الله يكون بعونك يابحرينية حسبي الله على أشكال هالبنات

فكرة ريمية نجد حلوة بس يبييلها وحدة بالها طويل وأعصابها باردة

انا لو بمكانك والله بنجن ماسكت عالوضع اسوي حالة استنفار بالبيت احسسه بالذنب وأروعه الين يتعدل

كلميه وقت طويل صارحيه طلعي اللي بقلبك ابكي عنده خليه يخاف ويحس ان بيته بينهار والسبة خرابيطه


جددي شوي حياتك اي شي كنت تسوينه حاولي تغيرينه حتى طريقة لبسك اطلعي معاه اقترحي تروحين معه لأي مكان حاولي ينشغل فييكم أكثر

الله يسخره لك ويحفظه والله ضاق صدري

__________________
اللهم لك الحمد والشكر
"ولئن شكرتم لأزيدنكم"

نسيت بااضيف اضافه مهمه بقولها لك وانتي افهميها




انتي عارفه ليش زوجك يكلمها؟؟



دايما قبل\ مايطلع من عندك هدي حيله باللي خبري خبرك خليه ينهد مافي حيل يكلم ولايبي يكلم



لانه شبعان فهمتيني

__________________
لا اله الا انت سبحااااااااااااانك اني كنت من الظالمين

يكلمها تسلية..
ومثل ماقلت في ردي السابق..
اكتشفت إنه يبغي ينتقم مني ويعاندني لما تشاجرنا المرة السابقة.. بس تصالحنا وماقطع علاقته بها..
وهو مايكلمها إلا لما يروح..... والله أعلم يشوفها أو لا..

لما سألته شافها؟ قال: مرة في السوق مع أهلها..
قلت له: ماشاء الله البنت شريفة ماتطلع إلا معاهم..
كلام غير مقنع أبدا..

اختي الكريمة ... هذه المشكلة قلما يخلو منها بيت ... عانيت منها فتره مع زوجي وكنت احترق من الداخل

لكن لم اتكلم بكلمة واحدة .. لانه يعرف انه مخطئ فماذا سأقول ؟؟ عشت حياتي عادي لكن لم يعد له قدر في قلبي

كنت اقوم بواجباتي واضحك واتمشى مع اطفالي ولا كأنه موجود اهملته اهمال عاطفي ولم اكن اتصنع ذلك الاهمال

لكن رغما عني بسبب خيانته .. كان يعرف اني كاشفته من نظراتي له وعدم اهتمامي به طلع سافر راح ولا جاء كله سوا

ومع ذلك كنت ادعو باستمرار ان الله يهديه ويصلح بيتي ..

استمر الامر سنتين تقريبا .. ثم تركه والحمد لله .. يعني هي حاجة بالنفس ومرحلة عمريه معينه بعدها يشوف انه ما

استفاد شي غير انه اغضب ربه وخسر زوجته وفقد حبها وحنانها ... الحين ما عنده اي علاقة واحسه صار يستصغر

هذي الامور ... اهم شي استعيني بالدعاء والحي بالطلب خصوصا اوقات الاجابة

ربنا معاك

عهود..
أعتقد والله العالم.. أني لا أراديا سافعل هذا الشيء..
لا أعتقد بأن لي طاقة للحب ولا تصنع الحب..
لن أهتم بنفسي من أجله بل لنفسي فقط..
ولن أنسى أفعاله من أجله.. بل لكي ارتاح أنا ..

نرجس..
أم فاطيمة..
شوبارد..
أسعدني مروركم..


شوبارد..
هذا الشي اللي دايما أعمله.. وماجاب نتيجة لانه كل مرة يعمل نفسه نادم وآخر مرة ووو.. ثم يرجع لسوالفه..



أقول لكم أش سويت من شوي..
مثل ماقلت لكم هو ألحين بالدوام..
أنا ما قدرت اسكت حسيت أني بانفجر..
وراسي مصدع من التفكير..
طرشت له مسج..
(( تبغي أعطيك أرقام بنات.. وللا إللي تكلمهم يكفون ؟؟ ))
على طول قام اتصل..
وهو مشغوووووول حده..
يسكر ويرد يتصل وبالدقيقة يكلمونه ويقول لحظه..
المهم..
يقول اشتقصدين بالمسج؟؟
قلت له إنت عارف..
المسج اللي يقول:
(( شو حيي إنت مشغول أو ليش ماتراسلني ( حلا ) ))
والمسج اللي يقول:
(( ان شاء الله فديتك إنت بعد حاسب ع نفسك وايد تراك غالي والله باي ))
قال:
أنا ماقلت لك لا تفتشين في جوالي..؟؟
عاد أنا عملت نفسي القوية عشان مايشوفني ضعيفة ويستلمني..
قلت له: راح أفتش طول ما إنت تفتش في جوالي أنا أفتش جوالك..
قال هذي خصوصياتي..
قلت له: مافي بيني وبينك خصوصيات..أنا زوجتك..
وماراح تمنعني في يوم من إني أفتش في جوالاتك..>>>>>>>>> عنده 4 جوالات
قال هذي أنا كلمتها لما صارت بينا ذيك المشكلة من زمان..
وبغيت أتزوجها انتقاما لك..
قلت له: وليش للحين تكلمها ؟
قال: لا خلاص من زمان ماكلمها..
قلت له : لا تكذب الرسايل تاريخها من اسبوعين..
قلت له: وبتم تكلمها أو بتتركها ؟؟
قال: إن شاء الله أتركها.. >>>>>>>>>>>> وهو إذا قال إن شاء الله يعني ماله نية
قلت له: 4 سنين وإنت مب راضي تترك عنك سوالف اليهال.. متى بتعقل ؟؟
قال: شوفي، مب تقولين زوجي كلم وأنا راح أنتقم منه بنفس طريقته..>>>>>>>>>>>متوقعة اسمع هالكلام

