👆هذا ماكنت افكر به

يا صبر ايوب
الله يفرجها عليك
هل مستمره على سورة البقره او وقفتيها
معقول ما فيه تغير بحياتكم
حاولتي انت تتقربي منه وتبادري بالعلاقه
بتفكري تروحي اجازة اسبوع عند اهلك يمكن يشتاقلك ويفقدك

__________________
انا لله وانا اليه راجعون

مافيه تغير...

أحسه يزيد...كأنه حاقد..كذا تصرفاته..
طبيعته كذا إذا سوا مشاكل معي هو اللي يزعل...
ولو ماأني أنا أهدي الوضع وأحاول الطف الجو كان من سنة جدي مارضى!


بخصوص سورة البقرة...أقراها شبه يومي...
أقراها في موية مع سورة يس...وهاليومين أشغل رقية عبدالله السدحان أقرأ معه وأنفث في الماء...

أرش عتبات البيت والفراش وأحطه في البرادة نشرب منه كلنا


ماحاولت ألطف أنا مجروحه...
وثاني شي هو لو يستلطف شوي معي..يكلمني..يسألني..يرد علي..
كان ممكن هديت الجو...

بس مزعلني...ويقسى علي ويتصرف تصرفات تستفز...
هالشي مايخليني أقدر أخطي ربع خطوه!

اليوم ثاني يوم ينوم تحت...
صراحة..
مالي حق...يتهمني بالشذوذ وازعله مني..
المفروض يتهمني بالشذوذ وأزعل منه..

1+1 للحين = 2 ولا الأمور تغيرت ههههههههه

نفسي أفهم كيف لسه لك نفس يكون معاكي بنفس الغرفة ؟؟؟
على شوووووووو؟؟؟

__________________

أنا صايرة أكرهه
وأفرح لمن يطلع...
ماعاد أطيقه..

بس مو حابه اجواء التوتر والكره

مو حابه الوضع اللي مو فاهمه على ايش

هذا اسلوب واحد لاقي زوجته مسويه مصيبة

أنا وش سويت!!

تبغين الصراحة انت تبغينه يراضيك يعني لساتك شاريته فلازم تتعبي عشان يتغير معاك

وانا بقولك دامك مااخذتي موقف من البدايه معاه وما وضعتي خطوط حمراء مابيراضيك

عندي طلب لك .. بتنفذيه ؟؟

روحي عنده وسولفي ولا كأن شيء صار وخلي كلامك عذب ..
مع بعض الحركات ..
وتعالي بكره قولي لنا آيش قال..

اما الكبرياء والعناد مابتنحل مشاكلكم دام محد تنازل فيكم ..

__________________

ماابيه يراضيني بس كنت اتمنى غضبه لحظه انفعال وينتهي
يتصرف الان كانه شايف مني شي بينما الوضع مختلف

انا طول عمري معه احط خطوط وناارضى يغلط علي هذا طبعه ماله دخول بخطوط ولا مربعات


صراحة أنا صايرة مااجلس معه في نفس الجلسة
كلمته لي كبيرة صديت عنه بحجمها
فحذها هو عناد
صدت بصد
ماعاد تكلنني صار يدخل ويشوفني كني علبة منديل حتى سلام مايسلم


معليش الواحد يأخذ موقف لو فرضنا يبي يسوي اكشن

بس حجم تعامله مبالغ فيه جداً

لو يشوفني مسوية فعلاً غلط كبير كيف بيكون رد فعله اجل!

اوقات اخاف من تفكيره لانه مايختلق مشكلة الا وبراسه شي

رمضان جاي
كثري دعاء بصﻻح هدا الزوج
والله رحيم يستجيب
واستمري على اﻻستخاره بالبقاء معاه او ﻻ
الله يفرج همك امين

__________________
انا لله وانا اليه راجعون

يااختي انا اشوف ان زوجك ماينفع معه التعامل الند بالند
تعاملي معه كانه مريض وسايسيه اوتعاملي معه كأنه احد ابنائك
الحين جو التوتر الي عايشين فيه بيجيب لكم اﻻمراض انتي وابوابنائك
انا لو مكانك بروح عنده وقت يكون فيه مروق وبقول له جو التوتر الي احنا فيه
بيجيب لنا اﻻمراض والشهر الفضيل داخل علينا سامحني اذا غلطت في حقك
من غير قصد وانا مسامحتك على كل الي حصل ﻻني عارفه انه وقت غضب
وﻻانااعرف غلاتي عندك
وانت ماتعرف قد ايش انت غالي عندي وﻻيرضيني
اشوفك زعلان علي ولوبداء يعاتب اويتكلم خليه لين يخلص ﻻتقاطعينه
دائم الحريم الكبار يقولون
الرجل ان هاديتيه طفل وان عاندتيه جبل
المعذره لو الكلام ماهو مرتب ﻻني اكتب من الجوال

__________________
اللهم اجعل خير عمري آخره و خير عملي خواتمه و خير أيامي يوم ألقاك فيه