اللهم امين وجزاك الله خير

__________________

ارجو منكم السموحه على تأخري في الرد عليكم لاني مررت بظروف نفسيه منعتني من دخول المنتدى
رجيتكم الدعاء لي ولاتنسوني الله يخليكم من الدعاء لاني والله في ضيق ونفسيتي تعبانه ولولا الخوف من الله انتحرت وارتحت من الهم اللي ماله نهايه ولكن الله كريم وفي انتظار الفرج
والله لايحرمني منكم يا اروع اخوان واخوات وان شاء الله في ميزان حسناتكم فقد كنتم لي نعم الاخوان ووقفتو معي في الوقت اللي مالقيت حد يوقف معي من اقرب الناس لي فالكل مشغول في حياته وفي مصالحه ولكن لما يحتاجون لي يحصلوني قريبه منهم واساعدهم باللي اقدر عليه
اللهم اجرني في مصيبتي واخلفني خيرا منها

__________________

الله يفرجها عليك قولي امين
مسكينات النسوان الله يكتب اجرهن امين

__________________
انا لله وانا اليه راجعون

اللهم امين
الله يجزيك خير اختي

__________________

السلام عليكم ورحمة الله وبركاته
حبيت ابلغكم اني اخذت براي الاغلبيه منكم وانا مازلت على وضعي في بيت اهلي على امل انها تفرج من ربي الكريم
ووكلت امري وامر عيالي الى الله سبحانه وسلمت امري اليه
والله يحكم بيني وبين هذا الظالم وهو احكم الحاكميين
وان شاء الله يراويني فيه عجائب قدرته في الدنيا والاخره وياخذ حقي وحق عيالي منه اخذ عزيز مقتدر
طلبتكم لاتنسوني انا وعيالي من الدعاء في هذي الايام الفضيله
والله يجزيكم خير ويرحم والدينكم ويبلغكم رمضان لافاقدين ولامفقودين ان شاء الله

__________________

انتي وش اللي حادك تجلسين معلقه كذا طول هالسنوااات ؟

ليش ماتتطلقين وتعيشين حياتك ؟؟ خايفه من ايش ؟

ماابي اتطلق لاني مستحيل اتزوج واعيش حياتي بعد ما الشباب والعمر راح ومن راح يتقدم لاربعينيه وعندها عيال؟
وهل اظمن ان حياتي بتكون سعيده والا بطلع من جحيم لجحيم ثاني؟
شنو اللي بستفيده لو صرت مطلقه غير مسمى مطلقه وهذا بياثر على نفسية عيالي اكيد وخصوصا انهم كبار ومو بزاريين
مشكوره اختي على تكرمك بالرد

__________________

اختي الغاليه مو شرط تتطلقي لكن خذي لك بيت جنب اهلك دام معك راتب حتى لو بيت شعبي قديم عادي اهم شئ اسمه بيت مستقل خاص لك او اذا بيت اهلك ملك اطلبي يرضون لك تبني في جزء منه غرفتين وحمام ومطبخ خاص لك وهو غير مكلف
اعرف وحدة معرفة شخصيه عندها سته ابناء اكبرهم بالجامعه واصغرهم بالابتدائي بنت لها شقه فوق اهلها غرفتين وصاله وحمام ومطبخ وترى هي غير موظفه فقط لديها الضمان الاجتماعي فقط لكن ما حبت تشتيت عيالها وسماع احد يتكلم او يهين احد فيهم
والله يسهل لك ويوفقك

__________________
الحمد لله الذي جعل بعد العسر يسرا... و بعد الضيق فرجا... و بعد الغم راحة ...وبعد الفراق عودة
« الْحَمْدُ للّهِ حَمْداً كَثِيراً طَيِّباً مُبَارَكاً فِيهِ »

الله يفرجها عليك ويرزقك بر اابناءك ويعينك على تربيتهم
واصبر من افضل الاعمال
وحاولي يكون لك بيت مستقل تاخذين راحتك فيه انتي وعيالك

__________________
يارب ابدل حزني فرحا وسرورا وابدل مرضي صحة وعافيه ياكريم