المهم إن هالكلام صار متقطع كم مرة يقول لحظة وكم مرة يسكر ويتصل مشغول لأنه بالدوام..
أنا ماشديت عليه..
أنا أفتح موضوع ثاني..
وهو يرد على موضوعنا..
يعني قعدت أقول له عن عياله وش سووا..
وسألته عن سيارتي..>>>>>>>>>>>> ماخذ لي كامري بو الشباب..
ويقول يبغى لها تشييك وتكلف 2500..
ويقول آمري بعد أش تبغين..
قلت له سلامتك ماتقصر..
قال: إنتي تسوينهم وتسوين طوايفهم بعد..>>>>>>>>>>> يعني يراضيني بهالكلمة..

وبس انشغل وسكر..

اختي بحرينيه ولكن..

لقد حاول الجميع ايجاد الحل

ارجو انه لايصل بك الى حد الإنتقام ....... فكري فيما قال لك الإخوة والإخوات

في الردود ... وضعيه امام الإمر الواقع ......

فلا بد من اخبار احد من اهلك حتى لايتفاقم الإمر وترتكبي شئ .. يجعلك تخسري

كل شئ في لحظة

فالقرار بيدك لا بيد عمر...... اذا رأيت ان الحياة صعبه معاة .... اهجريه عند بيتك اهلك

تحياتي لك ..

__________________

	تــــــــــــــــــبــــــــــــــــــسّـم عــــــــــلام الـــــهـــــم والـــمـــلــــل ودمـــــــــع الـــعـــيـــنٌ يــنــهـــمـــلُ تـــبـــســـم تـــقـــهــــر الـــدنـــيــــا وعــــنـــــك الـــــهـــــم يـــرتـــحــــلُ أيـــغـــزوا الـــهـــم ُ قـــلـــبَ فـــتــــى عــــلـــــى الـــرحـــمـــن يـــتـــكـــل ابوجازي

حرام عليك يا شيخ..
لن أقول إن هذا آخر شيء أفكر فيه..
لأنني لا أفكر فيه أبدا..
لن أضيع شرفي من أجل من شخص لم يحترمني ولم يضع لي شأنا في حياته..
قد أهجره..
ولكن ليس في بيت أهلي..
وليس هجران في الفراش..
بل أهجره عاطفيا..
قلت سابقا بأني لا أكن له أي حب..
ولكن لن أتصنع بعد اليوم حبه..

إختي بحرينة ولكن !

قريت الموضوع كله بـردودك ، وحتى قبل كنت متابعـة ..

بمعنى .. كأني عرفت أجزاء من حياتـك مع زوجك ، والمشاكل اللي مرت عليك !

أنا أشوف إنك جربتـي كذا طريقـة ، ونفس المشكلة تتكرر مثل ماتقولين

خذيهـا من الأخير ، ومالك إلا ربــك ، إلجأي إليه ، وادعيه يحفظ لك زوجك ويبعده عن الحرام

قومي ليلك وتضرعي لربك وترجيـه يجمع مابينكم بخـير ..

صدقيني .. الشكوى والتذمر للناس ، ولو إنه تريّح شوي ، إلا إنه الراحة الحقيقية لما تلجأين لرب الناس

وترجين منه وحده حل مشكلتـك ، ربي ماراح يردك بإذنه لأنك ترجينه بشيء حلال وخير ..

ادعي ربك إنه يهدي البنات اللي مع زوجك ويبعدهم عنه ، وإلا إذا ماابعدوا عنه إدعي عليهم

دعوة المظلوم مستجابة ، لأنهم ظالمين وأكيد عندهم خبر إنه متزوج وماهمهم !

ماأوصيك ، قومي بنص الليل ، توضي وإحضري قلبك ونيتك الصادقة وثقتك بالله بإنه هو الوحيد

اللي بيهدي بالك وبيريحك وبيرد لك زوجك ويرده لبناته ..

إختي بحيرينـة .. تذكري إنه الدنيا هذي كلها فانيـة ، وإننا ماراح ندو فيهـا

ودوام الحال من المحال ، يعني لاهي المشاكل راح تدوم ، ولا أيام الصفاء والهدوء بتدوم !

تذكري إنه زوجك جنتـك ونـارك ، برضاها الجنة لك بإذن الله

هذا أهم شي أحاول قد ماأقدر أسوي اللي علي ، وماأقصّر واجباتـي

لأني لو ماحصلت على سعادة الدنيا ، ليه أحرم نفسي من سعادة الأخرة !!



الله ييسر أمرك ويدلك على الطريق اللي فيه خير لك وعائلتك ويبعد عنكم كل شر يارب ..

قلبي معك

أختي غالية..
كلامك ريحني كثير..
وبإذن الله أطبق نصائحك..
جزاك الله ألف خير..