدوني و لا يكبر الموضوع
و هو كذلك بيكلم ولده !!! هذي العبارة قتلتني
معنى كلامه ان ولده معترض على الرجعه و الاعتذار و كبرت بنفسي كثييير
اهلي طلبوا من ابوه اننا نبعد فترة لين تهدأ النفوس
و قالوا ممكن الموضوع فيه نفس او عين !!
و هذا الشي كنت دائما اعترض على زوجي اذا قاله
لأنهم عندهم وسواس مو طبيعي تجاه هذا الموضوع
و طلب الاب ان اهلي يرقوني و هو كذلك بيرقي ابنه

اعترض لان العين او الحسد صارت علاقه نعلق عليها عيوبنا و فشلنا و اخطائنا
بس اهم شي ما نعترف بالخطأ!

وصلني الخبر هذا متأخر
لأني اول ما رجعت لأهلي طلبت من الجمييييع ما يتكلمون عن المشكلة او عن زوجي او عن اي شي يخصه
لاني اتضااايق
و اهلي معطيني على جوي 😢💔
شعوري الآن اكثر خيبة ... ما ندمت
لكن فعلا خاب ظني فيه
بعد كل هذا يصير بايعني و تتدخل في علاقتنا واسطات عشان نرجع لبعضنا
و انا في الحقيقة تكفيني كلمة انا اسف
ما انتظر شي اكثر
الان اشعر فعلا بالجفاء و انه اصبح شخص غريب افكر امسح كل شي يخصه و اعيش حياتي فعلا كمطلقهز
و اطلب من الله العوض

ممكن جديدي هذا ماله حل عندكم
يكفيني منكم دعوة بظهر الغيب
شكرا احبابي

__________________
ي رب رضاك و الجنة

عدنا مجددا
رغم ما احد عقب على المستجدات او حتى الادارة ما كتبت شي بالموضوع
جل من لا يسهو 🤔

الجديد ي احبتي
ان زوجي و اخير ارسل و افتكرني
ارسل رسالة جافة
و تعذرت له بداخلي انه بيفتح حوار معي
طبعا طنشت
اتصلت بعدها بساعة
قفلت انا الجوال

من بكرا لقيته مرسل برضو رسالة جافة
يطلب مني ارد عليه
و احل المشكلة معه هو بدون تدخل اهالينا !
و بعدها رجع يتصل

و لا رديت


ما رديت لاسباب

اسلوبه بالرسائل زي ما هو .. مافيه ندم او اعتذار او حتى كلمة تبرد الخاطر و تمسح ما بالقلب

السبب الثاني ما اضمن ردت فعلي
لأني بكون متوقعه انه فعلا بيراضني ثم انصدم
و اكيد بانفجر عليه

السبب الثالث
حاليا و من فضل الله استقريت نفسيا عند اهلي
و راحت الضيقةو الكآبه و بديت انساه 😢
او بمعنى اصح نسيت اني متزوجة
اهلي مبسوطين معي انا و ولدي غيرنا جو بالبيت
انا احب اللمة احب نجتمع كل وقت
🙄


ابي أراء حكيمة بدون عنصرية
اي احد منكم يعتبرها مشكلة لاخته
و انا ادري فيكم لكن من باب التذكير

هل احل الموضوع معه ارد عليه يعني
ام اقفل جوالي لين يعرف الاصول و يكلم اهلي
بتقولون شروط
قولوا لي ايش اشرط ؟
كيف ما اظلم نفسي
احن لايامنا ثم اتذكر المشاكل و اقول الحمدلله تخلصت منه
و لا ادري انا الصح و لا الغلط
مداومه ع الدعاء و الاستغفار و الذكر يارب لك الحمد

شكرا لكم

__________________
ي رب رضاك و الجنة

الله يفرج همك ويكتب لك الخير أينما كان
نفس تصرفات زوجي جاف جدا ولايعترف بالغلط أو يعتذر
انا من رأيي انك تستمرين في الاستخاره ولاتردين عليه يبغى الصلح والتفاهم مع أهلك ولازم تشرطي شروطك بحيث تحفظ كرامتك
وبوجود أهله معاه ويكونو شهود عليه

ابوه يدري عن موضوع الضرب؟ سواء آخر مرة او المرات اللي قبل

اذا ماتضمنين ردة فعلك لا تردين ع المكالمات لكن ردي برسالة تعال تفاهم مع أهلي

واطلبي وجود ابوه عشان يكون في الصورة ..

لانه مو مهم يعتذر ويقول آسف واذا رجعتي يرجع لطبعه ومدة يده..

الله يصلح احوالك ويفرج همك..

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

لا تردين عليه خلي تواصله مع اهلك ولا حتى تفتحين مجال للريسائل معه
زوجك اول كابر بعدين أرسل والده الان يرد عليك بجفاء ويطلب التواصل
بعده بتشوفين الرسائل العاطفيه وتذكر الأيام الجميله بينكم
بعدها بيجي وبكل خضوع يطلب الصلح
انتي قولي شروطك ولا تتنازلن عن حقوقك عشان بعدها
اذا فكر يضربك يتذكر الشروط اللي هزته ولا يفكر يتعود الضرب
وتأكدي اذا اغليتي نفسك غليتي عند زوجك
وَذَا ارخصتي نفسك رخصتي عند زوجك
ولله يوفقك ويهدي سرك
وتأكدي ان الله يحب المؤمن القوي لا الضعيف

مع هذا الرد ..

توكلي على الله وعيشي حياتك ولا تشغلي بالك كثير ..

ايوه ابوي عرف عن كل شيء

بس ماني عارفه كيف اتصرف
اهلي طبعا كارهينه و يتصرفون ع اني انفصلت خلاص

__________________
ي رب رضاك و الجنة

قصدي ابو زوجك مو ابوك انتِ ..

طبيعي بيختفي دام ما رديتي عليه ..ويمكن حتى ياخذها حجه انه يتصل ويرسل

وما تردين.. كيف أهلك يتصرفون على انك انفصلتي؟

لو رجع كلمهم ابو زوجك ايش تتوقعين يردون عليه ..قول لولدك يطلق ولا يتركون

مجال للتفاهم والصلح؟

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]

ايوه كنت اقصد ابو زوجي
لان والدي متوفي فأنا اقصد ابوه هو

اهلي يتصرفون على اني منفصله و يشجعون على ذلك بطريقه غير مباشرة
لأن الرأي الأخير لي
لو كلم والد زوجي اهلي بقصد الصلح ما اعتقد انهم يرفضون
لكنهم يفضلون الانفصال لمصلحتي انا

__________________
ي رب رضاك و الجنة

مدري ليش موضوعي ما تفاعل فيه الاعضاء زي باقي المشاكل هنا 😢

المهم
رجع اختفى لا رسايل و لا اتصال
مو سهله عليه يقول انا اسف و حقك علي
يبي يكلمني عشان يقول الغلط عليك بعد

اللي متعبني هالفترة اني معلقه فعلا
حتى اذا فكرت بشكل كويس لبكرا
الا و يجي هو ببالي

__________________
ي رب رضاك و الجنة